اعراض تلف قاعدة الفتيس !

[Super_Star_h]

كانت عندى رجه كده فى العربيه على الواقف فقط
وخاصه لما اجيب عصاية الفتيس على D او على R
وبتبقى خفيفه على N و الـ P
وكانت فيه خبطه ملحوظه كده وانا قارص على الغيار الاول وبتهبد فى التانى
المهم شكيت فى القواعد لاقيت اللى فوق سليم
بصيت على قاعدة الفتيس اللى تحت البطاريه لاقيت منظرها يدل على انها متفرتكه
نزلت اسأل على القاعده عند كذا واحد لاقيتها بنفس السعر 150 جنيه تركى
اشتريتها وتوكلت على الله وروحت اغيرها عند الميكانيكى
لانى مش هعرف اركبها بنفسى معنديش عده ولازم الجيربوكس يترفع من تحت عشان يعرف يحل القديمه ويركب الجديده
وتم التركيب
النتيجه اول ما دورت العربيه واديتها غيار لاقيت برضو فيه رجه
مشيت بيها شويه وقرصت على العربيه على طريق طويل
بعدها لاقيت الدنيا زي الفل والرجه اختفت الحمد لله
الظاهر انها كانت محتاجه تاخد راحتها الاول
ودى القاعده القديمه

[sakr_skoda]

مبروك

[MohammedAladel]

مبروك

[تامر.محمد]

الف مبروك
و كنت بتحس ان العربية صوتها عالي و سحبها تقيل كأنك جارر حاجة وراك , صح ؟

[MohammedAladel]

الف مبروك
و كنت بتحس ان العربية صوتها عالي و سحبها تقيل كأنك جارر حاجة وراك , صح ؟

طبعاً القاعدة بتتعرف من شكلها بتبقى متقطعة خالص لما بتبقى بايظة

ولكن لا تؤثر على السحب إطلاقا بتعمل خبطة مع النقلات ونفس الكلام شداد الفتيس أو الموتور السفلى

[Super_Star_h]

طبعاً القاعدة بتتعرف من شكلها بتبقى متقطعة خالص لما بتبقى بايظة

ولكن لا تؤثر على السحب إطلاقا بتعمل خبطة مع النقلات ونفس الكلام شداد الفتيس أو الموتور السفلى

الله يبارك فيكم يا رجاله
هى كان شكلها متقطع فعلآ وحته منها كانت مقطوعه وطالعه لبرا
كانت متركبه بنفس منظر الصوره الاخيره كده
وقولت اكيد هى دى اللى عامله القلق
والحمد لله العربيه ضبطت معايا بس اعتقد زي ما قولت مالهاش علاقه بالسحب
هى النقلات بقت افضل ومافيش خبط فيها
وكذلك الرجه اختفت
وقريب ان شاء الله هغير الشداد اللى تحت اكيد بقى مدمر هو كمان
اعتقد القواعد دى باظت بسبب المكنه القديمه اللى كانت مبهدله العربيه

[MohammedAladel]

القواعد باظت لأن ليها عمر افتراضى لا أكتر ولا أقل

[Hany Saad]

الف مبروك تغيير القاعدة بواحدة جديدة و دى بتمسك العربية و ترجع احساس العربية الجديدة تانى
احتمال عالى جداً انك تكون محتاج تغير باقى طقم القواعد علشان العمر الافتراضى للكاوتش و السخونية اللى بيتعرض لها
نصيحة من اخ بلاش تجيب القواعد اللى فى السوق لان خامتها مش زى الاصلية و عمرها الافتراضى قصير جداً ( مش بيكمل سنة على اقصى تقدير)
هات القواعد الأصلية من التوكيل علشان تريح نفسك من الرجة و الأصوات لفترة طويلة و تحس ان العربية ماسكها نفسها
الف مبروك مرة اخرى
تحياتى

[Super_Star_h]

القواعد باظت لأن ليها عمر افتراضى لا أكتر ولا أقل

يا باشا المكنه كانت عندى مخبطه وبتترج جامد كأنها بضبط قاطعه كويل
والرجه المستمره دى بتأثر على القواعد
ده غير الزيت اللى كان مبهدلى الحوض كله

[Super_Star_h]

الف مبروك تغيير القاعدة بواحدة جديدة و دى بتمسك العربية و ترجع احساس العربية الجديدة تانى
احتمال عالى جداً انك تكون محتاج تغير باقى طقم القواعد علشان العمر الافتراضى للكاوتش و السخونية اللى بيتعرض لها
نصيحة من اخ بلاش تجيب القواعد اللى فى السوق لان خامتها مش زى الاصلية و عمرها الافتراضى قصير جداً ( مش بيكمل سنة على اقصى تقدير)
هات القواعد الأصلية من التوكيل علشان تريح نفسك من الرجة و الأصوات لفترة طويلة و تحس ان العربية ماسكها نفسها
الف مبروك مرة اخرى
تحياتى

الله يبارك فيك
فعلآ العربيه بقت افضل وحسيت بالفرق فعلآ
وانا ناوى اغير القواعد كلها وان شاء الله هجيب افضل حاجه
وقريب هبقى اسأل فى التوكيل عن اسعارهم
شكرآ ليك