الى خبراء الرينو

[zook]

انا كنت عايز اعرف فرق بالظبط بين لوجان و الفلوانس الى ب 155 معلش انا واحد صاحبى قالى ان الفلوانس فرق بينها و بين اللوجان مش كتير و مش يستاهل 60 الف جنيه فرق انا مش عارف ممكن تفيدزنى

[mac os]

مفيش مقارنه اصلا بينهم الفوانس اتوماتيك وموتور اقوى واوسع وفئه اعلى اساسا فى كل حاجه اللوجان الجديده مانوال فقط حتى الان

[Hany Saad]

مع كامل احترامى لملاك اللوجان و كامل احترامى لرأى صديقك
الأجابة هى مثل الفرق بين تليفون نوكيا الحرباية بتاع 10 سنين فاتوا و تليفون iphone 5S....
بالنسبة لصاحب حضرتك الاتنين تليفونات بنتكلم منهم و الفرق فى السعر مهول
فعلياً الفرق ما بينهم مهول فى كل حاجة و فيه 10 سنين تطور فى التكنولوجيا ما بينهم و مختلفين فى كل حاجة ما عدا ان الاتنين تليفونات
نفس الشىء بالنسبة لللوجان و الفلوانس: فيه فرق تكنولوجيا مش أقل من 10 سنين ما بين الاتنين، واحدة سيارة شعبية اقتصادية تستخدم موتور و فتيس استخدموا من 10 سنين فاتوا فى موديلات رينو القديمة و الهدف من السيارة اللوجان انتاج سيارة اقتصادية منخفضة التكاليف بقدر الأمكان لدخول أسواق البلاد النامية والتانية سيارة حديثة فى كل شىء، فرق خامات و تقفيل و تكنولوجيا و عزل و كل شىء تتخيله و متتخيلهوش....و فرق 60 الف انت بتاخد بيه شىء تانى خالص
مما يجعل الأجابة فى غاية الصعوبة لو حاولنا نقارن
نصيحة منى، متسمعش لنصايح صاحبك ده فى العربيات تانى :)

تحياتى

[zook]

مع كامل احترامى لملاك اللوجان و كامل احترامى لرأى صديقك
الأجابة هى مثل الفرق بين تليفون نوكيا الحرباية بتاع 10 سنين فاتوا و تليفون iphone 5s....
بالنسبة لصاحب حضرتك الاتنين تليفونات بنتكلم منهم و الفرق فى السعر مهول
فعلياً الفرق ما بينهم مهول فى كل حاجة و فيه 10 سنين تطور فى التكنولوجيا ما بينهم و مختلفين فى كل حاجة ما عدا ان الاتنين تليفونات
نفس الشىء بالنسبة لللوجان و الفلوانس: فيه فرق تكنولوجيا مش أقل من 10 سنين ما بين الاتنين، واحدة سيارة شعبية اقتصادية تستخدم موتور و فتيس استخدموا من 10 سنين فاتوا فى موديلات رينو القديمة و الهدف من السيارة اللوجان انتاج سيارة اقتصادية منخفضة التكاليف بقدر الأمكان لدخول أسواق البلاد النامية والتانية سيارة حديثة فى كل شىء، فرق خامات و تقفيل و تكنولوجيا و عزل و كل شىء تتخيله و متتخيلهوش....و فرق 60 الف انت بتاخد بيه شىء تانى خالص
مما يجعل الأجابة فى غاية الصعوبة لو حاولنا نقارن
نصيحة منى، متسمعش لنصايح صاحبك ده فى العربيات تانى :)

تحياتى

ممكن تقولى التفاصيل ارجوك
انا اتقالى فتيس هوهو الموتور نفسو و التكيف زيو

[yasser100]

ممكن تقولى التفاصيل ارجوك
انا اتقالى فتيس هوهو الموتور نفسو و التكيف زيو

لا الموتور و لا التكييف و لا الفتيس واحد , الموتور فى الفلوينس نيسان 1600 , 115 حصان و الفتيس cvt اوتوماتيك نيسان برضه و التكييف نيسان ما فيش اى حاجه متشابهه مع اللوجان فى اى حاجه و بعدين انت بتتكلم فى 60 الف جنيه فرق ما بين اعلى حاجه فى اللوجان و اول فئه فلوينس

[MohammedAladel]

هو فعلا كانوا بيقولوا أن موتور الفلوانس القديمة ... اللوجان الأوتو والميجان 2 و3 ... واحد

لكن اللى اكتشفته إن موتور اللوجان الأوتو مفيهوش ترس dephaser ونظام vvt المتطور برغم إنه فعلا نفس المحرك كتصميم وغرفة احتراق