شراء الرينو فلوانس الفئة التانية اتوماتيك

[محمود عاد]

لو سمحتوا يا جماعة , انا حاليا بفكر اشترب عربية جديدة , كنت بفكر في الرينو فلوانس الفئة التانية اتوماتيك و الاوبل استرا .
... فياريت تقولولي ايه رايكم في الفلوانس ال فئة التانية اتوماتيك ام 169500 و في توكيلها و هلي فيها عيوب معروفة خصوصا اني سمعت اني فيها بعض المشاكل و يا تري ايه افضل مكان اشتري منه ؟؟!!!

[mostafa magdy]

هي مشاكل بسيطه نوعا ما ..
يعني مشكله موتور .. و بيغيروه ..
و مشكله عمود دركسيون و غيروه ..
حاجات بسيطه متقلقكش يعني زي ما باقي الأعضاء بيحاولوا يقنعوني :d
ربنا يوفقك ..

[noapology]

هي مشاكل بسيطه نوعا ما ..
يعني مشكله موتور .. و بيغيروه ..
و مشكله عمود دركسيون و غيروه ..
حاجات بسيطه متقلقكش يعني زي ما باقي الأعضاء بيحاولوا يقنعوني :d
ربنا يوفقك ..

بص بغض النظر ان حضرتك عممت المشكله انا بنصح صاحب الموضوع انو يشوف الاسترا ولو يقدر علي فرق السعر واستريحلها يتوكل علي الله او تستني حضرتك شويه تكون الرويه وضحت شويه وتكون العربيات مشيت شويه و يبقي في حصر للمشاكل ونشوف اذا كانت عامه بتظهر مع الوقت ولا عيوب تصنيع ويتم تلافيها في الدفعات الجديده

[SoFiMaN]

العربية ممتازة و معايا نفس الفئة بقالها 4 شهور و ماشاء الله رائعة .. مشكلة حجز التوكيل انك هتنتظر فترة طويلة لكن لو معرض في الطارق بيسلموا اسرع طبعا خصوصا لو instock عندهم خاصا ان دي الفئة الاكثر انتشارا.

هي مشاكل بسيطه نوعا ما ..
يعني مشكله موتور .. و بيغيروه ..
و مشكله عمود دركسيون و غيروه ..
حاجات بسيطه متقلقكش يعني زي ما باقي الأعضاء بيحاولوا يقنعوني :d
ربنا يوفقك ..

عمر ما حد يقدر يقول ان ده طبيعي ! لكن لما يحصل في يمكن 1% من اجمالي مبيعات العربية مثلا او اقل مستحيل اقول ده عيب مشهور في عربية رينو او ايا كان نوعها ! هتقولي جبت منين الرقم هقولك اني مقرتهاش ولا اعرف حد من قريب او بعيد عنده و اول ما اروح التوكيل في اسكندرية هسأل برضه بس مثلا اعتقد لو حاجة مشهورة كانت سمعت جامد

[yasser100]

بغض النظر انك تشترى الفلوينس و ﻻ ﻷ . الاوبل استرا نفس مشكلة اوبل الازليه العربيه تقيله على الموتور . 1400 كجم اتقل عربيه فى الفئه دى على موتور 1600 سي سيى 115 حصان و فتيس مش متطور و ﻻ حاجه .
و ده السبب الرئيسي اللى بيخللى مواتير الاوبل تتعب بسرعه و تدخل فى سخونه و فتيس كفاءته تقل و عمره الافتراضى يقصر .
ده باختصار اللى اعرفه عن الاسترا لما كنت محتار بينها و بين الفلوينس الفئه e3sr برغم انهم كانوا نفس السعر .
و الله اعلم هل ظهرت مشاكل فرديه مع مالكيها و ﻻ ﻷ .

