ايه اخبار ثبات الفلوانس .. !!

[J A G U A R]

ازيكم يا وحوش رينو عاملين ايه ..

عندى واحد صاحبى عزيز عليا كان عايز يستفسر عن ثبات الفلوانس طبعا معروف ان الفلوانس تورشن بيم
والمطلوب الاتى ..

1 - ثابته لغايه سرعه كام وبتعوم من سرعه كام ولا مبتعومش وفى الملفات بردو وياريت الكلام يكون عن تجربه او كلام اكيد .. ؟

2 - لو دخلنا معاها السوبارو والكروز والاوبترا .. هل هيا هاتكون اثبت منهم او فى الوسط او فى الاخر ؟

بس كده
وشكرا مقدما .

[Merooxx]

السوبارو لا يعلي عليه في الثبات ابدا ابدا

[K.Ossama]

السوبارو أثبت بفرق ملحوظ

[ramymechanics]

الفلوانس ثابتة جدا انا كنت بمشى على طريق الغردقة مثبت السرعة على 160 وبسيب الدركسيون و أدور على حاجة فالتابلوه

فى الملفات لحد 120 كانت كويسة معايا لو ملف عاصى اوى هتعوم من ورا شوية لكن الكلام دة لو الملف شديد وسرعتك عالية

بالنسبة للمقارنة بالعربيات التانية مركبتهمش بصراحة لكن راعى بردو ان يمكن تكون الفلوانس اعلى واحدة فيهم لكن هى فعلا ثابتة جدا والباور بتاعها مش طبيعى و مريح بطريقة فظيعة

[miceg]

أخونا الكريم
طبعا المقارنة مع السوبارو ظالمة
لان السوبارو مالتي لينك+ESP وواقعيا هي أثبت من الفلوانس
الفلوانس بسوق بيها وانا مسافر الصعيد 180:200
الباور تقيل بشكل غير عادي ووبتقدر تهندل مناوراتك وانت سايق
باخد بيها غورز وانا على 160 بس طبعا مش مقفوله اوووي
لو هنقول غورز مقفوله يبقا بنتكلم ف 130-140 مثلا
في مسألة الثبات في الحارة المروروية جبارة بشكل غير عادي
دخلت بين عربية فوشي ورصيف عالشمال وكنت ساعتها على سرعه 200
وخوفت اخد غورزة وانا عالسرعه دي
فكلبشت فرامل ودخلت شمال بقوة بين العربية والرصيف فمسافة اد العربية
والعربية معومتش ولا انحرفت عن المسار ولا اتهزت اعتقد ان ساعتها السرعه تكون وصلت ل 160
وده يرجع لكبر ال Wheelbase
من الاخر هي صفقة رابحة بالرغم من عدم نزولها مصر بال ESP

[yasser100]

ازيكم يا وحوش رينو عاملين ايه ..

عندى واحد صاحبى عزيز عليا كان عايز يستفسر عن ثبات الفلوانس طبعا معروف ان الفلوانس تورشن بيم
والمطلوب الاتى ..

1 - ثابته لغايه سرعه كام وبتعوم من سرعه كام ولا مبتعومش وفى الملفات بردو وياريت الكلام يكون عن تجربه او كلام اكيد .. ؟

2 - لو دخلنا معاها السوبارو والكروز والاوبترا .. هل هيا هاتكون اثبت منهم او فى الوسط او فى الاخر ؟

بس كده
وشكرا مقدما .

بص انا كان معايا الاوبترا , عربيه ثابته طبعا و شاسيه قوى , كنت باسوق بها 180 و لزقه فى الارض بس هيه فى الملفات مش قوى بسبب صاجها الضعيف و الهاندلينج بتاع الباور مش قوى , موضوع الثبات مش مؤثر فيه التورشن بيم او المالتى لينك بدرجه كبيره المهم تصميمها , يعنى عندك الجولف تورشن بيم و طوبه فى الثبات و عندك الاوكتافيا A7 الجديده تورشن بيم برضه .
العفشه فى الفلوينس flexible beam مع تقليل ال body roll بتاعها و طول العربيه و قاعدة العجلات فعلا العربيه ثابته ممكن يكون فيه تعويم خلفى ضعيف على السرعات العاليه فى الملفات بسبب انه العربيه طويله

[yasser100]

الفلوانس ثابتة جدا انا كنت بمشى على طريق الغردقة مثبت السرعة على 160 وبسيب الدركسيون و أدور على حاجة فالتابلوه



هى فعلا ثابتة جدا والباور بتاعها مش طبيعى و مريح بطريقة فظيعة

بالنسبه للباور بتاع الفلوينس اللى الناس مندهشه منه و انا واحد منهم , ده راجع للتكنولوجيا المتقدمه جدا اللى استخدمتها رينو فى الفلوينس و فى الفيس ليفت بالاخص و لسه ما فيش شركه تانيه استخدمته وده خلانى عندى فضول ابحث و اقرا عنه لانه فعلا غريب و هو كالاتى :

