اشتريت موتور ميجان تو ومش عارف اجيب ورق

[mohamed elshae]

السلام عليكم.....انا اشتريت موتور ميجان تو عشان موتوري باظ والراجل بقالوا كتير مدوخني ومش عارف اجيب الورق ومش عارف ارخص العربية والرخصة هتنتهي بعد كام يوم ساعدوني ضروري اعمل اييييه ؟؟؟

[Mahmoud/Nabil]

متابع

[ah-elgendy]

انت لما اشتريت الموتور مختش اى ورق ولا اخت الافراج الجمركى بس ومختش رقم الصادر ؟

[ahmedkamal362]

جبت الموتور بكام وبفتيسة ولا أية

[محمود سامح]

بصراحة مشكلة ولكن لها حلها ان شاء الله بس اهم شيئ المحرك اسيبراد ولا محلى لو استيراد لازم رقم الصادر ولو محلى شهادة بيانات مع صورة الرخصة

[mohamed elshae]

شورت بلوك ميجان تو واشتريته ب 6600 ومش راضي يجيبلي اي ورق ايه الحل ؟؟؟ هو استيراد

[abo hosen]

المفروض تاخد من التاجر صورة الافراج موضح به بصمة رقم الموتور مع فاتورة باسم التاجر وياخد منك صورة الرخصة والبطاقة وبعد فترة تاخد رقم الصادر منه ---او ممكن يعملك عقد بيع مسجل شهرعقارى --- لو رفض خدمعاك شهود والفاتورة واعمله محضر فى قسم الشرطة التابع لمحل التاجر

[محمود سامح]

احسن طريق تاخد رقم المجرك وتطلع على النيابة وتتهمه رسمى فى محضر رسمى وتثبت رقم المحرك وتقول ان حاسس ان المحرك بتاع سيارة مسروقة وليس استيراد بس لو معاك فاتورة او اى نستن= طبعا احسن لانة ممكن ينكر اى صلة بينكم والله معك

[mohamed elshae]

انا معايا فاتورة منه ومعايا رقم الموتور بس مش فاهم ايه موضوع الشهر العقاري دا وهيفيدني في ايه ؟؟؟؟ تاني حاجة الترخيص هيخلص بعد اسبوع لو غيرت الفارغة اللي عليها الرقم بفارغة تانية من تاجر تاني وجابلي ورقها دا هياثر علي الموتور في حاجة ؟؟؟؟اسف لتعبكوا

[mohamed elshae]

يا جماعة لو سمحتوا فيدوني ممكن اعمل ايه ؟؟؟؟؟؟

[MohammedAladel]

الحل إنك ترجع الموتور للتاجر وتعطى له بالبيسبول
وطبعاً رقم الموتور مطبوع على البلوك نفسه وموضوع تغيير البلوك دا إنسى ولا تحاول أن تفكر فيه اللى يخليك تغير بلوك لموتور استيراد بحالة محترمة يبقى تصليح الموتور القديم أحسن بقى ووفر على نفسك تمن الموتور الجديد

[محمد عفيفي]

المشكله دية انا مريت بيها من قبل مع السياره الكليو تبعي القديمه كانت مغيره محرك وكنت جايب المحرك من تاجر في القاهره وكان معايا صوره الافراج الاجمركي بتاع الموتور والتاجر الي انا اشتريت منه الموتور كان بيلعبني قلبت في الورق الي معايا ولقيت ختم المستورد وكان من الاسكندريه واسمه احمد عبد المنعم وكان رقم الموبايل تبعه مكتوب علي الورق كلمته علي التليفون ورد عليا وطلع زوق وقلي انا اخلصك الليله دية كلها بس بشرت التاجر الي انتا اشتريت منه اديني اسمه قلتله ليه قلي علشان اعرف ممكن تكون مبقيلو مبلغ وعايز تكله عليه والمهم الراجل خلصلي الورق وكل ده ب 100 جنيه شوف القصه دية تنفعك بحاجه ولا ايه ؟

[abo hosen]

ترماى ومعاه فاتورة فيها رقم الترماى