السؤال الحقيقي للخبراء

[moutaz badawy]

السلام عليكم و رحمة الله
عندي عيب , و الميكانيكي قاللي ده عايز كهربائي, و لما رحت للكهربائي قاللي ده عايز حد تاني و مش عايز كهربائي.
العيب هو (طرمبة البنزين)
مؤشر عداد البنزين مش بيقرأ العوامه
المؤشر بيعلى للآخر لما أفول العربيه, و لما البنزين يقل, المؤشر بينزل اشاره واحده بس حتى لما التانك بيكون فاضي.
نفس العيب موجود لما جربنا طرمبه تانيه جديده.هو هواه نفس العيب.
العربيه ميجان 2005. و انا في المنصوره.
أعمل ايه ؟؟؟ أفيدوني.

[moutaz badawy]

سؤال صعب و لا ايه؟؟؟ مفيش حد؟!

ايه يا جماعه ..
مفيش حد من الرجاله قال رأيه في الموضوع ده ليه!!!!!

[FAR!D]

لو طلمبه بنزين يبقى كهربائي
ولو غيرت الطلمبه و نفس العيب استمر يبقى محتاج كهربائي عشان يبوص على العداد جوا الطابلوه

[moutaz badawy]

لو طلمبه بنزين يبقى كهربائي
ولو غيرت الطلمبه و نفس العيب استمر يبقى محتاج كهربائي عشان يبوص على العداد جوا الطابلوه

استاذ فريد... شكرا ليك
بس انا كنت عند ميكانيكي و غيرنا الطلمبه و فضل العيب , و قاللي عايزه كهربائي
رحت لكهربائي و بعد الفحص قاللي (العيب ده مش تبعي)
ايه هو بأه العيب
لما بتفول التانك ,,العداد بيطلع لفووووق لغاية اشارة الفول تانك
لما البنزين بينقص,,, العداد بينزل شرطه واحده بس, حتى لو التانك فضي كلله
لما بعمل test mode ,,مؤشر البنزين في العداد بيشتغل عادي جدا لفوووووق و كمان لتحت

[FAR!D]

طيب انا حجاوبك على حد معرفتي
انت لما عملت التست مود و تمام يبقى العداد شغال كويس
ولما غيرت الطلمبه غيرتها جديده و لا استيراد؟
جربت ترفع الريشه في الطلمبه بيدك و تبص على العداد؟

[Hany Saad]

عوامة بنزين

[moutaz badawy]

طيب انا حجاوبك على حد معرفتي
انت لما عملت التست مود و تمام يبقى العداد شغال كويس
ولما غيرت الطلمبه غيرتها جديده و لا استيراد؟
جربت ترفع الريشه في الطلمبه بيدك و تبص على العداد؟

بص يا باشا
لما غيرنا الطلمبه فكيناها من عربيه ميجان كانت واقفه عند الميكانيكي (و كانت شغاله في عربيتها)
اما بالنسبه للسؤال الأخير فأحب اقوللك اننا رفعنا الريشه مانيوال+ بصينا على السلوك جايز راكبين غلط(اربع سلوك) + غيرنا ترتيبهم و رجعناهم تاني و لسسه العيب هو هواه

[moutaz badawy]

عوامة بنزين

يا استاذ هاني بنقول
غيرنا الطلمبه كللها على بعضها و جيبنا واحده تانيه ( و نفس العيب)
قلنا يمكن من السلوك(اربع سلوك) شفناهم كويس و قلنا يمكن متركبين غلط (ركبناهم زاي عربيه تانيه واقفه) و لسسه العيب موجود

[FAR!D]

فأحب اقوللك اننا رفعنا الريشه مانيوال

ولما عملت كده العداد رفع و نزل عادي ولا ايه؟

طيب عايز انت كده كهربائي بافوميتر و يراجع على الاسلاك من الطلمبه للعداد و يتأكد انهم شغالين

[moutaz badawy]

ولما عملت كده العداد رفع و نزل عادي ولا ايه؟

طيب عايز انت كده كهربائي بافوميتر و يراجع على الاسلاك من الطلمبه للعداد و يتأكد انهم شغالين

و الله يا استاذ فريد. انا متشكر جدا جدا بجد على انك بتفكر معايه و بتحاول تجاوبني صح.
بيتهيألي كده انت جبت من الآخر .لازم أفوميتر
لأن كده الوضع اللي الطرمبه بتكون عليه المؤشر مش بيترجمه خالص
بس الغريب ليع لما التانك بيتفول... المؤشر بيطلع لفوووووق
؟؟؟؟؟؟؟؟؟؟؟؟؟!!!!!

[تامر.محمد]

مش هاقدر افيدك الصراحة اكتر من اللي اتقال
الاضافة الوحيدة اللي اقدر اضيفها ان ده بيحصل لما تفول و العربية دايرة

[FAR!D]

مش هاقدر افيدك الصراحة اكتر من اللي اتقال
الاضافة الوحيدة اللي اقدر اضيفها ان ده بيحصل لما تفول و العربية دايرة

ايوا ليه باه؟؟
نفسي اعرف
عربيات كتير كده و منهم البي ام و الدايو

[أسامه الحسيني]

انت لما بتبطل العربيه المؤشر بينزل ولا بيفضل رافع - لانه لو بيفضل رافع يبقي المؤشر معلق يمكن فية شوية وساخه ولا حاجة لكن لو بينزل يبقي المشكله في اشارة الكهربا الى رايحه للعداد
وممكن تجرب تفك فيشة الطلمبة وتشوف المؤشر هيرفع ولا لاء لانه لو رفع يبقي فيه ماس كهرباء ما بين الاطراف الى رايحه للمؤشر واى طرف كهربائي تاني ودا الى مخليه علي طول رافع
وربنا يكرمك فى تصليحها

[wella3330]

هقول لحضرتك علي حاجة حصلت في عربية سويفت .

نفس الاعراض و رحنا لخالد كوستا و خد اللي فيه النصيب و ركبنا و برضه نفس العيب و حاولنا تاني و تالت من الميكانيكي لكوستا !!

لحد لما يأسنا و كنا عند الميكانيكي اللي فك التانك و اذ بالمفاجاه طلع ان في زي بيت صاج جوا التانك المفروض العوامة بتكون جواه , الصاج صدا و خرج من مكانه و بالتالي كان مشوار العوامه مش كامل.

بمجرد اننا شلنا الصاجه كله رجع تمام , اتمني اكون افتدك

تحياتي

[ramymechanics]

انا عاوز افهم حاجة و اعذرونى لجهلى ايه علاقة طرمبة البنزين بمؤشر البنزين ؟؟
مؤشر البنزين بياخد اشارة من عوامة البنزين اللى فالتانك كل ما تتحرك المؤشر يتحرك إذن العيب عند حضرتك المفروض مصدره حاجة من 3 ملهمش رابع اما العوامة نفسها معلقة مش بتنزل مشوارها .. أو المؤشر نفسه معلق وفى حاجة حايشاه انه ينزل لتحت او التوصيلات بين الاتنين

لكن موضوع الطرمبة دة مش متخيل ان يكون العيب منها الا لو بقا تكنولوجيا تانية غير العربيات العادية