رينو فلوانس الهاي لاين

[w_abaza]

برجاء المساعده في شرح الفروق الموجوده في القلوانس الي ب 188 ألف و كمان أسم الموديل ده أيه .هل هو E3+ و هل الفروق دي تستاهل فرق ال 10000 الاف دول عن الموديل الي ب 178 الف.
و بالتحديد ما هو نظام المساعدة في صف السيارة Rear parking aid sensor - - - - - PTS

و شكرا لكم

[Hany Saad]

برجاء المساعده في شرح الفروق الموجوده في القلوانس الي ب 188 ألف و كمان أسم الموديل ده أيه .هل هو e3+ و هل الفروق دي تستاهل فرق ال 10000 الاف دول عن الموديل الي ب 178 الف.
و بالتحديد ما هو نظام المساعدة في صف السيارة rear parking aid sensor - - - - - pts

و شكرا لكم

اسم الموديل e3 هاى لاين و ده المسمى اللى التوكيل بيستخدمه فى عرض السعر الرسمى
موضوع الفرق يستاهل ده هيبقى قرار حضرتك حسب ميزانيتك و ما تفضله فى السيارة و ما هو اساسى او غير اساسى بالنسبة لك

* فرق ال 10000 جنيه هتاخد بيه:

- كشافات زينون مع ضبط ارتفاع اتوماتيكى و بخاخات غسيل
- فرش جلد كامل مع تنجيد داخلى من الجلد
- عدد 6 ايرباجز بدلاً من 2 فقط
- مخادع رأس أمامية رباعية الضبط

rear parking aid sensors دى عبارة عن اربع حساسات فى الأكصدام الخلفى للمساعدة فى الركن مع تنبيه صوتى من خمس مستويات و تنبيه مرئى فى تابلوه العربية

تحياتى

[MohammedAladel]

الزينون الأصلى أهم ميزة فى الفئة دى

[mostafa magdy]

إضافه إلي كلام الباش مهندس هاني ..
الزينون عشان تركبه في التوكيل هيكلفك حوالي 8 الالاف و ده كلام المهندس محمد عمر مدير فرع العبور .. عشان يبقي زي الأصلي بس رأيي إنه مش هيبقي زي الفابريكه بالأضافه انا ليه أدفع 8 الالاف إذا كان الفرق بين الفئه دي و اللي قبلها 10 الالاف و معاهم الفروق اللي عرضناها .. كفايه ال 6 إير باجز ..
تحياتي

[miceg]

لو رجع بيا الزمان هجيب الهاي لاين
ال 10.000 مع الوقت مش هيتحس بيهم نهائي
ومش هيبقا في شىء ناقص فالعربية خاصه الايرباجز الخلفية
تعالى بقى أفصلك فرق السعر
6000 جنيه مخادع رباعيه الاتجاه اعتقد ان ده سعر الدوبل (( كلام التوكيل ))
3000 الفرش الجلد هتعمله عند حد متخصص بس هيكون معاه اضافي الشنطة والارضيات
8000 جنيه للزينون بالحساسات طبعا هيكون معاك الفوانيس القديمة بس مش هتستخدمهم
الاجمالي : 17.0000
نظير أن إلايرباجز مش هتعرف تركبهم واعتقد ان مافيش توكيل بيركب ايرباجز زياده في أي سيارة
طيب لو فرضنا إن الايرباجز الخلفيه ممكن يتعملو أضرب سعر فسرك على أضعف إلايمان قول 8000
يبقا كده انت بتتكلم فحوالي 25.000
احجز الهاي لاين واصبر عليها لو مش موجودة إستلام فوري
انا ملقتش الموكا غير الفئة ال E3s ومكنش عندي صبر
وفالنهاية ربنا يوفقك

[Hany Saad]

لو رجع بيا الزمان هجيب الهاي لاين
ال 10.000 مع الوقت مش هيتحس بيهم نهائي
ومش هيبقا في شىء ناقص فالعربية خاصه الايرباجز الخلفية
تعالى بقى أفصلك فرق السعر
6000 جنيه مخادع رباعيه الاتجاه اعتقد ان ده سعر الدوبل (( كلام التوكيل ))
3000 الفرش الجلد هتعمله عند حد متخصص بس هيكون معاه اضافي الشنطة والارضيات
8000 جنيه للزينون بالحساسات طبعا هيكون معاك الفوانيس القديمة بس مش هتستخدمهم
الاجمالي : 17.0000
نظير أن إلايرباجز مش هتعرف تركبهم واعتقد ان مافيش توكيل بيركب ايرباجز زياده في أي سيارة
طيب لو فرضنا إن الايرباجز الخلفيه ممكن يتعملو أضرب سعر فسرك على أضعف إلايمان قول 8000
يبقا كده انت بتتكلم فحوالي 25.000
احجز الهاي لاين واصبر عليها لو مش موجودة إستلام فوري
انا ملقتش الموكا غير الفئة ال e3s ومكنش عندي صبر
وفالنهاية ربنا يوفقك

