بالصور و الاسعار : تقرير تغيير لبادة صدر الموتور لميجان2

[تامر.محمد]

سلام عليكم
النهارده كنت باعمل صيانة 75 في فرينش موتورز
المهم المهندس بتاعهم و هو فاتح كبوت العربية لاحظ اللبادة اياها اللي بتبقى بايظة و متبهدلة في كل العربيات


و اقترح عليا اغيرها , بكام اللي عندكم يا عم ؟
ب250 جنيه
بس ما بيحطوش الاصلي اللباد دي , بيحطوا واحدة فبر

و حيث اني ماعرفلهاش بديل و حيث اني قرفان من منظرها و قلقان منها فغيرتها
مع اني مش شايفها تستاهل 100 جنيه اصلا


المهم ده الشكل بعد التركيب


, و يا ريت اللي يعرف مكان بتتباع فيه ارخص من كده يقول لأني باشوفها ضايعة في كل العربيات

[the lawyer]

بتغطي صدر العربية كله ولا فوق بس ؟
نفسي اعمل الموضوع دا في اللوجان علشان ازود العزل بس مش عارف اعمل فين

[Hany Saad]

تامر باشا....مبروك اللبادة الجديدة و لو أن الفبر مش هتعمل كتم صوت و حرارة زى اللى كانت موجودة و أتمنى أنك متكنش تخلصت من القديمة....

الموضوع ده بيحصل فى كل الميجان و للأسف بتنزل عند الجيربوكس تحت و تتحشر و تعمل مشاكل

و لكن:

التوكيل فى أغلب الوقت بيثبتها تانى فى مكانها بإفزان بلاستيك و مش بيغيرها....و أنا لما عرفت عن الموضوع ده روحت التوكيل و خليته يحطلى الإفزان دى زيادة فى الأحتياط قبل ما يحصل حاجة

على العموم جرب العزل الفبر و لكن لو ما أرتحتلوش روح للتوكيل بالقديمة و خليهم يثبتوها جيداً فى مكانها دون أستبدال

تحياتى تامر بيه

[miceg]

مش للدرجادي ياعم تامر
انت عامل زيي بأفور فحاجات كتير
بس اجنا بيسمونا مجانين العربيات ههههههههههههههه

[Super_Star_h]

اي عربيه ميجان بتلاقي البتاعه اللى بيبقى منظرها مقرف دى
من الميه والعرق بتتبهدل
الفيبر افضل ومعتقدش ان البتاعه المبهدله دى بتعمل كتم للصوت بدرجه ملحوظه عشان حجمها صغير مش ماسكه الصدر كله

[محمود سامح]

نفس المشكلة فى جميع الميجان عمومى ولكن انا زميل غيرها بواحدة استيراد طبق الاصل بى 130 ج من صقر قربش غند مركز المصطفى المهندس مصطفى فهمى صقر قريش

[MohammedAladel]

مبروك
وفعلاً ما يجعلها تتلف هو المياه التى تنزل عليها عند انسداد فتحات المياه تحت شبكة المساحات

على فكرة الصورة الأخيرة لا توضح اللباد الجديد

[تامر.محمد]

اللي ركبت مش لباد , فبر شبه فبر كارتيرات العجل كده
موجودة في الصورة رقم 2
لأنها قافلة في المكان بالظبط ففي الصورة ما بانتش

[S O P H O S]

مبروك التغير

[MohammedAladel]

رداً على الأستاذ the laweyer

إنظر حضرتك فى الصور عاليه ... ستجد أن القطعة لا تغطى صدر المحرك هى جزء علوى فقط كى يثبت عليها الكاوتش العازل لعدم دخول المياه حوض المحرك أثناء المطر أو غسيل السيارة

ويوجد بميجان قطعتان غير تلك القطعة ووظيفتهم تغطية باقى الجزء لأسفل
Press ENTER to look up in Wiktionary or CTRL+ENTER to look up in Wikipedia

[kar!m]

الحاجات دي فعلا بتقفلك من العربية .. أنا غيرت لباد الكبود في الأوبل مرتين عشان كان بيهبط.