1- استخدام سينسور لقراية عزم الدوران و ده اعلى و اسرع اربع مرات من السينسور البصرى اللى كان بيستخدم قبل كده و مازال يستخدم فى العربيات من الشركات التانيه

2- زيادة حساسية و حدة تحكم الباور من 420HZ فى الميجان ii على سبيل المثال , و ده فى معظم العربيات التانيه برضه على فكره, ل 1000HZ فى الفلوينس الفيس ليفت

3- النطاق الترددى لمحرك السرفو بتاع الباور 300HZ فى الفلوينس بالنسبه للميجان70HZ ii يعنى اده اربع مرات

و ده بيدى دقه فى التوجيه و سرعه للاستجابه فى رد الفعل بالنسبه للحدث اللى بيحصل فى حالات الطوارىء اثناء القياده و يديلك احساس تانى بالاستخدام الطبيعى بمعنى انه لو حصل حاجه فجأه ادامك مش بتحتاج تحارب بالدريكسيون علشان تتفاداها بتحركه يمين و شمال عادى كانك فى سواقتك العاديه و فى نفس الوقت سرعة تفادى الحدث و دقة التوجيه

[ramymechanics]

بالنسبه للباور بتاع الفلوينس اللى الناس مندهشه منه و انا واحد منهم , ده راجع للتكنولوجيا المتقدمه جدا اللى استخدمتها رينو فى الفلوينس و فى الفيس ليفت بالاخص و لسه ما فيش شركه تانيه استخدمته وده خلانى عندى فضول ابحث و اقرا عنه لانه فعلا غريب و هو كالاتى :

1- استخدام سينسور لقراية عزم الدوران و ده اعلى و اسرع اربع مرات من السينسور البصرى اللى كان بيستخدم قبل كده و مازال يستخدم فى العربيات من الشركات التانيه

2- زيادة حساسية و حدة تحكم الباور من 420hz فى الميجان ii على سبيل المثال , و ده فى معظم العربيات التانيه برضه على فكره, ل 1000hz فى الفلوينس الفيس ليفت

3- النطاق الترددى لمحرك السرفو بتاع الباور 300hz فى الفلوينس بالنسبه للميجان70hz ii يعنى اده اربع مرات

و ده بيدى دقه فى التوجيه و سرعه للاستجابه فى رد الفعل بالنسبه للحدث اللى بيحصل فى حالات الطوارىء اثناء القياده و يديلك احساس تانى بالاستخدام الطبيعى بمعنى انه لو حصل حاجه فجأه ادامك مش بتحتاج تحارب بالدريكسيون علشان تتفاداها بتحركه يمين و شمال عادى كانك فى سواقتك العاديه و فى نفس الوقت سرعة تفادى الحدث و دقة التوجيه

فعلا الباور غريب اوى خفيف جدا وانت واقف واول ما تعدى الستين تلاقى كأنه مكلبش ومش عاوز يتحرك و اول ما تيجى تعمل بيه مناورة تلاقيه بقا خفيف ازاى متفهمش

[J A G U A R]

انا متشكر جدا يا جماعه ربنا يخليكو

[yasser100]

فعلا الباور غريب اوى خفيف جدا وانت واقف واول ما تعدى الستين تلاقى كأنه مكلبش ومش عاوز يتحرك و اول ما تيجى تعمل بيه مناورة تلاقيه بقا خفيف ازاى متفهمش

علشان سينسور العزم الجديد اللى راكب اللى بيحس انت بتعمل ايه و عايز ايه و سرعة العربيه اد ايه و قوة لفة ايدك عامله ازاى . يعنى لما بتلف الدريكسيون بقوه و فجأه هو بيفهم انه فيه موقف طارئ و انت بتاخد اجراء فجائي فبيبدأ يساعدك و يقدم اللى عنده و الدريكسيون عزمه ما يهربش منك فى الملفات و بيديلك ثقه . غير باقى انواع العربيات التانيه اللى لسه بتستخدم السينسور البصرى الل بيعتمد على سرعة العربيه بس

[yasser100]

انا متشكر جدا يا جماعه ربنا يخليكو

نتمنى نكون افدناك على اد ما بنقدر و بالمعلومات المتوفره عندنا . هو الموديل لسه جديد و بالتالى كل واحد لسه بيجتهد باللى بيتوفر له . بس هيه فى الاجمالى حتى الان 8.5/10 يعنىجيد جدا و قد تصل لممتاز الفتره الجايه مع التجارب الاكتر

[ahmzd]

نتمنى نكون افدناك على اد ما بنقدر و بالمعلومات المتوفره عندنا . هو الموديل لسه جديد و بالتالى كل واحد لسه بيجتهد باللى بيتوفر له . بس هيه فى الاجمالى حتى الان 8.5/10 يعنىجيد جدا و قد تصل لممتاز الفتره الجايه مع التجارب الاكتر

على فكرة ال 8.5 / 10 أول الممتاز مش الجيد جدا.