هل فيه حد جرب الميكانيكيون العرب (صلاح سالم)

[a_eissa_rageh]

هل فيه حد جرب الميكانيكيون العرب (صلاح سالم) فى الكشف على عربيه رينو ميجان 2

انا سألته و قالى انه بعمل كشوف شامل زى التوكيل و بيعطيك ريبورت و التكلفة 550 جنيه

الميزه الوحيده عنده انك مش محتاج حجز يعنى روح اى يوم من 8:00 ص الىالساعه 4 مساء

لان موضوع الكشف فى التوكيل عاملى مشكله بسبب المعاد المتأخر بتاعه

كنت اتفقت مع واحد انى اكشف على عربيته و الكلام ده كان يوم الخميس الماضى و كلمت التوكيل عطانى معاد يوم الاتنين
كلمت الراجل يوم الاحد علشان افكره بالمعاد قالى لا يا عم التوكيل بعيد و انا ممكن اروح معاك اى حته داخل القاهره انما العبور او ابو رواش لا ما ليش فيه

المهم قفشت معاه لانه رجع فى كلامه و العربيه كانت تحفه الصراحه

هل حد عنده نصيحه؟

[aymanshebl]

يعني ايه التوكيل بعيد اكشف علي العربية كويس فى التوكيل كمان ضروري

[تامر.محمد]

لازم تكشف على العربية في التوكيل
و لو العبور و القطامية بعيد ممكن المقطم

للعلم الميكانيكيون العرب سمعته سيئة جدا

[cheetos_892005]

لازم تكشف على العربية في التوكيل
و لو العبور و القطامية بعيد ممكن المقطم

للعلم الميكانيكيون العرب سمعته سيئة جدا

بدايتهم كانت كويسه بس بعدها بقو قمة في قلة الذوق و الكروته

و للعلم انا مره دخلت بالصدفه جوه الورشه

مترقيش لاقل ميكانيكي في الحرفيين

[insurancebroke]

لو مش عاوز يروح التوكيل خلاص شوف عربية تانية

[bedooracle]

اؤيد راى الزملاء عن تجربة سيارتى المكينانيكون طلع report ان مفهاش همسة
التوكيل طلع بطاحة و قواعد و موتور الفانوس و على فكرة اضمن منهم مليون مرة فى المعلومة

[a_eissa_rageh]

انا متشكر جدا ليكم يا جماعه على النصيحه

الكشف الشامل فى التوكيل بيكون فى فرع ابو رواش و العبور فقط

[EngAhmed13]

اوعه تروح
انت تصرف نظر عن العربيه احسن
لازم التوكيل