تقريري الأولي عن السانديرو الجديده

[yoko]

شكرا جدا لاهتمامك بس الباركنج سنسور يركب مش مشكله حكاية اعلى فهى اعلى بس مش بفارق كبير لدرجة انو ياثر على الثبأت التكيف ديجيتال فى السانديرو العاديه ؟؟!!!
ممكن بعد اذن حضرتك تعمل تقرير موسع فى توبك مختلف معلش انا عارف انه طلب رزل بس انا بدور فىالمنتدى كله على حد اشتراها مش لاقى و يا ريت لو بالصور
انا عارف انو طلب تقيل بس ده العشم فى ذوق حضرتك

أه التكيف التاتش في السنديرو العاديه
واعلى حوالي ٢ او ٣ سم ودول بيفرقوا على فكره
اما حكايه الموضوع فانا ناوي اعمله بس مشكلتي الوقت انا مبخدش اجازات من الشغل وكمان الإسبوع ده رايح الفيوم بس هحاول على الأحد بالكتير اكون عملت الموضوع

[micoooooool]

أه التكيف التاتش في السنديرو العاديه
واعلى حوالي ٢ او ٣ سم ودول بيفرقوا على فكره
اما حكايه الموضوع فانا ناوي اعمله بس مشكلتي الوقت انا مبخدش اجازات من الشغل وكمان الإسبوع ده رايح الفيوم بس هحاول على الأحد بالكتير اكون عملت الموضوع

تروح و تيجى بالسلامة ا/ yokoشكرا جدا لاهتمامك و لتوضيح بعض النقاط اعذرنى على جهلى انا لسا جديد معرفش كتير فى دواخل العربيات بس اتمنى من حضرتك انك متنساش طلبى وشكرا للمرة التانية

[micoooooool]

انا مستنى تقريرك بفارغ الصبر

[osos_lion]

بس الاستيب واي جنط 16 /205 اعتقد ده ممكن يعالج حتت الارتفاع خاصتا ان الاستيب واي شكلها بالنسبالي حلو اوي وياريت لو حد جربها يقولنا اخبار ثباتها ايه

[Dr.zamalkawey]

يا جماعه الخير انا بعد التقرير ده احترت اكتر ياريت يا باشا تفيدنى اشتريها ولا اشترى السانديرو الهاى لاين ولا اللوجان ولا البيكانتو هاى لاين ياريت نصيحه ف الحيره دى

[fadi_wali]

يا جماعه الخير انا بعد التقرير ده احترت اكتر ياريت يا باشا تفيدنى اشتريها ولا اشترى السانديرو الهاى لاين ولا اللوجان ولا البيكانتو هاى لاين ياريت نصيحه ف الحيره دى

البيكانتو فئة تانية خالص (1200) سي سي و السانديرو (1600) سي سي و السانديرو اكبر في الحجم.

رأي السانديرو, بس لو انتوا اسرة هات اللوجان علشان الشنطة اكبر و هتكون ارخص من السانديرو ب 9 او 10 الاف جنيه

[Dr.zamalkawey]

شكرا يا باشا ع الافاده بس ميال اكتر للسانديرو او الستب واى لان الشنطه ماتفرقش معايا كتيييييير وتسلم يا كبير

[deee]

ممكن اعرف ايه الفرق بين النيو لوجان والنيو سانديرو غير الشنطة فيه فرق فى وسع العربية نفسها من جوه ولا الاتنين واحد ؟؟

انا بفكر جدياً إنى أشترى السانديرو او الستيب واى .. ياريت يا جماعة تفقدونا

[legandmohamed1]

طيب عايزين نعرف٠التعديلات كانت٠عبارة عن اي وازاي عرفت انها وصلت ٢٠٠ حصان

[moataz1313]

ياباشا الف مبروك اولا وانا حجزت الستب واى وعايز اعرف هى كا سيت ولا شاشة نفجيشن 7 انش زى ما فى البرشور برجاء الاجابة