ايه رأيكم في العربية الميجان 2005 دي ؟

[emohamedadel]

السلام عليكم

انا ناويت اشتري عربية ميجان 2005 هاتشباك ان شاء الله لان امكانيتها حلوه وشكلها شبابي مع العلم انها اول عربية ليا وكنت محتاج رأيكم في الخطوه دي عشان في ناس كتير بتقلق من الميجان مش عارف ليه

كمان قدامي العربية دي فبريكا برا وجوا وماشيه 140 الف وصاحبها مغيرلها كل حاجة من اول السنسورس لحد المساعدين وطربمة البنزين وبيقولي مش هتلاقي عربية بالحالة دي تاني... معروضه عليا ب 60 الف









"اسف ما اخدتش بالي اني عملت الموضوع في قسم غلط ياريت حد من الأدمين يحذفوا انا نزلته في القسم الصحيح"

[Mamoud salah H]

حاول تدور علي موديل اعلي وعداد اقل يعني تحت100 الف
وحكاية أنه مغيرلها كل حاجة دي تقلق عشان اكيد مش كل القطع هتكون اصلية

وعليىفكرة هو معدلها من قدام لموديل 2007

[تامر.محمد]

هو قال لك انه معدلها من قدام لشكل 2007 ؟

بالنسبة لحالة العربية
شوف معاك حد يكون مالك لميجان2 يبص عليها و يديك رأي مبدأي
لو تمام
يبقى تطلع بيها على التوكيل او على فرينش موتورز تكشف عليها

لو صاحبها ما وافقش على الكشف , ما تاخدهاش

عايز معلومات اكتر عن الميجان كعربية
انصحك بقراءة الموضوع ده

http://www.nilemotors.net/Nile/399181-2.html

و تحت امرك في اي سؤال :)

[Mamoud salah H]

هو قال لك انه معدلها من قدام لشكل 2007 ؟

بالنسبة لحالة العربية
شوف معاك حد يكون مالك لميجان2 يبص عليها و يديك رأي مبدأي
لو تمام
يبقى تطلع بيها على التوكيل او على فرينش موتورز تكشف عليها

لو صاحبها ما وافقش على الكشف , ما تاخدهاش

عايز معلومات اكتر عن الميجان كعربية
انصحك بقراءة الموضوع ده

http://www.nilemotors.net/nile/399181-2.html

و تحت امرك في اي سؤال :)

هو مش المفروض ان الفوانيس اللينس دي كوجودة في الفيس ليفت بتاع 2007 سيدان ولا ايه

[georgedada82]

بص حضرتك اسمع ان 2005 و 2006 فيهم مشاكل هات بعد 2007

[تامر.محمد]

هو مش المفروض ان الفوانيس اللينس دي كوجودة في الفيس ليفت بتاع 2007 سيدان ولا ايه

الفوانيس العدسات بالاكصدام بتاعها , و معاهم اضاءة التابلوه البيضاء و الفانوس الخلفي ابو خطوط بالعرض و حلية الدركسيون الستانلس , اللي هو شكل Phase2 , نزل اواخر 2006


بس عموما اللي عايز يركب اي حاجة من الحاجات دي لعربية phase1 بتركب عادي و العكس صحيح

[Mamoud salah H]

تمام بعني انا كلامي صح ان صاحب العربية معدلها لphase 2 وانا لو بشتري هقلق من النقطة دي كراحة نفسية لازم اكون انا اول واحد معدل في عربيتي

انا بس حبيت اوضح النقطة دي لصاحب الموضوع عشان كل حاجة تبقي واضحة وهو بيتعامل

[تامر.محمد]

تمام بعني انا كلامي صح ان صاحب العربية معدلها لphase 2 وانا لو بشتري هقلق من النقطة دي كراحة نفسية لازم اكون انا اول واحد معدل في عربيتي

انا بس حبيت اوضح النقطة دي لصاحب الموضوع عشان كل حاجة تبقي واضحة وهو بيتعامل

هي مش مقلقة الا لو كان ده نتيجة لأن الاكصدام الامامي الاصلي بتاعها اتدمر بسبب حادثة مثلا
و ده في الكشف هايبان يعني

[أسامه الحسيني]

لازم تكشف عليها في التوكيل ولو ممكن تزود حاجات بسيطه وتجيب 2006 موديل اعلي برده

[emohamedadel]

شكراً ليكم جداً على مساعدتكم هو قلي فعلاً انه معدلها ل 2007.. بس والله يا جماعه على قد ما العربية دي مليانا مميزات على قد ما عرفت ان مشاكلها كتير وناس كتير اوي حذرتني من موديلات 2005 و 2006 بالذات موضوع السينسورز ده.. فشكلي كده هكمل على ال 60 واجيب جراند بونتو 2010 قريبه من الشكل والأمكانيات ورفاهية اعلى وموديل احدث

ايه رأيكم ؟

[tamer refat]

حضرتك بتقارن بونتو بميجانظ؟؟؟!
الميجان 2005 و 2006 مافيهمش مشاكل ولا حاجة ولو بتحترم العربية وصيانة كويسة هتاخد احسن عربية فى السوق بالسعر ده بلا نقاش
يتبقى حاجة واحدة... 140الف كتير وشوف هو مغير كل حاجة ليه؟؟؟ واوعى تشترى سمك فى مية

[Super_Star_h]

شكراً ليكم جداً على مساعدتكم هو قلي فعلاً انه معدلها ل 2007.. بس والله يا جماعه على قد ما العربية دي مليانا مميزات على قد ما عرفت ان مشاكلها كتير وناس كتير اوي حذرتني من موديلات 2005 و 2006 بالذات موضوع السينسورز ده.. فشكلي كده هكمل على ال 60 واجيب جراند بونتو 2010 قريبه من الشكل والأمكانيات ورفاهية اعلى وموديل احدث

ايه رأيكم ؟

من خلال تجربتى الميجان فيها حساسات زيها زي اي عربيه
واي حساس له عمر افتراضى زيه زي اى حساس متركب فى اي عربيه
هى الجراند بونتو لو مافيهاش حساسات ؟
مدام انت شايف انها افضل من الميجان توكل على الله
انا مسوقتهاش قبل كده ولكن ركبتها مع واحد زميلى هى شبه ال i10
وبالتوفيق

[Mamoud salah H]

الجراند بونتو شكلها حلو جدا وشبابي جدا بس اولا محققتش اي انتشار
ثانيا موتورها ضعيف جدا 1400 cc و75 حصان