فيشة الانوار سايحه

[Super_Star_h]

ايه حكاية الكهربا فى الميجان مش عارف بصراحه
كل شويه عندى مشكله بسبب الكهربا
العربيه كانت كل شويه تبطل ومحدش كان عارف السبب حتى اللى كشفت عندهم
ومع الوقت بدأت اركز مع الموضوع لغايت اما قربت اوصل لنتيجه
فيه مجموعة كابلات جمب حساس الكرنك بهزهم الاقى العربيه دارت وبقت زي الفل
احتمال تكون فيه فيشه بايظه وبتتهز يا اما الفيشه بتاعة حساس الكرنك يا اما الحساس نفسه بيهيس
تانى مشكله هى فيشة النور اللى فى علبة الفيوزات
ما شاء الله سايحه ومحروقه ومالهاش معالم واضحه تدل على انها كانت فيشه
النور الواطى والعالى والشبوره كله بيهيس بيشتغل ويفصل مع نفسه
فكيت البطاريه والقاعده وقولت اطلع علبة الفيوزات
طبعآ موال كبير عشان اطلع العلبه والله اللى اخترع العربيه دى شكله كان سكران ولا ايه مش عارف
طلعت العلبه بعد معاناه وفكيت الفيشه المتكسره ولاقيت البورده نفسها فيها حرق من تحت
يعنى شكلها كده مش نافعه وعايزه تتغير
شيلت الفيشه خالص ورميتها وجبت 8 سلوك واشتغلت بمكوة اللحام والاصدير ولحمت الاسلاك فى البورده علطول
الانوار كلها اشتغلت وبقت زي الفل الحمد لله
هو حل مؤقت بس

[MohammedAladel]

تحياتى لك

[Super_Star_h]

تحياتى لك

الله يباركلك يا باشا
معندكش فكره بقى عن سعر العلبه بالفيش بتاعتها استيراد ؟
وهل لو ركبتها هترجع الفيشه تتحرق تانى وكأنى معملتش حاجه ؟

[hishamhamdy]

الله يباركلك يا باشا
معندكش فكره بقى عن سعر العلبه بالفيش بتاعتها استيراد ؟
وهل لو ركبتها هترجع الفيشه تتحرق تانى وكأنى معملتش حاجه ؟

بص ياباشا انا كنت عند واحد محترف وقاللي ان الفوج هوا اللي بيسيح الفيشه لأن أنا عندي فيشة النور سايحه برضو... وقالي اجيب الفيشه استيراد من الحرفيين... وقالي انو هيخترعلي زرار ووصلة كهربا للفوج لوحده بعيدا عن دايرة الكهربا وعلبة الكهربا.... لو عاوز نمرته تستشيره أنا تحت أمرك
وعلى فكره لقيت كمان سلك حساس الكرنك سايح وملمس في بعضه.. اشتريت سلك تاني بفيشه لبني وركبهولي... المشكله انو بيتباع ملفوف حوالين بعضه والصح بتاعه انه السلكين يبعدو عن بعض عشان مع السخونه بيسيحو بعض... هوا اللي قاللي بردو... ربا يعينك

[Super_Star_h]

بص ياباشا انا كنت عند واحد محترف وقاللي ان الفوج هوا اللي بيسيح الفيشه لأن أنا عندي فيشة النور سايحه برضو... وقالي اجيب الفيشه استيراد من الحرفيين... وقالي انو هيخترعلي زرار ووصلة كهربا للفوج لوحده بعيدا عن دايرة الكهربا وعلبة الكهربا.... لو عاوز نمرته تستشيره أنا تحت أمرك
وعلى فكره لقيت كمان سلك حساس الكرنك سايح وملمس في بعضه.. اشتريت سلك تاني بفيشه لبني وركبهولي... المشكله انو بيتباع ملفوف حوالين بعضه والصح بتاعه انه السلكين يبعدو عن بعض عشان مع السخونه بيسيحو بعض... هوا اللي قاللي بردو... ربا يعينك

يبقى اكيد الفيشه بتاعة الحساس هى اللى بتعمل معايا كده
والفوجات فعلآ بحس انها حمل زياده على العلبه لان انا تبعت درجة حراره السلك بتاعها لاقيته بيسخن جامد اوى لدرجه انك تتلسع قولت يبقى كده هو اللى بيبوظ الفيشه
الموضوع ده عيب تصنيع لان المشكله دى شكلها عامه فى الميجان
بس موضوع انك تعمل ضفيره خاصه بالفوجات مش هتنفع لانك مش هتعرف تتحكم فيها من الدارع بتاع النور لانك هتخرج عن الدايره كلها
شكرآ يا باشا المشكله ان انا فى اسكندريه
بس اعرف كهربائيه هنا اساتذه بس انا مش عايز اعمل شغل عك بصراحه بالذات فى العربيه دى عشان صعب تضحك عليها
ربنا يسهل ونشوف حل افضل

[hishamhamdy]

