ايه رأيكم في العربية الميجان 2005 دي ؟

[emohamedadel]

السلام عليكم

انا ناويت اشتري عربية ميجان 2005 هاتشباك ان شاء الله لان امكانيتها حلوه وشكلها شبابي مع العلم انها اول عربية ليا وكنت محتاج رأيكم في الخطوه دي عشان في ناس كتير بتقلق من الميجان مش عارف ليه

كمان قدامي العربية دي فبريكا برا وجوا وماشيه 140 الف وصاحبها مغيرلها كل حاجة من اول السنسورس لحد المساعدين وطربمة البنزين وبيقولي مش هتلاقي عربية بالحالة دي تاني... معروضه عليا ب 60 الف

[ashouhdy]

اللي اعرفة ان كل مشاكل الميجان اللى في الدنيا دى كانت في الموديل دة بالذات .

[hilal]

العربية حلوة جدا بالسعر ده
مشاكل موديل 2005 في الميجان السيدان
اما الهتشباك ممتازة
توكل على الله

[Ahmed Selim]

أكشف عليها الأول فى التوكيل............لو أساسياتها سليمة (موتور و فتيس و دواخل) توكل على الله.

مشاكل الميجان كانت في موديل 2005 و 2006 بس كانت معظمها فى قطع غيار إستهلاكية.........يعني معظمها زمانه أتغير بطبيعة الحال مع الإستهلاك......يمكن الأستثناء الوحيد من الموضوع ده هو ترس الديفازر هو الوحيد اللى مظهرش عند ناس كتير.............بس عموماً بييتغير برة التوكيل جديد بحوالي 800 جم لو انا فاكر صح.