استهلاك الجميلة الفرنسية 23.6

[EngAhmed13]

سهل جدا نخدع بعض بمعدل الاستهلاك لو في صورة
انا ممكن اطلع على طريق السخنه واصفر العداد قبل منحدر كبير واجري على 90كم/س وهي في منحدر هتجيب ال22كم/لتر وهتكون السرعه عاليه
صور تبلوهك
حطه على المنتدى ومحدش عارف ظروف الصورة ايه
الحقيقه ان معدل الاستهلاك معايا في شرم داخل المدينه هي
15كم/لتر كل تفويله كده
هي دي عربيتي وانا بحبها على كده

[ALshahba]

سهل جدا نخدع بعض بمعدل الاستهلاك لو في صورة
انا ممكن اطلع على طريق السخنه واصفر العداد قبل منحدر كبير واجري على 90كم/س وهي في منحدر هتجيب ال22كم/لتر وهتكون السرعه عاليه
صور تبلوهك
حطه على المنتدى ومحدش عارف ظروف الصورة ايه
الحقيقه ان معدل الاستهلاك معايا في شرم داخل المدينه هي
15كم/لتر كل تفويله كده
هي دي عربيتي وانا بحبها على كده

ماشاء الله.......... استهلاك ممتاز .......... يعني 300كم فى صفيحه 20 لتر

ربنا يباركلك فيها

[Hany Saad]

أطلب من المهندس هانى مقارنة حيادية بين استهلاك الميجان والفلوانس فيس ليفت نظراً لتغيير المحرك بالكامل وعشان صدعونا باستهلاك ال cvt خصوصا على السرعات 100 ..... 120

بخصوص جهاز الإنذار لا أتفق مع المهندس هانى بخصوص أنه لا ضرورة له ... .... الإنذار يحمى السيارة من عبث العابثين بغض النظر عن موضوع السرقة والميجان يركب لها إنذار وبها فيشة مخصصة لذلك ولن يكلفك كثيراً والكلام دا فى كتاب الكهرباء الخاص بالسيارة ... وستجد موضوع بالمواضيع المثبتة للمهندس هشام مكى بخصوص تركيب الإنذار وقام عضو فاضل بالتعديل على الدائرة وعمل دائرة إلكترونية بسيطة لعمل الإنذار وأكيد فى الفلوانس ضفيرة مخصصة لتوصيل الإنذار ولكن هذا يحتاج البحث عن كتيب الإستخدام وحالياً لا تستطيع مس السيارة حفاظاً على الضمان أما الإنذار الأصلى plug and play غالى .... وممكن تجمعوا بعض وتطلبوه من التوكيل جائز يعمل لكم خصم ....الإنذار الأصلى تحفة ..... وكدا كدا أغلب ملاك السيارة بيعمل صياناته فى التوكيل عشان الضمان ....وبيدفع كتير مش هتيجى على ثمن الإنذار

محمد بيه،
بالنسبة للمقارنة مع الميجان فى موضوع استهلاك البنزين
- على الطريق السريع سرعة ٩٠ -١٠٠ كم/ساعة تقدر تقول ضئيل بين الاتنين....اقل نسبة تعشيق جايبها الفتيس فى العربيتين و الموتور مريح فى الاتنين و ال rpm هادى و الاستهلاك فوق الممتاز فى الاتنين بيكون فيه فرق ٥٪ على اقصى تقدير لمصلحة الفلوانس....يعنى بالظبط مشوار مصر اسكندرية اللى كان بيعمل معايا ٤٥ لتر فى الميجان اصبح بيعمل معايا ٤٢.٥ لتر فى الفلوانس مثلاً
- يظهر الفرق بوضوح فى السواقة داخل المدينة و عند تغيير النقلات بكثرة...هنا يلمع الفتيس ال CVT و هنا هتلاقى الميجان مش كويسة فى الموضوع ده و استهلاكها بيزيد جامد...... بتكون هنا الفلوانس فيها حوالى ١٥٪ استهلاك اقل فى البنزين

تحياتى