سينيك 2005.... أرجو المساعدة

[hishamhamdy]

السلام عليكم بالاخوة الأعضاء الكرام
قدامي ياجماعه سينيك 2005 حالتها ممتازة...بس انا مش بفهم في الرينو ومركبتهاش قبل كده
لما ركبت العربية ديه اتوهمت بصراحه.... والناس كلهم مخوفني منها ومن قطع غيارها....وبيقولو ان سحبها ضعيف واستهلاك البنزين عالي..... ايه رأيكم ياوحوش الرينو؟؟؟؟؟

[heldin_67]

سياره ممتازه نفسي أجيبها لكن زي ما أنت قلت الكل بينصح بعدم شرائها ..... متي يعود السوق لمثل هذه السيارات المحترمه؟؟؟
كفايه سيارات ورق ....

[Sindibad]

انقل لك بعض ماقالته بعض المواقع

السلام عليكم

بعض المواقع زى whatcar.com

قالت ايه بقى عن السيارة دى

1- مريحة وعفشة ناعمة
2- واسعة وعائلية وخاصة فى منها سبع مقاعد
3- عملية بالنسبة لمساحات التخزين وامكانية طى المقاعد وخلافه
طيب مشاكلها
1- مشكلات كهربائية بالدرجه الأولى وخاصة الموديلات الأولى منها
2- الموتور ال1400 وال 1600 سى سى مش قادرين على تحريكها بالاستجابة المطلوبه ضعيفين يعنى وده طبعا ممكن يسمع فى الاستهلاك لو انت بتحب تقرص جوه البلد لكن لو سواقتك هاديه خلاص مفيش مشكلة
3- الفرامل فيها بعض المشاكل بص عليها قبل ما تشترى واختبرها كويس
4- مهم جدا انك تعرف الكيلومترات اللى ماشياها السيارة دى متاخدشى سيارة ماشية كيلومتر كتير
5- مهم جدا تكون صاحبها بيصينها باستمرار وليها ملف فى التوكيل ولو مالهاش متاخدهاش من الأخر
6- اتأكد من ان كل حاجة فيها بتعمل بطريقة طبيعية من أول الريموت الى الجير بوكس لن تكلفة اصلاحها غالية اكتر من الفولكس فاجن

وده اللنك Full review of Used Renault Scenic MPV What Car?

سلام

[hishamhamdy]

السلام عليكم

بعض المواقع زى whatcar.com

قالت ايه بقى عن السيارة دى

1- مريحة وعفشة ناعمة
2- واسعة وعائلية وخاصة فى منها سبع مقاعد
3- عملية بالنسبة لمساحات التخزين وامكانية طى المقاعد وخلافه
طيب مشاكلها
1- مشكلات كهربائية بالدرجه الأولى وخاصة الموديلات الأولى منها
2- الموتور ال1400 وال 1600 سى سى مش قادرين على تحريكها بالاستجابة المطلوبه ضعيفين يعنى وده طبعا ممكن يسمع فى الاستهلاك لو انت بتحب تقرص جوه البلد لكن لو سواقتك هاديه خلاص مفيش مشكلة
3- الفرامل فيها بعض المشاكل بص عليها قبل ما تشترى واختبرها كويس
4- مهم جدا انك تعرف الكيلومترات اللى ماشياها السيارة دى متاخدشى سيارة ماشية كيلومتر كتير
5- مهم جدا تكون صاحبها بيصينها باستمرار وليها ملف فى التوكيل ولو مالهاش متاخدهاش من الأخر
6- اتأكد من ان كل حاجة فيها بتعمل بطريقة طبيعية من أول الريموت الى الجير بوكس لن تكلفة اصلاحها غالية اكتر من الفولكس فاجن

وده اللنك full review of used renault scenic mpv what car?

