صوت تزييق

[ahmed mahgoub]

السلام عليكم ورحمة الله

بسمع صوت تزييق جاي من التابلوه (الجزء اللي ورا الدركسيون) مع المطبات او الطرق المكسرة!!
هو صوت تزييق بلاستك، بس مش عارف مصدره بالظبط.

حد عنده نفس الموضوع ؟؟!!

وهل الموضوع ده غلط (بمعنى انه يكون عيب في الميكانيكا زي عمود الدركسيون مثلا) مع ان الصوت صوت تزييق بلاستك مش حديد؟!!!!

ارجو الرد وشكرا.

[miceg]

خد بالك ياحمد عشان التزييق ده حصل مع ناس واضطرو يعيرو عمود الدركسيون
ومبيفرقش الطريق ممهد ولا غير ممهد
انما التزييق اللي انت بتقول عليه ممكن تكون انت ناسي حاجه فالتابلوه او اماكن التخزين وبتبان فالطرق الغير ممهده أكثر

[ahmed mahgoub]

خد بالك ياحمد عشان التزييق ده حصل مع ناس واضطرو يعيرو عمود الدركسيون
ومبيفرقش الطريق ممهد ولا غير ممهد
انما التزييق اللي انت بتقول عليه ممكن تكون انت ناسي حاجه فالتابلوه او اماكن التخزين وبتبان فالطرق الغير ممهده أكثر

استاذ خالد
انا مش ناسي حاجة في التابلوه
وكمان لما بلف الدركسيون مش بسمع صوت طقة!
هو في ناس غيرت العمود غيرت العمود عشان صوت زي التزيييق ده؟! ولا كلهم كانو بيسمعوا صوت طقة لما بيلفوا الدركسيون؟!

وتنصحني بأيه؟! استنى لما 5000 كم تيجي (وده ممكن بعد 5 شهور كدا) ولا اروح دلوقتي؟!

شكرا

[Hany Saad]

أحمد بيه
أنا غيرت العامود علشان كان فيه صوت طقه واحدة ناحية اليمين و انا بركن فقط و كانت مش مسموعة غير وقت الركن فقط و تكون فى مكان هادى و تركز فيها و ده كان عيب قطمة دريكسيون
بالنسبة لصوت التزييق انا كنت مستغرب من الموضوع لأنه الحمد لله مش عندى و لكن اعتقد فيه اكتر من عضو افادوا انهم برده عندهم صوت تزييق فى التابلوه و بيظهر فى الطرق المكسره

انا مرة سمعت صوت حاجة بتشخلل و كنت مرعوب و الحمد لله طلعت نظارة الشمس كانت بتلق فى الجراب اللى عند مراية الصالون

ان شاء الله ممكن نبقى نعمل مقابلة قريبة و نحاول نوصل مع بعض لمكان الصوت و نروح للتوكيل علشان يحله....

تحياتى

[miceg]

انا كنت بسمع الصوت ده لما أركز اوووي
وفالاخر اكتشفت ان الاريال بحطه فمكان تخزين الباب ألامامي
هو اللي كان عامله الصوت
بس برضه يعيب السيارة من وجهه نظري
الخامات البلاستيك اللي بتعمل صوت في السرعات العاليه
كان الموضوع هيكلف إيه لو كان بلاستيك مضغوط نظيف شوية

[ahmed mahgoub]

أحمد بيه
أنا غيرت العامود علشان كان فيه صوت طقه واحدة ناحية اليمين و انا بركن فقط و كانت مش مسموعة غير وقت الركن فقط و تكون فى مكان هادى و تركز فيها و ده كان عيب قطمة دريكسيون
بالنسبة لصوت التزييق انا كنت مستغرب من الموضوع لأنه الحمد لله مش عندى و لكن اعتقد فيه اكتر من عضو افادوا انهم برده عندهم صوت تزييق فى التابلوه و بيظهر فى الطرق المكسره

انا مرة سمعت صوت حاجة بتشخلل و كنت مرعوب و الحمد لله طلعت نظارة الشمس كانت بتلق فى الجراب اللى عند مراية الصالون

ان شاء الله ممكن نبقى نعمل مقابلة قريبة و نحاول نوصل مع بعض لمكان الصوت و نروح للتوكيل علشان يحله....

