ميجان 2005 اسئله صغيره

[tarek_asem]

لو سمحتو عندي سؤالين صغيرين /
الاولاني : نور الشبوره الخلفي مبينورش لما اشغله من الدراع لكن بينور لما اعمل مرشدير .... مش هيا هي نفس اللمبه بتاعت الرجوع هيا بتاعت الشبوره ولا لا ؟ ولو مش هيا امال بتاعت الشبوره مكانها فين ؟
السؤال التاني : الباب بتاع السواق ناقصه مكمله الباب اللي مفروض بتغطي مكان المفتاح .. اجيبها منين وهتعمل كام ؟
التالت : لو انا عملت تنجيد للسقف هل ده يعيب العربيه ولا لا ؟ لانه مش نضيف وشكله وحش
الرابع : فتحه السقف بتعلق ولما بصيت عليها لقيت وهيا بتفتح بتخبط ف الحرف بتاعها اللي ف السقف ولازم ازقها بأيدي لفوق سنه عشان تطلع عادي .. دي تتحل ازاي ؟
الخامس : البكره بتاعت فتحت السقف اتكسرت تعمل لها كام ؟
شكرا جدااا مقدما

[تامر.محمد]

لو سمحتو عندي سؤالين صغيرين /
الاولاني : نور الشبوره الخلفي مبينورش لما اشغله من الدراع لكن بينور لما اعمل مرشدير .... مش هيا هي نفس اللمبه بتاعت الرجوع هيا بتاعت الشبوره ولا لا ؟ ولو مش هيا امال بتاعت الشبوره مكانها فين ؟
السؤال التاني : الباب بتاع السواق ناقصه مكمله الباب اللي مفروض بتغطي مكان المفتاح .. اجيبها منين وهتعمل كام ؟
التالت : لو انا عملت تنجيد للسقف هل ده يعيب العربيه ولا لا ؟ لانه مش نضيف وشكله وحش
الرابع : فتحه السقف بتعلق ولما بصيت عليها لقيت وهيا بتفتح بتخبط ف الحرف بتاعها اللي ف السقف ولازم ازقها بأيدي لفوق سنه عشان تطلع عادي .. دي تتحل ازاي ؟
الخامس : البكره بتاعت فتحت السقف اتكسرت تعمل لها كام ؟
شكرا جدااا مقدما

- مش هي
- في الفانوس من تحت خالص
- دور عليها استيراد في صقر قريش ، ماعرفش تخش في كام
- جربت تنضفه في اي كار كير ؟

Sent from my GT-N7000 using Forum Runner

[Super_Star_h]

المرشدير لمبتين بيض لوحدهم
والشبوره لمبه واحده فى اخر الفانوس
الغطا بتاع الأوكره عند بتوع الاستيراد هتسأل عليها
لو التنجيد نضيف مش هيعيب العربيه فى حاجه
والسقف حط فى المجرى اللى بيمشى فيها شويه زيت وهتلاقيه تمام
او روح عند حد بتاع ازاز ممكن يعملهولك
هيشيل الازاز ويعلى تحتيه شويه بالسيليكون

[محمود سامح]

:صقر قريش فى المعادى يوجد فيها محلات كثيرة للاستيراد وكمان فية سروجى مخصوص للميجان يجوار مركز المهندس مصطفى فهمى وهو راح يعمل لك كل الا زم وفى وقت قصير جدااا وممكن يجيب لك النواقص

[تامر.محمد]

بالمناسبة انا باحييك لأنك عايز تظبط عربيتك و ما تمشيش بحاجة منها بايظة :)

[tarek_asem]

شكرا لكم جميعا وربنا يزيدكم من فضله .... وبالنسبه لأستاذ تامر اشكرك على كلامك وانا فعلا مبحبش امشي بأي حاجه بايظه ف العربيه حتى لو مسمار .. وعايزها تبقى عروسه زي ما بيقولو :)
شكرا لكم جميعا ومنتحرمش منكم