برجاء المساعدة للأهمية القصوي

[yalahwy2010]

انجدوني يا شباب
انا معايا فلوانس 2011 ... والمدام العربية حكت منها فوق بلاعة.... بس بلاعة محترمة.... الحمد لله علي كل شئ ..... الفبرة الامامية للكاوتش الامامي فكت ووقعت....والطارة اتعوجت ....والعربية بقت بتعوم جدا بالذات في السرعة العالية.... لكن في السرعات العادية مش مظبوطة خالص......المهم رحت التوكيل ......ورفعوا العربية وابتدوا يظبطوني.....قبل ما تترفع حطوها علي جهاز ضبط الزوايا ولقوها مرحلة من قدام ومن ورا..... قالولي اغير المقص الشمال..... اللي هو اتحك فيه..... ومساعد شمال..... ودنجل حلفي اللي تمنه 13000 جنيه....طبعا انا حسيت انهم بيستعبطوا..... قولت للمهندس اناوعايز اشوف الحاجة اللي مخبوطة.....اللي لقيته مرحل من مكانه المقص.....فا قولت اغير المقص.....المساعد مافيهوش حاجة.....ماغيرتوش......الدنجل اللي ورا مخبوط....بس قالولي انها خبطة قديمة .....وهرفعلكوا صورته......المهم العربية حطوها علي جهاز الزوايا بعد تغيير المقص الحمد لله ظبطت من قدام......لكن ورا لسة مش مظبوطة.....فا تفتكروا اعمل ايه.....ياريت حد يفيدني فالموضوع ده عشان انا مش مطمن خالص....مه العلم ان العربية التعويمة هديت شوية بس مازالت موجودة

[yalahwy2010]

[yalahwy2010]

a href="http://www.freeimagehosting.net/"><img src="http://i.imgur.com/qlF

[yalahwy2010]

<a href="http://www.freeimagehosting.net/"><img src="http://i.imgur.com/qlFoejh.jpg" alt="Free Image Hosting

[yalahwy2010]

مش عارف ارفع صورة الدنجل :(

[Hany Saad]

أطلع على حد محترف زوايا تكون واثق فيه....وحوش القاهرة أكيد هيفيدوا
أتأكد أن المساعد الشمال مش ملووح....
أتأكد أن مفيش بوش فى عامود الدريكسيون/ الأسكترا علشان دول أكتر حاجة بيأثروا فى التعويم
راجع أن الجنط متأذاش و رصص للضمان

و بعدين أبتدى بص على العفشة ورا زى الدنجل و كده و لكنه الأحتمال الأضعف

تحياتى

[ENG.MaRk]

مبدئيا ما تمشيش علي سرعة عالية و انت عارف ان العربية فيها حاجة مش متظبطة

[Ahmed Selim]

ألف سلامة علي المدام و فداها العربية

زي ما هاني بك قالك.....شوف حد بتاع زوايا محترف يقولك أيه اللى قاري غلط و خلي بعديه حد يكون فاهم عفشة كويس هو اللى يشتغل فيها.......أنصحك لو فى منطقة النزهة الجديدة بورشة كار بويز عند المهندس سعيد......و لو فى ناحية الهرم.....روح لطارق.

[yalahwy2010]

أطلع على حد محترف زوايا تكون واثق فيه....وحوش القاهرة أكيد هيفيدوا
أتأكد أن المساعد الشمال مش ملووح....
أتأكد أن مفيش بوش فى عامود الدريكسيون/ الأسكترا علشان دول أكتر حاجة بيأثروا فى التعويم
راجع أن الجنط متأذاش و رصص للضمان

و بعدين أبتدى بص على العفشة ورا زى الدنجل و كده و لكنه الأحتمال الأضعف

تحياتى

تسلم يا هاني باشا علي المعلومات القيمة دي....
وانا في التوكيل قالولي ان المساعد يتغير.... فا لما قولتلهم ليه.... قالولي جهاز ظبط الزوايا مسمع في الناحية الشمال ( مكان الحكة ) ومطلع لون احمر..... فا قلتلهم هل المساعد باين فيه اي اعوجاج... قالولي دي حاجة ماتبانش..... المهم اتفقت معاهم انهم يغيرولي المقص وبعدين نحط العربية علي جهاز ظبط الزوايا تاني.... والحمد لله القراية اخضرت..... وفضل الجزء الخلفي باللون الاحمر.....ولو كان الجزء الامامي لسة احمر كانوا عايزيت يغيرولي مربع شاسية تمنه 4300 جنيه.... وطبعا انا رفضت تماما..... بس كدة
طيب دلوقتي انا عندي واحد في الزقازيق معروف انه كويس جدا في ظبط الزوايا..... بس ماعنديش حد بتاع عفشة كويس..... هل لازم الاتنين يكونوا جنب بعض..... ؟ ولو كدة تنصحني اعملها عند مين في القاهرة
تاعبك معايا معلش

[yalahwy2010]

ألف سلامة علي المدام و فداها العربية

زي ما هاني بك قالك.....شوف حد بتاع زوايا محترف يقولك أيه اللى قاري غلط و خلي بعديه حد يكون فاهم عفشة كويس هو اللى يشتغل فيها.......أنصحك لو فى منطقة النزهة الجديدة بورشة كار بويز عند المهندس سعيد......و لو فى ناحية الهرم.....روح لطارق.

شكرا يا احمد بك علي سرعة الرد...... انت رأيك ان ورشة كار بويز احسن من فرنش،موتورز والتوكيل..... يعني هم متخصصين في،موضوع الزوايا ده؟؟؟؟

[Ahmed Selim]

شكرا يا احمد بك علي سرعة الرد...... انت رأيك ان ورشة كار بويز احسن من فرنش،موتورز والتوكيل..... يعني هم متخصصين في،موضوع الزوايا ده؟؟؟؟

العفو يا باشا

كار بويز مش ورشة زوايا.......دي ورشة ميكانيكا و المهندس سعيد راجل فاهم كويس ( مهندس بجد مش ميكانيكي)

كنت متعود أعمل شغل العفشة فى الميجان عندهم حتى من قبل ما العربية تطلع من الضمان.

في واحد بتاع زوايا فى الحرفيين كان ممتاز أسمه الأسكندراني..........أمشي مع سور المزرعة و فى أخره يمين و فى أخره يمين تاني هتلاقيه شارع ضيق و مكسر.....فى نص الشارع على الشمال هتلاقي الورشة.

الجهاز اللى عنده قديم بس الراجل الكبير صنايعي 100% لو كان لسه موجود أو أبنه أبراهيم.....الأتنين ممتازين.

[yalahwy2010]

تمام يا احمد باشا..... وسأوافيك بالجديد....ألف شكر يا باشا