كاسيت تاتش مع شاشة 7 بوصة و gps و يعمل بنظام android للفلوانس فيس ليفت

[Hany Saad]

كنت بشوف ايه اللى ممكن نركبه للفلوانس فيس ليفت و فعلاً يعمل فرق فى العربية و لقيت أضافة جميلة ممكنة نفكر فيها
كاسيت تاتش يعمل بنظام ANDROID JELLY BEAN 4.1.1



البروسيسور : CORTEX A9 DUAL CORE 1GHZ
الرامات: 1G
ممكن تركيبله دونجل علشان تشغل عليه 3G و تعيش على النت
شاشه تاتش 7 بوصه CAPACTIVE
كاميرا رؤية خلفية تظهر فى الشاشة مع ال R
GPS يدعم خرائط SYGIC
بيشتغل على MULTIFUNCTION العربية
DVD
TV
BLUETOOTH
بيدعم اللغة العربية
تحديث السوفت وير من ال SD CARD
بيدعم كروت حتى 32G
امبليفاير 45X4W
مدخل AV
مخرج AV

اسيبكم مع المواصفات







بقى ان احنا نشوف حد جربه علشان نحكم على جودته قبل الشراء و دى هفكر فى طريقه ليها

تحياتى

[yasser100]

بس ده هايكون فين مكانه ؟ ما فيش مكان فى التابلوه يتحط فيه

[Hany Saad]

بس ده هايكون فين مكانه ؟ ما فيش مكان فى التابلوه يتحط فيه

ياسر باشا الكبير

الكاسيت مكون من جزئين: كاسيت و شاشة
الكاسيت هيركب مكان الكاسيت الموجود
و الشاشة هنشيل الشاشة الموجودة حالياً اللى فيها بيانات الكاسيت و الحرارة و الساعة و نركب مكانها الشاشة التاتش ال 7 بوصة و اللى الأتنين بيركبوا مكان بعض دون أى تعديلات
لاحظ أن الفلوانس ال top line بتنزل بشاشة تاتش برده 7 بوصة

تحياتى

[yasser100]

ياسر باشا الكبير

الكاسيت مكون من جزئين: كاسيت و شاشة
الكاسيت هيركب مكان الكاسيت الموجود
و الشاشة هنشيل الشاشة الموجودة حالياً اللى فيها بيانات الكاسيت و الحرارة و الساعة و نركب مكانها الشاشة التاتش ال 7 بوصة و اللى الأتنين بيركبوا مكان بعض دون أى تعديلات
لاحظ أن الفلوانس ال top line بتنزل بشاشة تاتش برده 7 بوصة

تحياتى

ايه ده ؟ معناه نستغنى عن الكاسيت و الساوند سيستم ؟؟؟ و بعدين اللى لازم يعمل الموضوع ده التوكيل , انا شايف فك و تركيب زى ده مش سهل

[ahmedelfeky]

هي الميزه اللي فيه يابشمهندس هاني موضوع الاندرويد ده بس اللي مخوفني منه حاجتين

1-ياتري الصوت هيبقي نقي زي الحالي (ماعتقدش )
2-فك وتريكب فبرات التابلوه ممكن ينتج عنه تزييق في المستقبل

بالمناسبه الفيرجن الاخير من ال Sygic جاهز للتحميل يا هاني بيه اللينك في توقيعي

[Hany Saad]

هي الميزه اللي فيه يابشمهندس هاني موضوع الاندرويد ده بس اللي مخوفني منه حاجتين

1-ياتري الصوت هيبقي نقي زي الحالي (ماعتقدش )
2-فك وتريكب فبرات التابلوه ممكن ينتج عنه تزييق في المستقبل

بالمناسبه الفيرجن الاخير من ال Sygic جاهز للتحميل يا هاني بيه اللينك في توقيعي

أحمد بيه الكبير يا مظبطنا دايماً
الفيرجن ده بتاع الsygic غير اللى فات؟؟!! الله ينور يا كبير ده أنت كده عامل معانا دور واجب ملهوش حل

بالنسبة للكاسيت أنا معاك و مع أستاذ ياسر جداً.....شكلاً مواصفاته كويسه و نظام تشغيل كويس و رامات معقولة و بروسيسور معقول.....و لكن:

أداء هيبقى عامل إزاى طبعاً هنا الفيصل و أنا معاكم جداً أنه غالباً مش هيبقى بجودة الأصلى اللى معانا من Arkamys
و علشان كده كتبت عايزين نشوف حد جربه الأول قبل التفكير.....

