Tweet
السلام عليكم اخى الفاضل وكل عام وانتم بخير لو سمحت اخى انا عندى رينو ميغان موديل 99 والمفتاح بتاعها باظ ورغم كل المحاولات لم نستطيع فعل شىء لانه لايوجد توكيل للرينو فى السودان واخيرا المهندس قالى انه لازم نجيبلها سيستم immobilizer مع المفتاح بتاعه فهل ممكن تدلنى اين اجده فى القاهرة وسعره بيكون فى حدود كام وهل ممكن يكون هناك سيستم مستعمل وياريت لو ما فيهاش تعب تورينى سعرم ممكن يكون كام وشكر جزيلا اخى العزيز
-
-
كل عام و إنت بخير و أهلا بيك فى منتدانا
أنا بصراحة معرفش ممكن تلاقيه فين غير فى التوكيل
نمرة التوكيل فى مصر 16202 -
شكرا اخى العزيز على تفاعلك مع موضوعى وهل عندك فكرة بيكون سعره فى حدود كام ولو سمحت ممكن تحطلى رقم التوكيل كامل مع الكود الدولى وعنوان التوكيل وشكرا جزيلاComment
-
الرقم ده مش هيشتغل من بره مصر أصلاً
بس بالنسبة للسعر معتقدش أنه هيعدى سعر كارت ميجان 2 اللى هوه حوالى 1300 جم
أنت ممكن تبعتلهم عن طريق اللينك ده
بس متنساش تقولهم أنك مش فى مصر وتعرف كمان مصاريف شحنه ايه
و ممكن تحتاج تبعتلهم المفتاح اللى معاك[CENTER][COLOR=Blue][B][SIZE=4]يا بلادى يا بلادى.........أنا بحبك يا بلادى[/SIZE][/B][/COLOR]
[/CENTER]Comment
-
أخي العزيز أحمد عبد المقصود ، هو هيحتاج السيستم كامل مش بس المفتاح أو على الاقل وحدة الكونترول زائد المفتاح بدون الأنتنا ولا الضفيرة لأن دول راكبين عنده ، و دول أكيد أغلى من ثمن المفتاح فقط (على فكرة مفتاح الميجان II في التوكيل حوالي ١٧٠٠ جنيه بالضريبة )
بالنسبة لصاحب السؤال واضح إن حد لعب في وحدة الكنترول عندك مش مجرد مفتاح باظ ، و شكلها عشان كدة عملت lock من حضرتك و لازم تغيرها ، لأن غير كدة مش بتحتاج تتغير ، و على فكرة هي غالية مش رخيصة ، عشان كدة أنا باقترح تجيبها إستيراد من الحرفيين و هي موجودة و بيسموها "طقم دوارة " و بيكون فيها السيستم بمفاتيحه ، بس برضه لازم تتبرمج مع ال-ECU بتاعة الموتور (تتزبط الشفرة مع بعضها )، عشان كدة لازم التوكيل أو مركز خدمة إلي يركبها عشان بيكون عنده ال-Clip و هو جهاز برمجة رينو .
و ربنا معاك ، تحياتيComment
-
شكرا اخى العزيز فرحات على ردك وهل عند الحرفيين بيكون السيستم مضمون انه يشتغل ولو سمحت ممكن تحطلى عنوان الحرفيين وشكر جزيلاComment
-
أى حاجة بتشتريها من الحرفيين بتبقى على التجربة......يعنى تاخدها تجربها فى خلال أسبوع ولو فيها مشكلة بترجعها تانى
الحرفيين مكانها فى أول طريق مصر أسماعيلية الصحراوى وأنت جاى من جسر السويس
فرحات باشا........شكراً على التصحيح[CENTER][COLOR=Blue][B][SIZE=4]يا بلادى يا بلادى.........أنا بحبك يا بلادى[/SIZE][/B][/COLOR]
[/CENTER]Comment
Comment