علو الار بي ام

[ahmed mahgoub]

السلام عليكم
انا معايا فلوانس 2014 واستلمت يوم 2 ابريل 2014 من معرض اباظه

من ساعة لما استلمت العربية وانا ملاحظ ان الار بي ام بيعلى لما ارجع من مشوار طويل مثلا من 750 لي 1000 او 1100 مع حدوث رجة بسبطة جدا في العربية وبتظهر كمان رجة بسيطة في الجاكمان.

كلمت التوكيل وقولتلو على موضوع علو الاربي ام قالي عشان المروحة بتستغل.

بس انا لاحظت ان الموضوع بيحصل برضو حتى لو مروحة التبربد ماشتغلتش

في ناس قالولي ان ده حصل معاهم وكان مشكلة في الانجيكشن
حد ظهر عنده الموضوع ده او يعرف اي معلومة او نصيحة

[Dr__Ahmed]

قالي عشان المروحة بتشتغل.

ليه ,,, شارى عربيه نقل !!

خليهم يكشفوا عليها فى التوكيل ده حقك
يكمن تطلع عايزه soft update زى ال301 ؟؟

[Honda_lover]

احتمال يكون عندك مشكلة في حساس ال TPS هو المسئول عن ضبط ال RPm

[Dr.a.osman]

نفس المشكلة اللي كانت عندى!
للأسف الشديد التوكيل معندوش معلومة صحيحة و مؤكده عن الموضوع ده ﻷن الموتور ده جديد بالنسبة لهم. أنا شخصيا شوفت ان ده عيب في العربية اللى كانت معايا و لما العربية راحتلهم قالو الكمبيوتر مش مدى أعطال و العربية زى الفل و ده بيحصل بس عشان العربية لسه جديدة و ما اتطبعتش على اسلوب سواقتى ( على أساس انى شارى جزمة جديدة مش عربية) و ده كلام ما يدخلش الدماغ نهائى ﻷن أكيد الخواجة اللى صمم الموتور مش عامله بحيث ال rpm يقعد يلعب طالع نازل و العربية واقفة فى ال P و يخلى العربية كلها تترج و صوتها يبقى عامل زى الكراكة.!!!! المهم بعد كده أنا جربت أكتر من فيس ليفت و الحقيقة الموضوع ده لاحظته فى بعضهم بس الأغلبية ما لاحظتش كده فيهم. روح شوف هايقولولك ايه و ربنا يوفقك.

[yasser100]

اعتقد و الله اعلم انه ممكن يكون تظبيط كهربا او هوا الموتور , هيه فعلا المشكله انهم لسه فى التوكيل تايهين فى العربيه الفلوينس الفيس ليفت بسبب الموتور الجديد و الفتيس و بعض انظمة الكهربا و الباور الجديد و ده مخليهم مقللين الدعايه عنها شويه علشان خايفين و يحصل معاهم اللى حصل فى الجيتا و الباسات

[ahmed mahgoub]

ليه ,,, شارى عربيه نقل !!

خليهم يكشفوا عليها فى التوكيل ده حقك
يكمن تطلع عايزه soft update زى ال301 ؟؟

انشاء الله لما ارجع من الاجازة هاروح التوكيل

[ahmed mahgoub]

احتمال يكون عندك مشكلة في حساس ال tps هو المسئول عن ضبط ال rpm

ممكن
لما اروح التوكيل هاشوف كدا

[ahmed mahgoub]

نفس المشكلة اللي كانت عندى!
للأسف الشديد التوكيل معندوش معلومة صحيحة و مؤكده عن الموضوع ده ﻷن الموتور ده جديد بالنسبة لهم. أنا شخصيا شوفت ان ده عيب في العربية اللى كانت معايا و لما العربية راحتلهم قالو الكمبيوتر مش مدى أعطال و العربية زى الفل و ده بيحصل بس عشان العربية لسه جديدة و ما اتطبعتش على اسلوب سواقتى ( على أساس انى شارى جزمة جديدة مش عربية) و ده كلام ما يدخلش الدماغ نهائى ﻷن أكيد الخواجة اللى صمم الموتور مش عامله بحيث ال rpm يقعد يلعب طالع نازل و العربية واقفة فى ال p و يخلى العربية كلها تترج و صوتها يبقى عامل زى الكراكة.!!!! المهم بعد كده أنا جربت أكتر من فيس ليفت و الحقيقة الموضوع ده لاحظته فى بعضهم بس الأغلبية ما لاحظتش كده فيهم. روح شوف هايقولولك ايه و ربنا يوفقك.

انا كنت متابع موضوعك كويس
كويس انك خلصت من البراند ده
الا صحيح حضرتك اشتريت ايه؟!

[ahmed mahgoub]

اعتقد و الله اعلم انه ممكن يكون تظبيط كهربا او هوا الموتور , هيه فعلا المشكله انهم لسه فى التوكيل تايهين فى العربيه الفلوينس الفيس ليفت بسبب الموتور الجديد و الفتيس و بعض انظمة الكهربا و الباور الجديد و ده مخليهم مقللين الدعايه عنها شويه علشان خايفين و يحصل معاهم اللى حصل فى الجيتا و الباسات

هو تقريبا عيب في دايرة الانجيكشن
انشاء الله لما هارجع من الشغل بعد اسبوعين هاروح التوكيل

[tameraid]

ياترى المشكله اتحلت ولا لسه والعربيه عامله ايه دلوقتي معاك ... ياريت تطمنا عملت ايه مع التوكيل من ساعتها ..... عشان نقرر بس المشكله دة ليها حل ولا لا وتفيد ناس تانيه كتيير في اختيار العربيه الي هيشتريها

شكرااااااااا