تحياتى

[miceg]

تسلم إيدك ياريس
موضوع كون الصوت بنفس الجودة ولا لا
اعتقد ان كاسيت بالسعر ده على الاقل هيكون كواليتي الصوت نضيف
خاصه انه هيوصل على نفس السماعات والتويترات الاصلية
حتى التركيب انا شايف ان مافيش مشكلة
وغالبا الرويزته بتبقا ستاندر حتى لو مش استاندر اكيد في يوزر مانيول
بالنسبة للتزييق فلا اعتقد لان موضوع الفك بيبقا بمفك ليه سن رفيع بيشيل قعدة الشاشة العلوية زي ماكنت بتفك موبيل بالأداة الصغيره اللي بيخليك تمشي حته حته لغايت ما الوش يتشال
وانا متشجع للفكرة واعتربني زبون رقم 1 ياهاني بك
تحياتي

[ahmedelfeky]

أحمد بيه الكبير يا مظبطنا دايماً
الفيرجن ده بتاع الsygic غير اللى فات؟؟!! الله ينور يا كبير ده أنت كده عامل معانا دور واجب ملهوش حل

بالنسبة للكاسيت أنا معاك و مع أستاذ ياسر جداً.....شكلاً مواصفاته كويسه و نظام تشغيل كويس و رامات معقولة و بروسيسور معقول.....و لكن:

أداء هيبقى عامل إزاى طبعاً هنا الفيصل و أنا معاكم جداً أنه غالباً مش هيبقى بجودة الأصلى اللى معانا من Arkamys
و علشان كده كتبت عايزين نشوف حد جربه الأول قبل التفكير.....

تحياتى

ايوه يابشمهندس هاني الفيرجن ده غير اللي فات وميزته باختصار انك هتقدر تعمل ابديت للخرائط عادي جدا وتنزل اي خريطه عاوزها من التليفون بعد ماتشبكه علي انترنت واي فاي من جوه البرنامج كأنك شاريه بالظبط وده قمه الاعجاز العلمي

والله موضوع الكاسيت ده انا ريحت دماغي منه لان افضل جهاز لقيته اللي انت مشيره ده و لقيته هيرسي في حدود 3500 ل 5000 حسب الجمارك الاهم بعد ماركبه هل كل الخصائص اللي بستمتع بيها دلوقتي هلاقيها ولا لأ ؟؟؟؟ طبعا القلق كمان من التركيب

ده فيديو بيوضح طريقه تركيبه

https://www.youtube.com/watch?v=0f59fHAs_t0

بعد مناقشاتنا انا والاعضاء علي رابطه الفلوانس ع الفيس بووك توصلت ان انسب حل تابلت 10 انش بس المشكله كانت في حامل التابلت لان الانواع الموجوده حاليا في السوق تعبانه فلازم تشتريه من امازون او غير احسن نوع لقيته كان Arkon

تحياتي

[hossam_osman1]

متابع باهتمام
هل من جديد ؟؟؟

[Ahmed Anwer]

هوا كان بكام و منين ؟؟ ضروري

هل ما زال متاح أو ليه بديل

[Amr Montasser]

مكتوب فى المواصفات انه بيشتغل wifi فاعتقد ممكن الاستغناء عن الدونجل ال 3G و اسخدام wifi hot spot من اى سمارت فون

هل المساحة اللى تحت الشاشة كافية لتخزين كمية الكابلات اللى هتركب زى كونفرتر ضفيرة الكهرباء، الكاميرا، تحكم المالتى فانكشن، ال GPS antenna، الخ و التهوية حتبقى كويسة عشان الطبلات دى متتحمص من حرارة الشاشة؟

