اغير لزيت ايه؟

[SoFiMaN]

السلام علييكم

اخيرا باذن الله فاضلي 1000 كيلو و اروح اعمل الصيانة 10000كم

طبعا دي حاجة مفرحاني لأن صوت الموتور عندي بقى عالي جداااا عن اول 5000 لدرجة يدوب اول ما بعدى ال2 ار بي ام كأني بظبط على 4

و انا مش مقتنع بتوتال من زمان.. ايه رايكم في كاسترول ايدج ؟
انا مش عايز اجيب ليكوي مولي لأن سمعت ناس كتير اتغشوا فيه بصراحة بسبب المضروب منه رغم انهم جايبينه من الموزع نفسه.

[MohammedAladel]

كاسترول كويس جدا وانا استعملته وجربت شل والاتنين كويسين

[miceg]

أحب أقولك
ان التوكيل رفض يغير زيت خارجي الا زيت توتال
وواحد كان جايب زيت ليكوي مولي
التوكيل بعد ماغيرهوله فضوه مرة تانية واداهولو فنفس الجيركن
والحكاية دي حصلت في فرع العبور
انا غيرته قبل مالموضوع ده يحصل
وغيرت ليكوي مولي هاي تك 5w40
وده ريكومبيندد من ليكوي مولي ألمانيا
وبصراحه ادائه رهيب والعربية سحبها أحلى بكثير وصوت الماكينة ناعم جداااااا
انا غيرته عند ال 5600
وفعلا زيت توتال من أسوء الزيوت اللي ممكن تستخدمها

[the lawyer]

ليكوي مولي او فالفولين

[miceg]

سوري الحالة حصلت ف أبو رواش مش العبور انا كنت مهيس لما كتبت العبو ر

[ahmedelfeky]

Sofiman الغالي زميل الكفاح في الباركنج سنسور بص ياغالي اليك الاتي

1-أنا حطيت كاسترول ايدج عند 10000 اول غيار زيت وحاليا العربيه عامله 18 الف كم وماشاء الله صوت الموتور هسسس
معني كده الزيت لسه محتفظ بلزوجته لغايه دلوقتي...
2-معدل البخر 0.5 ل 0.6 لتر في ال 8000 كم دول مع العلم اني سواقتي متوسطه لابحرق كتير ولا بمشي هادي علي طول
3-اشتريته من بنزينه طاقه علي طريق اسكندريه الزراعي 4 لتر ب 280 جنيه + 1 لتر ب 65 جنيه والعربيه بتاخد 4.3 لتر اكتر من كده غلط ع الموتور لان مقاس الزيت هيعدي ال Max ع االمقاس العادي.
4-بالنسبه لموضوع التوكيل انا معنديش استعداد احط زيت توتال ولو اضطريت امضي او يطلعوا الموتور بره الضمان مش فارقه معايا لكن مش حطط الزيت بتاعهم تحت اي ظرف.
5-الاختيار التاني بعد كاسترول ايدج ليكوي مولي هاي تيك

تحياتي

[solly1979]

أحب أقولك
ان التوكيل رفض يغير زيت خارجي الا زيت توتال
وواحد كان جايب زيت ليكوي مولي
التوكيل بعد ماغيرهوله فضوه مرة تانية واداهولو فنفس الجيركن
والحكاية دي حصلت في فرع العبور
انا غيرته قبل مالموضوع ده يحصل
وغيرت ليكوي مولي هاي تك 5w40
وده ريكومبيندد من ليكوي مولي ألمانيا
وبصراحه ادائه رهيب والعربية سحبها أحلى بكثير وصوت الماكينة ناعم جداااااا
انا غيرته عند ال 5600
وفعلا زيت توتال من أسوء الزيوت اللي ممكن تستخدمها

باشا هو حضرتك بتجيب اليكوى مولى من أين
كنت بجيبه من شارع دمشق وبعدين التوكيل الى كان هناك غير لزيت تانى وبعدين زيت تالت
وقالى بطل يزل مصر وغلى جدا
انا كنت بستعمل هاى تك ال 5 لتر كنت بجيبه ب 290 ساعتها وبصراحه كنت مستريح عليه جدا سنتين كاملين
ياريت حد قريب من مدينة نصر ؟

[gebreel]

انا بفكر في كاسترول فعلا بس مقلق ززز الكاسترول ال5 لتر بكام تقريبا ال 5w40

[solly1979]

انا بفكر في كاسترول فعلا بس مقلق ززز الكاسترول ال5 لتر بكام تقريبا ال 5w40

مافيش كاسترول 5 لتر
بتجيب 4 ب 300 ولتر لوحدة ب 83 دة اخر سعر سألت عليه فى بنزينة طاقه الى فى الهرم