كهربة التابلوة فصلت فى الميجان

[ahmed_m_h]

السلام عليكم و رحمة الله و بركاتة
حصل معايا موقف غريب جدا و انا ماشى على الدائرى على سرعة 70 تقريبا و التكييف شغال و الكاسيت قررت ان انا ادوس على زراير رفع الازاز الاتنين اللى قدام علشان اتاكد انهم مقفولين للاخر. اول ما لمست الزراير الكهربا بتاعت التابلوة قطعت بمعنى الكلمة العدادات وقفت على مكانها و التكييف فصل و الكاسيت كمان و مفيش لمبة بتنور فى التابلوة لا اشارة و لا اى حاجة و الشاشة بتاعت الكاسيت فصلت و الازاز اللى قدام لا بيفتح و لا بيقفل بس العربية ماشية و مفيش مشكلة غير ان الباور تقل بشكل مش جامد اوى بس بتمشى و ابطلها تبطل اشغلها تشتغل و الفلاشر علق على الانتظار ياريت اى حد يفيدنى دة ممكن يبقى اية و شكرا مقدماً

[M R. Z E C O]

غالبا فيوز او ماس حضرتك غسلت العربية قريب

[ahmed_m_h]

ابدا دى بقالها شهرين مشافتش غسيل و معلش هو الفيوزات دى كلها تضرب مرة واحدة و لا فى فيوز مسئول عن التابلوة كلة بالازاز اللى قدام و شكرا على اهتمامك

[M R. Z E C O]

بص هي غالبا الفيوزات ممكن تكون علبه الفيوزات محتاجه نضافه فيها نمل ولا صدا او اي عازل يا اما الفيشه العمومية ومتابع معاك في انتظار باقي للاراء

[Super_Star_h]

كده حصلت قفله
فين بقى الله اعلم الميجان كهربتها كتيره اوى لازم تتحط على الجهاز

[محمود سامح]

اما ان حضرتك غسلتها والماء تسرب واما الفيشة الرئيسية فصلت بس لازم تكشف احسن الموضوع بسيط جدااا مجرد دقائق

[ahmed_m_h]

انا متشكر على اهتمامكم جدا و حبيت اقولكم ان العيب طلع فيوز فى علبة الفيوزات اللى جمب البطارية و الحمدالله غيرتة و العربية اشتغلت تمام

[M R. Z E C O]

انا متشكر على اهتمامكم جدا و حبيت اقولكم ان العيب طلع فيوز فى علبة الفيوزات اللى جمب البطارية و الحمدالله غيرتة و العربية اشتغلت تمام

شوفت عيب عليك..ههه

[أسامه الحسيني]

مبروك الاصلاح