[yasser100]

بص بغض النظر ان حضرتك عممت المشكله انا بنصح صاحب الموضوع انو يشوف الاسترا ولو يقدر علي فرق السعر واستريحلها يتوكل علي الله او تستني حضرتك شويه تكون الرويه وضحت شويه وتكون العربيات مشيت شويه و يبقي في حصر للمشاكل ونشوف اذا كانت عامه بتظهر مع الوقت ولا عيوب تصنيع ويتم تلافيها في الدفعات الجديده

كلامك صحيح . بس للاسف مش هايضمن الاسعار

[miceg]

اخونا الغالي
كنت بنصح اي حد معاه الرينج ده يتجه للفلوانس مباشرة
لكن دلوقتي هنقولك إتجه للفلوانس مع شوية تحفظات
خليك يابن الحلال مراقب مقياس الزيت فالعربية واوعى العربية تنقص كورة قبل ال 5000 كيلو
ولو نقصت كوره روح أعمل محضر وروح لحمايه المستهلك وادخل دخله غلط فغلط عشان تاخد حقك

مشكلة مصطفى حتى لو من وجهه نظر الكثير من ألاعضاء إنها فردية
لكن
مايميز التوكيل هو كيفية حل المشكلة وهندلتها وليس التلاعب بعملاؤه

مصطفى مجدي ياجماعه المشكلة ظهرت معاه من اول 4000 كيلو رسالة top up oil level
ولما راح استغفلوه وزودو زيت وفنفس الوقت هما عارفين ان الموتور في مشكلة
بس مكنش ينفع ساعتها يفصحو عن تغيير موتور وخاصه انه هيتأخر وهياخد وقت على ما يجي
لما راح صيانة ال 5000 برضه زودو زيت من غير مايقولو وهو كان عارف انهم زودو
عند ال 7000 كيلو وقت مالزيت نقص وكان ففرع ألعبور
كلمه توكيل أبو رواش وقاله احنا على علم بمشكلتك وهات العربية احنا اللي هنحلها لاننا عندنا علم أكثر بمشكلتك ورينو فرنسا بتسبورت لينا
طبعا ده بعد ماالموتور الجديد جه من بره
وضمنو حل المشكلة
يعني ببساطه هما مهندلوش مشكلة
وفضلو يحورو لغايت ماجابو موتور من بره
واللي بيقول أفضل توكيل في مصر جايز معاه حق عشان محدش يعرف ماهي مواصفات أفضل توكيل في مصر
والعيب ليس في رينو العيب فالدولة المصرية اللي بتهدر حق المواطن في أبسط حقوقه
وهقولها انت التوكيل هتفضل مبسوط منه طالما بتروح تغيير زيت وبتعمل صيانات هناك دورية
ومعكش مشكلة إستثنائية فعربيتك
لو معاك مشكلة زي مشكلة مصطفى هتحس انك بتتعامل مع وحوش وليس مع بني اّدمين

[mostafa magdy]

لا تعليق .. :d

[ramymechanics]

متجيبهاش العربية بتولع و هى ماشية واما بتظهر معاك مشكلة التوكيل بيقولك اخبط دماغك فالحيط و خاماتها رديئة وكلها مشاكل و العربية طلعت اخوان كمان على فكرة و احنا هنا كلنا لجان الكترونية وشغالين فالتوكيل والعشرين جنيه بتاعة اول كل شهر موصلتش لحد دلوقتى

[SoFiMaN]

اخونا الغالي
كنت بنصح اي حد معاه الرينج ده يتجه للفلوانس مباشرة
لكن دلوقتي هنقولك إتجه للفلوانس مع شوية تحفظات
خليك يابن الحلال مراقب مقياس الزيت فالعربية واوعى العربية تنقص كورة قبل ال 5000 كيلو
ولو نقصت كوره روح أعمل محضر وروح لحمايه المستهلك وادخل دخله غلط فغلط عشان تاخد حقك

مشكلة مصطفى حتى لو من وجهه نظر الكثير من ألاعضاء إنها فردية
لكن
مايميز التوكيل هو كيفية حل المشكلة وهندلتها وليس التلاعب بعملاؤه

مصطفى مجدي ياجماعه المشكلة ظهرت معاه من اول 4000 كيلو رسالة top up oil level
ولما راح استغفلوه وزودو زيت وفنفس الوقت هما عارفين ان الموتور في مشكلة
بس مكنش ينفع ساعتها يفصحو عن تغيير موتور وخاصه انه هيتأخر وهياخد وقت على ما يجي
لما راح صيانة ال 5000 برضه زودو زيت من غير مايقولو وهو كان عارف انهم زودو
عند ال 7000 كيلو وقت مالزيت نقص وكان ففرع ألعبور
كلمه توكيل أبو رواش وقاله احنا على علم بمشكلتك وهات العربية احنا اللي هنحلها لاننا عندنا علم أكثر بمشكلتك ورينو فرنسا بتسبورت لينا
طبعا ده بعد ماالموتور الجديد جه من بره
وضمنو حل المشكلة
يعني ببساطه هما مهندلوش مشكلة
وفضلو يحورو لغايت ماجابو موتور من بره
واللي بيقول أفضل توكيل في مصر جايز معاه حق عشان محدش يعرف ماهي مواصفات أفضل توكيل في مصر
والعيب ليس في رينو العيب فالدولة المصرية اللي بتهدر حق المواطن في أبسط حقوقه
وهقولها انت التوكيل هتفضل مبسوط منه طالما بتروح تغيير زيت وبتعمل صيانات هناك دورية
ومعكش مشكلة إستثنائية فعربيتك
لو معاك مشكلة زي مشكلة مصطفى هتحس انك بتتعامل مع وحوش وليس مع بني اّدمين