كلام حضرتك مظبوط جداً يا خالد بيه....فعلاً لو الميزانية تسمح فرق ال 10 ألاف مش هيبانوا قصاد الكماليات اللى هتاخدها

لاحظ ان فعلياً تمن الأيرباج الواحد مع حساساته و تركيبه فى التوكيل لو لا قدر الله فتح فى حادثة بيكون حوالى 8 ألاف جنيه للواحدة و ده تقدير متوسط...أنا سمعت أرقام أعلى كمان من كده... (12 ألف و لغاية 15 ألف للواحدة) و ده مش فى رينو فقط لأ ده فى كتير من التوكيلات

و بفرض التوكيل قدر يركبهم...يبقى حسبة أربعة أيرباج لوحدهم حوالى 30 ألف جنيه متوسط

أعتقد المعادلة متنهية لو الميزانية تسمح و الكماليات دى مهمة بالنسبة لحضرتك....

تحياتى

[miceg]

كلام حضرتك مظبوط جداً يا خالد بيه....فعلاً لو الميزانية تسمح فرق ال 10 ألاف مش هيبانوا قصاد الكماليات اللى هتاخدها

لاحظ ان فعلياً تمن الأيرباج الواحد مع حساساته و تركيبه فى التوكيل لو لا قدر الله فتح فى حادثة بيكون حوالى 8 ألاف جنيه للواحدة و ده تقدير متوسط...أنا سمعت أرقام أعلى كمان من كده... (12 ألف و لغاية 15 ألف للواحدة) و ده مش فى رينو فقط لأ ده فى كتير من التوكيلات

و بفرض التوكيل قدر يركبهم...يبقى حسبة أربعة أيرباج لوحدهم حوالى 30 ألف جنيه متوسط

أعتقد المعادلة متنهية لو الميزانية تسمح و الكماليات دى مهمة بالنسبة لحضرتك....

تحياتى

ياااااااااااه ده انا طلعت غلبان اووي
بقا البلونة اللي هتفتج في حالة الجادث ب 8000 جنيه دي البلالين غليت فالبلد أووي #عادل إمام ستايل #
ربنا يستر طريقنا جميعا
على كده طبقا لنظرية التوفير
طالما انا مش معايا ركاب خلفيين وغالبا المدام وبنتي معايا قدام يبقا كده انا مستفاد

[Hany Saad]

ياااااااااااه ده انا طلعت غلبان اووي
بقا البلونة اللي هتفتج في حالة الجادث ب 8000 جنيه دي البلالين غليت فالبلد أووي #عادل إمام ستايل #
ربنا يستر طريقنا جميعا
على كده طبقا لنظرية التوفير
طالما انا مش معايا ركاب خلفيين وغالبا المدام وبنتي معايا قدام يبقا كده انا مستفاد

يا باشا البلالين ولعت فى البلد دى....:):)

مش عايز أقولك على التقيلة....أن لو لا قدر الله الأيرباج فنح فى حادثة بيبوظ المنطقة اللى حواليه
يعنى لو بتاع الراكب الأمامى فتح بيضرب معاه التابلوه
و لو بتاع السواق فتح بيضرب معاه طارة الدريكسيون
و هكذا.....

تحياتى يا كبير

[MohammedAladel]

على فكرة الإيرباج يجب تغييرها كل 10 سنين

[Batman372]

إضافه إلي كلام الباش مهندس هاني ..
الزينون عشان تركبه في التوكيل هيكلفك حوالي 8 الالاف و ده كلام المهندس محمد عمر مدير فرع العبور .. عشان يبقي زي الأصلي بس رأيي إنه مش هيبقي زي الفابريكه بالأضافه انا ليه أدفع 8 الالاف إذا كان الفرق بين الفئه دي و اللي قبلها 10 الالاف و معاهم الفروق اللي عرضناها .. كفايه ال 6 إير باجز ..
تحياتي

شكرا على معلومه ان الزينون الاصلى بيركب عادى فى التوكيل ...
و حيبقى زى الفابريقه لان الموضوع كله فك و تركيب plug and play و برمجه و يتعمل فى ١٠ دقايق ...
و على فكره التكلفه عاليه لكن احقاقا للحق مقارنه بعربيات كتير تعتبر معقوله ... عندك طقم الزنون و الليد للمرسيدس السى كنت عايز اركبه و طبعا لغيت الفكره لما عرفت انه بيعمل ٢٤ الف !!!