يبقى اكيد الفيشه بتاعة الحساس هى اللى بتعمل معايا كده
والفوجات فعلآ بحس انها حمل زياده على العلبه لان انا تبعت درجة حراره السلك بتاعها لاقيته بيسخن جامد اوى لدرجه انك تتلسع قولت يبقى كده هو اللى بيبوظ الفيشه
الموضوع ده عيب تصنيع لان المشكله دى شكلها عامه فى الميجان
بس موضوع انك تعمل ضفيره خاصه بالفوجات مش هتنفع لانك مش هتعرف تتحكم فيها من الدارع بتاع النور لانك هتخرج عن الدايره كلها
شكرآ يا باشا المشكله ان انا فى اسكندريه
بس اعرف كهربائيه هنا اساتذه بس انا مش عايز اعمل شغل عك بصراحه بالذات فى العربيه دى عشان صعب تضحك عليها
ربنا يسهل ونشوف حل افضل

هوا قالي هيعملها زرار مخصوص جوا العربيه بعيد عن أي حاجه,,,
وعلى فكره انا قصدي السلك بتاع حساس الكرنك نفسه .. غير الفيشه اللي في علبة الفيش.. هوا اللي بيبقا لافف على بعضه
المهم ان احنا كسبنا معلومة ان الفوجات هيا اللي بتسيح الفيشه.. وان شاء الله نفيد بعض.. ربنا يوفقك

[tito32]

متابع

[محمود سامح]

موضوع الكهرباء مشكلة فعلا

[تامر.محمد]

انا كنت سامع ان علبة الفيوزات تم تطويرها و تغيير تصميمها في موديلات 2007 و انت طالع لكني مش متأكد من المعلومة

لكن طالما فتحت العلبة بنفسك فسهل تعرف العلبة المختلفة , لو كده يبقى هاتجيب علبة 2007 استيراد و خلاص

[Super_Star_h]

انا كنت سامع ان علبة الفيوزات تم تطويرها و تغيير تصميمها في موديلات 2007 و انت طالع لكني مش متأكد من المعلومة

لكن طالما فتحت العلبة بنفسك فسهل تعرف العلبة المختلفة , لو كده يبقى هاتجيب علبة 2007 استيراد و خلاص

ممكن يكون تم تعديلها فى ال 2007
بس الخوف ان العلبه والفيش يكون نظامهم مختلف عن 2006
عامآ لما اشترى العلبه هشوف لو هتشتغل عندى هركبها طبعآ

[Super_Star_h]

هوا قالي هيعملها زرار مخصوص جوا العربيه بعيد عن أي حاجه,,,
وعلى فكره انا قصدي السلك بتاع حساس الكرنك نفسه .. غير الفيشه اللي في علبة الفيش.. هوا اللي بيبقا لافف على بعضه
المهم ان احنا كسبنا معلومة ان الفوجات هيا اللي بتسيح الفيشه.. وان شاء الله نفيد بعض.. ربنا يوفقك

عشان كده من الافضل اننا منشغلش الفوجات كتير
ربنا يسهل ونوصل لحل

[MohammedAladel]

فعلاً علبة 2007 مختلفة .... وفيشها مختلفة

بس أنا عايز أعرف ليه الفيش غالية بالشكل دا يعنى فيشة حساس الكرنك ب 50 جنيه وبتوصل ل 100 جنيه عند بعض الناس

بس أنا عمرى ما واجهتنى مشكلة بسبب الفيش أو من علبة الفيوزات بتاع ال 2007

[Super_Star_h]

فعلاً علبة 2007 مختلفة .... وفيشها مختلفة

بس أنا عايز أعرف ليه الفيش غالية بالشكل دا يعنى فيشة حساس الكرنك ب 50 جنيه وبتوصل ل 100 جنيه عند بعض الناس

بس أنا عمرى ما واجهتنى مشكلة بسبب الفيش أو من علبة الفيوزات بتاع ال 2007

وهو حساس الكرنك نفسه بكام ؟
تجار بتستهبل بس عايز اللى يرخم عليهم فى الفصال
فى 2007 اكيد عدلو كتير من المشاكل بتاعة 2006 و 2005

[hishamhamdy]

وهو حساس الكرنك نفسه بكام ؟
تجار بتستهبل بس عايز اللى يرخم عليهم فى الفصال
فى 2007 اكيد عدلو كتير من المشاكل بتاعة 2006 و 2005

حساس الكرنك الفرنساوي الأصلي ب 300 جنيه ومعاه الفيشه اللبني بالسلك...
انا كنت محتاج الفيشه بالسلك بس والراجل مكنش عنده غير الأصلي فأداني الفيشة اللبني والسلك من غير الحساس نفسه ب 140 جنيه... وقالي ان فيه صيني ب 60 جنيه بس مكنش عنده

[MohammedAladel]

الفيشة دى متساويش أكتر من 10 جنيه

والفيشة اللبنى تركى ... وب 50 جنيه وفيه ناس بتبيعها ب 100 جنيه

والحساس شفت منه ب 75 جنيه لحد 300 جنيه

ياريت توصفلى الحساس الأصلى اللى اشتريته

اشتريته فى علبة ولا فى كيس ؟ ومكتوب عليه إيه ؟ وفيشته لونها إيه ؟

أنا اشتريته بفيشته ب 175 جنيه .... ومكتوب عليه siemens وللعلم الفيشة مش بتيجى مع الحساس بتتباع لوحدها اشتريت الفيشة اللبنى ب 50 جنيه وكنت مستغليها جداً