عندك مشكلة في عربيتك الرينو و سايبها ؟ شاركنا و نفيد بعض

[تامر.محمد]

سلام عليكم
اوقات الواحد فينا بتحصل مشكلة في عربيته و بتبقى مش مؤثرة اوي على الاداء العام للعربية , او مش جوهرية
فبيسيبها

انا مثلا عندي
- قاعدة الشكمان اللي في النص طريت , و قطعت الخيط بتاعها و ماشي بيها كده , بس طبعا العربية صوتها عالي و فيها حتة vibration , حتى انا مش متأكد انه بسببها

- جوان الكرنك الخلفي :( , مش بس اللي موقفني ان تكلفة تغييره 1000 جنيه , انا كمان شايل هم ان العربية تقعد اسبوع في التوكيل و مش عارف هاتنقل من غيرها ازاي

- الكليبس اللي بيمسك ستارة باب من البابين اللي ورا مكسور , ولا لاقيه في التوكيل ولا لاقيه استيراد :(

شاركنا تجربتك

[محمود سامح]

كليبسات الستائر موجودة فى صقر قريش عند المهندس مصطفى فهمى استيراد انا لسة مغيرهم الواحد بى 25 جنية

[تامر.محمد]

كليبسات الستائر موجودة فى صقر قريش عند المهندس مصطفى فهمى استيراد انا لسة مغيرهم الواحد بى 25 جنية

لما انزل ان شاء الله هاسأل مصطفى عليهم
انا فاكر اني سألته من فترة و ما كانوش عنده , واضح انه جابهم كده بقى :)

[ELKHOLY22]

متابع

[M.Radwan]

خد عندك واحد جوان كرنك خلفي.. ومش راضي أغيره لنفس الأسباب
المصفحة قالولي في التوكيل انها عايزة لحام للمسامير ومش عارف يتعمل فين أو مثلا المسامير تتغير ازاي!

[تامر.محمد]

حدش تاني عنده مشاكل ؟

[ah-gawad]

الكويل الخاص بالايرباج و مثبت السرعة مقطوع و عاوز تغيير . انا ناوي اغيره بس عاوز اعرف ازاي احافظ عليه؟

[Ahmed Koller]

انا عندي كلبس واحد من بتاع الستارة بتاعة البربريز الخلفي هي ال واقعه ومش عارف اجبها منين وسألت عليها كل بتوع الاستيراد ال عندنا وملقتهاش

وزرار التحكم بتاع المرايات عاوز اغيره علشان الدراع ال بيظبط المرايا طلع من ظكانه ومكسل لاني خايف يكون محتاج فك فرش الباب

[tito32]

متابع

[محمد عفيفي]

شريط الاير باج وطبعا معاه مثبت السرعة ومحدد السرعه بس مش هغيره علشان هو عيب في الرينو كل ما حد يغيره بيتقطع برده خلاص مش مهم مثبت السرعه علشان ما انمش وانا مسافر

[ah-gawad]

شريط الاير باج وطبعا معاه مثبت السرعة ومحدد السرعه بس مش هغيره علشان هو عيب في الرينو كل ما حد يغيره بيتقطع برده خلاص مش مهم مثبت السرعه علشان ما انمش وانا مسافر

المشكلة في الايرباج مش المثبت بس للاسف

[tarek_asem]

الضم بتاع المرايا مش شغال ف الشمال وبيعلق في اليمين والمرايه كمان ... والايد اللي فيها مفتاح المرايا في باب السواق شكلها مش حلو مبههدله عايز اغيرها + وش فانوس شمال امامي .... هل الوش بيتباع بره ولا لزم اشتري فانوس كامل

[محمد عفيفي]

عايز اعمل البوش الي في علبة الدركسيون بس مش عارف واحد بتاع عفشه نضيف في صقر قريش علشان انا من هناك

[moutaz badawy]

السلام عليكم و رحمة الله و بركاته
انا اسف طبعا . لأن ممكن يكون الموضوع اللي انا هكتبه مش مكانه هنا,و بس انا كتبته قبل كده ف ي مكانه الطبيعي بس للأسف محدش جاوبني..الموضوع هو

ايه هو السبب اللي يخللي لمبة تخذير الstopتشتغل و معاها لمبة الزيت؟
اللمبتين اشتغلوا مع بعض..و لما ببطل العربيه و أدور تاني بيروحوا و يرجعوا يشتغلوا تاني؟!!
قلت جايز لازم أغير زيت... غيرت الفلتر و كمان الزيت,,,,,و تاني يوم اللمبتين اشتغلوا تاني و انا ماشي بس كانوا بيشتغلوا شويه و يطفوا شويه و انا لسسه ماشي!!!!!
ممكن يكون عندي ايه ؟؟؟؟؟؟

[أسامه الحسيني]

خد عندك يا سيدى
1- طلمبة مياة المساحات مش شغاله
2- المراية الشمال مش شغالة كهرباء
3- عاوز اغير عدد 2 فردة كاوتش
4- خت خبطة من اسفل العتبة اليمين ومحتاجة سمكرة ودوكو
5- لما العربية تسخن وامشي بيها بتاع نصف ساعة بسمع صوت من الموتور زى ما يكون رفه ومش قادر احدد مكانة او السبب
6- لمبة الـ Airbag + Service منوريين بعد اخر مرة غسلت فيها العربية
7- الكلبسات بتاعة الستارة الخلفية واليمين مكسورة
ان شاء الله ناوي اعمل الحاجات دى لما يجيلي فلوس لاني شاريها مستعملها ودفعت فيها كل الى معايا