فى الحاله دى الى يهمه فقط الزينون ممكن يجيب الفئه e3 و يركبه و حتبقى ب ١٧٧ اجمالى ...
تحياتى ...

[miceg]

شكرا على معلومه ان الزينون الاصلى بيركب عادى فى التوكيل ...
و حيبقى زى الفابريقه لان الموضوع كله فك و تركيب plug and play و برمجه و يتعمل فى ١٠ دقايق ...
و على فكره التكلفه عاليه لكن احقاقا للحق مقارنه بعربيات كتير تعتبر معقوله ... عندك طقم الزنون و الليد للمرسيدس السى كنت عايز اركبه و طبعا لغيت الفكره لما عرفت انه بيعمل ٢٤ الف !!!

فى الحاله دى الى يهمه فقط الزينون ممكن يجيب الفئه e3 و يركبه و حتبقى ب ١٧٧ اجمالى ...
تحياتى ...

فعلا متفق معاك انه مش الاختراع اللي هيفرق الفابريكة عن التركيب
بس اللي هيفرق من وجهه نظري
ان في حالة البيع هتخسر كتير السوق المصري بتاعنا بيعتبر ان كل ده رفاهيات
وهو بيشتري الفئة نفسها مش بيشتري التعديل اللي انت صرفته
كنت عاوز أسال هو التوكيل لو خد مبلغ 8000 هيغير الفانوس بالكامل
ولا هيحط لمبات الزينون والحساسات فقط
وشكرا م صفوت على إلاضافه

[mostafa magdy]

شكرا على معلومه ان الزينون الاصلى بيركب عادى فى التوكيل ...
و حيبقى زى الفابريقه لان الموضوع كله فك و تركيب plug and play و برمجه و يتعمل فى ١٠ دقايق ...
و على فكره التكلفه عاليه لكن احقاقا للحق مقارنه بعربيات كتير تعتبر معقوله ... عندك طقم الزنون و الليد للمرسيدس السى كنت عايز اركبه و طبعا لغيت الفكره لما عرفت انه بيعمل ٢٤ الف !!!

فى الحاله دى الى يهمه فقط الزينون ممكن يجيب الفئه e3 و يركبه و حتبقى ب ١٧٧ اجمالى ...
تحياتى ...

كلام حضرتك مظبوط ..

[mostafa magdy]

فعلا متفق معاك انه مش الاختراع اللي هيفرق الفابريكة عن التركيب
بس اللي هيفرق من وجهه نظري
ان في حالة البيع هتخسر كتير السوق المصري بتاعنا بيعتبر ان كل ده رفاهيات
وهو بيشتري الفئة نفسها مش بيشتري التعديل اللي انت صرفته
كنت عاوز أسال هو التوكيل لو خد مبلغ 8000 هيغير الفانوس بالكامل
ولا هيحط لمبات الزينون والحساسات فقط
وشكرا م صفوت على إلاضافه

كنت مركب في عربيه حاجات ب 10 الالاف علي أقل تقدير .. و لما جيت أبيع .. قالي كل ده ميلزمنيش .. طالما مش فابريكه خلاص ..
طيب هشيلها .. لأ متشيلهاش :D
بعني لا عايز يدفع الفرق ولا عايزني أشيلهم .. هكذا يفكر السوق المصري

[تامر.محمد]

كنت مركب في عربيه حاجات ب 10 الالاف علي أقل تقدير .. و لما جيت أبيع .. قالي كل ده ميلزمنيش .. طالما مش فابريكه خلاص ..
طيب هشيلها .. لأ متشيلهاش :D
بعني لا عايز يدفع الفرق ولا عايزني أشيلهم .. هكذا يفكر السوق المصري

الانانية في ابهى صورها
كنت شلتهم و حرقت دم اللي ........... ولا بلاش

[ahmedelfeky]

في معلومه ياريت تتأكدوا منها عرفتها من مندوب بيع في التوكيل ان احتمال كبير حتي الهاي لاين اللي هينزل في الفتره الجايه هيبقي بمساند رأس عاديه

بالنسبه للزينون انا بصراحه ناوي اركبه كمان شويه كده لانهم هيغيروا الفوانيس
الاحسن اني استهلك الفوانيس الحاليه سنه كمان ولما اركب الزينون واشيلهم هيبقي بقالهم سنتين شغالين يعني استفدت بتمنهم وده يبقي يبقي هديه عيد ميلاد العربيه التاني (الاولاني كان سبويلر هههههههههه)