حساس المطر

[hic]

اخوانى الاعزاء برجاء مساعدتى فى كيفية اصلاح حساس المطر حيث اننى قمت بتغير الزجاج الامامى خارج التوكيل و للاسف حساس المطر مش شغال و سالت فى التوكيل قال لى طالما غيرت الزجاج غير الاصلى فممكن الحساس ما يشتغلش
و على فكره انا فكيت الحساس بنفسى لقيت المادة الجيلاتينيه مش موجوده فهل ممكن اصلاحه و لا لأ
برجاء الافادة و شكرا

[م أحمد]

كان عطلان معايا فى ال406 ، اخدته من صاحب العربية عطلان ، لزق عليه أمير معجون بسيليكون علشان يثبته كويس فى البرابريز !!! و المحصلة انه تعطل كحساس للمطر و لكن ظل حساس للضوء (دا القديم)

جبت واحد استيراد من الحرفيين (من 100 ل 200 جنيه سعره)

كل ما عليك تنظف مكان الاتصاق فى البرابريز بقطعة قطن جافة تنظيف جيد لغاية لما الازاز يبرق و برضه على مكان السيليكون القديم حاول تزيل اى تراب عليه و اوعى القطن يفتل فيه و ان شاء الله يشتغل

و لو اضطريت تجيب واحد جديد لازم تجربه هناك

[تامر.محمد]

من كلامك فالقصة في المادة الجيلاتينية

ارجو حد من الاخوة يكون له تجربة مع شرا المادة دي و يفيدنا كلنا

[م أحمد]

مركزتش معلش فى ان السيليكون متشال

المادة الجيلاتينية دى سيليكون ابيض عادى

الانبوبة من 8 جنيه لغاية 25 جنيه لما تبقى ايه عند اى موان تكفى 50 حساس
و مكبس السيليكون الحديد يعمل له 30 جنيه

[vieirib]

اخوانى الاعزاء برجاء مساعدتى فى كيفية اصلاح حساس المطر حيث اننى قمت بتغير الزجاج الامامى خارج التوكيل و للاسف حساس المطر مش شغال و سالت فى التوكيل قال لى طالما غيرت الزجاج غير الاصلى فممكن الحساس ما يشتغلش
و على فكره انا فكيت الحساس بنفسى لقيت المادة الجيلاتينيه مش موجوده فهل ممكن اصلاحه و لا لأ
برجاء الافادة و شكرا

انا كمان عندى الزجاج الامامى مشروخ و هغيره ياريت تقولى عملته فين و بكام و وصلت لايه فى الحساس

[Hegazio]

هي الجيلاتينة دي سيليكون عادي فعلا
بس هي الحرفة كلها في انها تبقي صب من غير فقاعات و لا تموجات بحيث تحافظ علي انكسار الضوء المطلوب لعمل الحساس

[moutaz badawy]

سؤال في الموضوع

طيب يا جماعة الخير انا عندي سؤال .
انا ليه لما بشغل العربيه بسمع صوت زننه جايه من عند المرايه؟؟جايه من مكان (حساس المطر)؟؟ ليييييييييييييييييييه؟؟
انا مش عارف و يا ريت حد يقوللي

[محمود سامح]

تروس المراية مش مضبوطة او المسامير الداخلية

[Super_Star_h]

انا عندى مش شغال برضو والماده دى مش موجوده بسبب ان الازاز اتغير قبل كده
نضفته وركبته كده وخلاص لغايت اما اشوف حل

[م أحمد]

طيب يا جماعة الخير انا عندي سؤال .
انا ليه لما بشغل العربيه بسمع صوت زننه جايه من عند المرايه؟؟جايه من مكان (حساس المطر)؟؟ ليييييييييييييييييييه؟؟
انا مش عارف و يا ريت حد يقوللي

الغالب دا سخان علشان مفيش بخار مياه يتكثف عليها نتيجة تشغيل التكييف و موجود برضه فى مرايات الاجناب
او حاجة كهرباء علشان موضوع التعتيم الاوتوماتيكى

[Super_Star_h]

مركزتش معلش فى ان السيليكون متشال

المادة الجيلاتينية دى سيليكون ابيض عادى

الانبوبة من 8 جنيه لغاية 25 جنيه لما تبقى ايه عند اى موان تكفى 50 حساس
و مكبس السيليكون الحديد يعمل له 30 جنيه

سيليكون ؟
انا لما نضفته وشيلته كان زى الجيل الابيض بتاع الشعر كده بضبط
هو ممكن الجيل ده ينفع ؟

[م أحمد]

سيليكون ؟
انا لما نضفته وشيلته كان زى الجيل الابيض بتاع الشعر كده بضبط
هو ممكن الجيل ده ينفع ؟

اللى عندى فى البيجو كان سيليكون

متهيألى كل حساس له جهد تشغيل كهربى معين يعتمد على شدة الاضاءة الساقطة عليه اللى بالتالى تعتمد على المادة الموضوعة عليه

على العموم ممكن تجرب السيليكون لان ميزته انه مادة مرنة لما بينشف ممكن تشيله تانى بدون خدوش

[moutaz badawy]

تروس المراية مش مضبوطة او المسامير الداخلية

شكرا ليك يا استاذ محمود
و ارجو من جميع الاخوه اللي فاهمين زاي حضرتك كده انهم ما يبخلوش علينا بأي معلومه .

[moutaz badawy]

الغالب دا سخان علشان مفيش بخار مياه يتكثف عليها نتيجة تشغيل التكييف و موجود برضه فى مرايات الاجناب
او حاجة كهرباء علشان موضوع التعتيم الاوتوماتيكى

يعني يا باش مهندس احمد الصوت ده طبيعي؟!!!!
انا طبعا بما اني أول مرره اركب الميجان فمش عارف؟!
بس بيتهيألي عربيه معموله بالشياكه دي مش معقول اللي عملوها يكونوا قاصدين ان هل يكون فيها الصوت ده؟!!!!

[hic]

الف شكر للجميع و انا اسف انى ما اكنتش معاكم فى الحوار نظرا لظرف العمل و اسف مره تانيه و متابع معاكم