عفوا عزيزي ففي سيارتي الميجان2 طوال 4 سنوات صادفتني كثير من المشاكل بعيدا عن الصيانات الدورية و ابسطها طرمبة بنزين السيارة كانت خلصت 3 سنين ضمان و لكن غيروها بالضمان لأنها كانت 90000 كيلو و قالولي وقتها ان ضمانها لحد 100 (يعني لو مقالوش مكنتش هقول حاجة لأني معرفش)
كمبروسير التكيف ضرب غيروه خلال 4 ساعات بواحد جديد في الضمان (كان باقي 8 شهور).
و الكثير و لكن هذا ما اتذكره فياريت عزيزي لا تعمم المشكلة ربما حالة الاستاذ مصطفى خاصة جدا حيث انها للاسف حالة شبه نادرة الى ان يتم تأكيدها او حصرها فعليا بمعرفة الوكيل..لكن النقطة الوحيدة التي اقصدها ان معاملة التوكيل سواء بالصيانات الدورية او الاستثنائية اكثر من ممتازة و اعتقد مع الاستاذ مصطفى كذلك الى ان طلب سيارة جديدة بدلا من موتور جديد و برأيي انه طبيعي ان يرفض التوكيل فليس الطبيعي ان يوافق اي توكيل بيسر و سهولة !

[miceg]

عفوا عزيزي ففي سيارتي الميجان2 طوال 4 سنوات صادفتني كثير من المشاكل بعيدا عن الصيانات الدورية و ابسطها طرمبة بنزين السيارة كانت خلصت 3 سنين ضمان و لكن غيروها بالضمان لأنها كانت 90000 كيلو و قالولي وقتها ان ضمانها لحد 100 (يعني لو مقالوش مكنتش هقول حاجة لأني معرفش)
كمبروسير التكيف ضرب غيروه خلال 4 ساعات بواحد جديد في الضمان (كان باقي 8 شهور).
و الكثير و لكن هذا ما اتذكره فياريت عزيزي لا تعمم المشكلة ربما حالة الاستاذ مصطفى خاصة جدا حيث انها للاسف حالة شبه نادرة الى ان يتم تأكيدها او حصرها فعليا بمعرفة الوكيل..لكن النقطة الوحيدة التي اقصدها ان معاملة التوكيل سواء بالصيانات الدورية او الاستثنائية اكثر من ممتازة و اعتقد مع الاستاذ مصطفى كذلك الى ان طلب سيارة جديدة بدلا من موتور جديد و برأيي انه طبيعي ان يرفض التوكيل فليس الطبيعي ان يوافق اي توكيل بيسر و سهولة !

أخي الكريم أ مصطفى
كلامك مظبوط وليا صديق بعد ماخلص ضمان عربيته اللوجان كلموه عشان يغيروله الطارة مجانا
ومن كلام خدمه العملاء فهمت منهم ان بعد انتهاء فتره الضمان بيبقا في استثناءات بيعملها التوكيل
وذلك بغرض خدمه مابعد البيع
انا بتكلم في نقطة ثانية
ان عشان انت فمصر تقبل تمشي بعربية مغيرة موتور
ترضي انك تغير حاجه فعفشه العربية وانت فأول كام كيلو زي عمود الدركسيون مثلا
ومعلش مش معنى انها حاله فرديه ان المشكلة ليست موجوده
ناهيك عن انها ليست حاله واحده بس تكررت أكثر من مرة وذلك بشهادة ناس بداخل التوكيل
انا لا أقابل أي مشكلة في سيارتي ولا يوجد أي شكوى لدي من هذا التوكيل
ولكن أحب أن أضع نفسي مكان أخوتي من باب جب لأاخيك ماتحب لنفسك
والسلام عليكم