سلام

جزاك الله خيرا ياأخي الكريم
معلومات مفيده ورائعه

[MohammedAladel]

عربية جميلة فى الفئة دى ولو أن شكلها مش عاجبنى .... وموتورها زى موتور الميجان k4m ونفس الفتيس برضه
وقطع غيارها متوفرة

[hishamhamdy]

عربية جميلة فى الفئة دى ولو أن شكلها مش عاجبنى .... وموتورها زى موتور الميجان k4m ونفس الفتيس برضه
وقطع غيارها متوفرة

جزاك الله خيرا أخي الفاضل

[Super_Star_h]

مشكلتها انها مش منتشره
وقطع غيارها موجوده لكن مش بكثره وخاصة الاستيراد
فكر فى الميجان افضل

[محمود سامح]

عربية جميلة جدااا ولكن لازم تكشف عليها فى مركز محترم ويوجد منهم كثير فى صقر قريش مثلا مصطفى فهمى او عادل زوايا او اى مركز

[hishamhamdy]

عربية جميلة جدااا ولكن لازم تكشف عليها فى مركز محترم ويوجد منهم كثير فى صقر قريش مثلا مصطفى فهمى او عادل زوايا او اى مركز

اشكرك على الافاده... ربا يبارك في حضرتك

[hishamhamdy]

مشكلتها انها مش منتشره
وقطع غيارها موجوده لكن مش بكثره وخاصة الاستيراد
فكر فى الميجان افضل

اصل فيه واحده قدامي حالتها رائعه.. وجت قدرا كده مكنش في دماغي الرينو اصلا...ربنا يكرم

[hon]

سيارة ممتازة جدا جدا تصلح للأجواء الاوروبية من الدرجة الاولى رفاهية وكماليات متعدش ولكن فى مصر المحروسة ليس لها سوق ولا قطع غيار وسعر اعادة بيع فى الارض انا متابع العربية دى من فترة كبيرة وصعبانة عليا ظلم الناس ليها نصيحتى بلاش حتصرف كتير ولو حبيت تبيع مش حتعرف تحياتى

[Super_Star_h]

اصل فيه واحده قدامي حالتها رائعه.. وجت قدرا كده مكنش في دماغي الرينو اصلا...ربنا يكرم

انا برضو كنت زيك
لاقيت واحده قدامى ستروين c4
وواحده رينو سينيك
وكانو بتوع واحد معرفه وكنت موهوم بالستروين بصراحه ركبتها كانت عربيه تحفه مش عارف ليه مش واخده حقها العربيه دى برضو

[hishamhamdy]

انا برضو كنت زيك
لاقيت واحده قدامى ستروين c4
وواحده رينو سينيك
وكانو بتوع واحد معرفه وكنت موهوم بالستروين بصراحه ركبتها كانت عربيه تحفه مش عارف ليه مش واخده حقها العربيه دى برضو

انا هجرب بقا وربنا يستر... الله المستعان

[hishamhamdy]

سيارة ممتازة جدا جدا تصلح للأجواء الاوروبية من الدرجة الاولى رفاهية وكماليات متعدش ولكن فى مصر المحروسة ليس لها سوق ولا قطع غيار وسعر اعادة بيع فى الارض انا متابع العربية دى من فترة كبيرة وصعبانة عليا ظلم الناس ليها نصيحتى بلاش حتصرف كتير ولو حبيت تبيع مش حتعرف تحياتى

هيا فعلا مظلومه كتير.. وانا شايفها عربية جميله.. هجرب كده وربنا يستر

[تامر.محمد]

نصيحة قبل ما تشتري تكشف في التوكيل
معلش قبل ما تدفع فلوس في العربية و يكون العربية فيها مشاكل مش باينة تكلفك كتير و تتعبك ,,, اتكلف ال500 جنيه و اكشف
و بلاش تكشف عند ميكانيكي

العربية للأسف لأنها قليلة جدا فمعلوماتنا عنها قليلة و تقريبا ما معاناش في القسم حد راكبها
كان معانا واحد زمان مالكها و كان بيشكر فيها جدا جدا , و معانا عضو معاه العربية لكنه مش بيدخل الا كل فين و فين للأسف

ده تقريره بخصوصها

http://www.nilemotors.net/Nile/89154-2009-500-a.html