تحياتى

باشمهندس هاني
انا كنت متابع موضوعك كويس
وان شاء الله مايكونش عمود دركسيون
بس انا محسوك شوية وبقفل من الاصوات بصراحة

انا اتشرف اني اقابل حضرتك في الوقت اللي يناسبك
انا اجازة لغاية 12 مايو وممكن اقابلك في اي وقت من اليوم.
ده رقم تليفوني 01200101080
و تحياتي

[ahmed mahgoub]

انا كنت بسمع الصوت ده لما أركز اوووي
وفالاخر اكتشفت ان الاريال بحطه فمكان تخزين الباب ألامامي
هو اللي كان عامله الصوت
بس برضه يعيب السيارة من وجهه نظري
الخامات البلاستيك اللي بتعمل صوت في السرعات العاليه
كان الموضوع هيكلف إيه لو كان بلاستيك مضغوط نظيف شوية

لا مش من الاريال

واتفق معاك تماما في موضوع الخامات ده
بس ياريت يكون من البلاستك

[m_marmoush]

أنا حصلى موضوع التزييق دة لما بكون فاتح الزجاج الجانبى نص فتحة و لما وديتها التوكيل نضفولى مجارى ازجاج من التراب و الصوت راح بعديها
المرة التانية الصوت كان من الباب الخلفى والزجاج مقفول و لما قلت لهم فى التوكيل بردة عملوة بس مش عارف كانت إيى المشكلة

[ahmed mahgoub]

أنا حصلى موضوع التزييق دة لما بكون فاتح الزجاج الجانبى نص فتحة و لما وديتها التوكيل نضفولى مجارى ازجاج من التراب و الصوت راح بعديها
المرة التانية الصوت كان من الباب الخلفى والزجاج مقفول و لما قلت لهم فى التوكيل بردة عملوة بس مش عارف كانت إيى المشكلة

لا انا صوت التزييق بيجي عندي من التابلوه اللي ورا الدريكسيون او من الدركسيون مش عارف!!

وبيظهر في الطرق المكسرة لما اقفل الزجاج وباليل (يعني لما مايكنش في دوشة)

[noapology]

لا انا صوت التزييق بيجي عندي من التابلوه اللي ورا الدريكسيون او من الدركسيون مش عارف!!

وبيظهر في الطرق المكسرة لما اقفل الزجاج وباليل (يعني لما مايكنش في دوشة)

ايوه انا بسمع التزييق ده اول اما اطلع بالعربيع ورا الدركسيون(في التابلوه) الحته اللي فوق العدادات بس بمجرد ما ادوس عليها احاول اظبتها الصوت بيروح (عيب تقفيل)

[ahmed mahgoub]

ايوه انا بسمع التزييق ده اول اما اطلع بالعربيع ورا الدركسيون(في التابلوه) الحته اللي فوق العدادات بس بمجرد ما ادوس عليها احاول اظبتها الصوت بيروح (عيب تقفيل)

هاتلاقيه بيزيد مع الوقت
وهاتلاحظه لماتقفل الزجاج ومايكونش فيه دوشة

[iUsef]

الصوت ده بيبان معاك طول اليوم ولا في اوقات اوقات...!؟
لان عندي صوت برضة بس بيظهر في فترات الحر مع التكييف وشاكك في الكلبسات ممكن تكون بتمدد شوية

[ahmed mahgoub]

الصوت ده بيبان معاك طول اليوم ولا في اوقات اوقات...!؟
لان عندي صوت برضة بس بيظهر في فترات الحر مع التكييف وشاكك في الكلبسات ممكن تكون بتمدد شوية

انا بلاحظه بالليل أكتر من النهار
ومالوش دعوة بالتكييف
لما اقفل الزجاج بالليل بسمعه جامد

[midoosh]

حاول تجرب وانت راكن تلف الدريكسيون يمين للآخر ونفس الكلام شمال بس وانت عند آخر الدريكسيون حاول تلف الدريكسيون يمين وشمال بس ببطء ومسافة صغيرة شوف حتسمع الصوت ده ولا لأ ؟

[ahmedelfeky]

للاسف العربيات الجديده كلها علي اختلاف ماركاتها المصنعين بيسترخصوا في الخامات الداخليه دلوقتي
لصالح زياده عدد الأوبشنز وعوامل الامان في العربيه وتصميم العربيه الخارجي لان ده اللي بيبيع العربيه
مفيش عربيه 2014 من اي مصتع هتبقي هسسس 100% الا الالماني وهتسمع برضه حاجات زي دي بس بنسبه اقل مش اكتر