طلب شراء - عاوز اشترى كليو

[أحمد الخيال]

أبحث عن رينو كليو مو2002 ، 2003 - 1200سي سي
تكون فى حاله جيده جدا - فابريكه جوه - رشه بره مفيش مشكله
بور تكييف زجاج كهرباء صالون بحاله جيده
ياريت يا شباب لو فى حاجه بالمواصفات ده اكون ممنون لحضراتكم جدا
جاد فى الشراء
جزاكم الله خيراً

[shady tarek]

حضرتك ممكن تدخل على اللينكات دى وتتفرج:

https://egypt.dubizzle.com/ar/cars/renault/listing/7-listings-907463ad581352c5bad617e2a610f186/show/?back=L2FyL2NhcnMvcmVuYXVsdC9zZWFyY2gvP2lzX3NlYXJjaD1GYWxzZSZwYWdlPTQ=:tumb:

https://egypt.dubizzle.com/ar/cars/renault/listing/7-listings-243fdd0a49c25fbd92fb2efd913a8b2c/show/?back=L2FyL2NhcnMvcmVuYXVsdC9zZWFyY2gvP2lzX3NlYXJjaD1GYWxzZSZwYWdlPTI=

[exelence]

بس دول سعرهم عالى

[shady tarek]

طيب السعر المناسب لنفس حاله العربيات دى تكون فى حدود كام

[أحمد الخيال]

شكرا ليك يا شادى

[أحمد الخيال]

هو فعلا السعر عالى .
السعر بيتحدد حسب حاله العربيه
بس بشكل عام الكليو فى الفئه ده بيتهيألى كبيره 43الف
وبصراحه العربيه تستاهل حسب ما قرأته عنها

[exelence]

ما هو الغريب الناس كلها تقولك العربية دى مش بياعه و هتتعب على ما تبيعها و تفاجأ ان السعر عالى مش قليل لما تبقى عربيه موديل 2002 و تبقى ب 43 ده نفس سعر الأكسنت اللى الناس طالعه بيها السماء

[أحمد الخيال]

طب خد عندك ده
انا كل مشوف عربيه فى كونتاكت كار واجرى عشان اروح اشوفها واخلص فيها يقول اتباعت :(
العربيه تحفه واحسن بمراحل من اللانوس والاكسنت - حسب ما قرأت واطلعت
واما عن قطع الغيار انا عرفت لحد دلوقتى حوالى 5 فى اماكن متفرقه محترمين واسعارهم معقوله
دعواتكم الاقى واحده كويسه وبنت ناس :)

[mohamedh16]

انا سمعت ان العربية ديه بتسخن بسرعة في الزحمة هل الكلام ده صح وايه ظروفها مع تشغيل التكيف في الزحمة رجاء سرعة الرد

[albasha]

أي سياره ما لم تحافظ علي دورة التبريد بإضافة سائل تبريد مناسب ومراجعة مستوي المياه سيؤدي بالتبعيه لإرتفاع درجة الحراره مع مراعاة مروحة التبريد أن تعمل بكفاءه غير هذه الأمور سيؤدي للإضرار بالموتور وإرتفاع درجة الحراره

بالنسبه لتكييف الكليو في الزحمه يدوبك تحس بيه بيكون مرضي لحد ما ولكنه ليس بسئ ولا يرقي لتكييف أي سياره 1600 سي سي علشان نكون محايدين
علي الطريق السريع جيد جداً
في كلا الحالتين بشرط تكون شحنة الفريون مضبوطه جيداً

الكليو سياره إقتصاديه في المقابل بيتم مقارنتها بسيارات أعلي من فئتها ولذلك فهي مظلومه