الكاميرا حتركب فين مكان لمبة من امض النمر (انا عامل كدا فى الاوبل) ولا حفتح فى الاكسدام او الشنطة عشان يركبوا فيها. و هل الكاميرا بتيجى معاه ولا هشتريها من هنا؟

هل فى خريطة لمصر متجربة معاه ولا مفيش ( عندى ماكنش فيه و توكيله طبعا مكانش فاهم فيه ف لبست اوبشن بالف جنيه زيادة و لم يتم استخدامه من2010) ؟

هل الجهاز ده بيستحمل حرارة الجو بتاعنا انا عندى الشاشة التاتش بتاعها تقل و فى خطوط ظهرت عليها بالعرض علما بان فى الاوبل الشاشة تحت عند الفيتيس يعنى تعتبر بعيدة عن الشمس مش زى الفلوانس فوق التابلوه و معرضة للشمس على طول لو مش راكن فى جراج؟

[mfraig]

انا ليا كذا ملاحظه:
1- مكان الشاشه اللي هو اصلا مكان الشاشه الاصليه اللي بتنزل في التوب لاين انا مش مقتنع بيه اوي لعدة اسباب
- بارز فوق التابلوه بشكل اوفر كان على الاقل في الوضع ده بتتعمل الشاشه بتفتح وتقفل زي المرسيديس
-اكثر عرضه للشمس واعتقد مهما كانت جودة الشاشه مش هتستحمل حرارة عز الضهر في الصيف اللي بحس ان التابلوه قرب يسيح منها وسواء كانت الشاشه الاصليه او اللي موجوده هنا في الموضوع
-بعيده عن الايد كشاشة تاتش

2- ده الشاشه اللي بتنزل في الكابشر والسانديرو وتقؤيبا واللوجان الهاي لاين


مكان الشاشه واقعي اكتر زي عربيات كتير مش بارز عالتابلوه واقرب لليد وشكلا افضل ومش عامل اعلان زي الشاشه اللي فوق وكل العربيات اللي جنبك شايفاها وكمان اقل عرضه للشمس

السؤال هنا هل فعلا اللي جاب التوب لاين او اتفرج عليها كان استخدام الشاشه في الوضع ده مريح وللا لا ؟

واخر ملاحظه ازاي السانديرو ستب واي والهاي لاين لوجان بتنزل بالكاسيت ده في حين الفلوانس بنزلس بكاسيت عادي وحتى التوب لاين لغوها عشان ال gps مش شغال في مصر ومالوش خرائط؟

[Hany Saad]

حابب أوضح أنى شخصياً لم أجرب هذا الكاسيت، و لا أنصح حد بشراؤه إلا بعد دراسة متأنية لأن توكيل تويوتا بنفسه جاب حاجة مشابهة من الصين و الأداء مش قد كده.

بكرر مرة تانية علشان متحملش ذنب حد، أنا لا أنصح بشراء هذا الكاسيت و لكنه موضوع مفتوح للنقاش فقط

جودة الصوت مشكوك فى أمرها....هل ريموت الطارة هيشتغل معاه و لا لأ...أخبار الخرايط بتاعت مصر و نظامه الملاحى عامة عامل إيه....موضوع السخونية....السوفت وير بتاع الكاسيت نفسه سلس و لا لأ....أخبار التاتش سكرين أيه responsive و لا لأ.....أقصد أن فيه نقط كتيرة قوى يجب دراستها قبل تفعيل قرار الشراء

تحياتى

[Dr. Assem]

الشاشة دي تنفع للفلوانس 2015؟

و عموما شاشات الفلوانش بتنفع لكل موديلاتها؟

[احمد كارز]

متابع باهتمام
هل من جديد ؟؟؟

السلام عليكم اخواني ممكن اتساعدوني عندي رينو فلوانس 2016 الفئة الاولى ومافيش شاشة كاسيت يوجد ساعة فقط ايصير اخلي شاشة كاسيت بدل الساعة واتمنى اساعدوني