عفشة الفلوانس

[yalahwy2010]

رجالة الفلوانس وخبراء رينو
فى حاجة محيرانى جدا خاصة بعفشة الفلوانس.......
أجزاء العفشة عندى فى الفلوانس سليمة كلها ومافيهاش اى مشاكل
بس عندى وانا برجع ماشيدير وكاسر الدريكسيون صوت خبطة كدة زى ما تحس كدة انها ركبة وبتقطأطأ
رحت التوكيل قالوا ماسمعوش حاجة
رحت لفرنش موتورز قالو مافيش حاجة
وحتى الآن لا يوجد حل
مع افتراض ان انا مش فارق معايا الموضوع ده...........الغريب عندى ان انا كل ما أربط عفشة العربية تطلع كويسة جدا.....وماسكة نفسها فى المطبات وتمام التمام
لما بمشى بيها يومين تلاتة.....العربية بتسيب تانى......وبتبقى مش مريحة فى المطبات والنقر
فا هل المسامير محتاج تتغير ولا ايه.......؟؟؟؟؟
انا مش فاهم بصراحة
حد مر عليه الموضوع ده قبل كدة.......وايه رأيكم؟؟؟؟

[Hany Saad]

حاول تحدد مصدر الصوت جى منين يا هندسة؟
يعنى الدركسيون : فوق عند الطارة و لا تحت عند القطمة
أو من الكبوت: ناحية الشمال و لا ناحية اليمين

قصدى حاول تحصر الصوت فى أضيق منطقة علشان كلنا نقدر نساعدك

تحياتى

[moh158]

انا عندي مشكلة مشابهة، اني لما برجع مارشدير بسمع ساعات زي صوت كركبة او زي صوت فرامل abs كده بس ساعات و ساعات

[yalahwy2010]

حاول تحدد مصدر الصوت جى منين يا هندسة؟
يعنى الدركسيون : فوق عند الطارة و لا تحت عند القطمة
أو من الكبوت: ناحية الشمال و لا ناحية اليمين

قصدى حاول تحصر الصوت فى أضيق منطقة علشان كلنا نقدر نساعدك

تحياتى

تسلم يا هاني باشا.....انت كدة جبت المفيد
بص يا باشا......الصوت جاي من عند الكبوت ناحية الشمال.....تحس انه بييجي من ناحية المساعد او المقص......بس الاتنين مافيهومش حاجة
اللي بيحصل بالظبط ان لما العربية في وضع السكون.....وبنقل مارشيدير.....اول ما العربية تبتدي ترجع لورا.....صوت الخبطة او الرنة بتطلع من ناحية الشمال
الغريب دلوقتي بقي ان العربية لما بلف الدريكسيون وهي واقفة والصوت يكون هادي....بسمع صوت حك كدة من تحت العربية.... بس الصوت ده جديد ماكانش موجود قبل كدة
اللي يغيظ ان التوكيل وفرنش موتورز ماعرفوش الحل لغاية دلوقتي....وكلهم بيقولولي العفشة تمام...بس انا متأكد ان فيها حاجة غلط

[yalahwy2010]

فى حد عنده رد يا جماعة او تفسير للصوت ده؟

[yalahwy2010]

الصوت ده يا جماعة تقريبا من شداد الموتور......فى واحد ربطلى عليه والصوت هدى شوية
هو مختلف عن شداد الميجان................بتاع الميجان كان بيتقطع..........انما الفلوانس بيبقى فيه جزء الومنيا ومربوط على الجلد.........دا كلام الميكانيكى ....عموما هو تمن الشداد ب 650 فى التوكيل
بس انا لسة ما غيرتوش
لما أغيره هقولكوا على النتيجة

[تامر.محمد]

لو تقصد الشداد اللي تحت فانا كنت لسه مكلم التوكيل امبارح و قالولي بتاع الميجان ب980 مش عارف على ايه ، كمان من كام شهر كان ب780 !!!
ماظنش بتاع الفلوينس ارخص

Sent from my GT-N7000 using Forum Runner

[yalahwy2010]

انا سائل في فرنش موتورز......ب 650 فعلا
وبتاع الميجان مختلف عن الفلوانس....فا وارد انه يكون اغلي
بتاع الميجان ممكن تجيبه استيراد اوفر
انا كنت جبته من فترة حوالي 4 سنين كان تمنه تقريبا حوالي 250 جنيه
وعلي فكرة....في قطع غيار كتير للفلوانس ارخص من الميجان
لأن الميجان برضه عربية محترمة ومتكلفة....بس المشكلة انها ماتنفعش هنا في بلد زي مصر....للأسف

[تامر.محمد]

طب عايز اقول لك حاجة و اتأكد منها برده
في فرينش لما سألت عليه قالوا لي ب650 ، و لما قررتهم في الكلام قالوا لي ان ده التصميم القديم ، المتغطي كاوتش كله ، و قالوا لي ان فرق العمر الافتراضي بينهم بسيط اوي ، و ركبته عندي فعلا عشان عشان فرق السعر
و قالوا لي ان القطعة دي في الميجان و الفلوينس واحد

Sent from my GT-N7000 using Forum Runner

[yalahwy2010]

انا ممكن.اسأل في التوكيل....متهيألي ان التوكيل هيبقي عنده الجديد اللي بيبقي فيه معدن مش كاوتش كله.....ويارب يبقي مش غالي

[تامر.محمد]

انا ممكن.اسأل في التوكيل....متهيألي ان التوكيل هيبقي عنده الجديد اللي بيبقي فيه معدن مش كاوتش كله.....ويارب يبقي مش غالي

انا قلت لك تمنه بقى خلاص (-_-)

Sent from my GT-N7000 using Forum Runner

[yalahwy2010]

انا قلت لك تمنه بقى خلاص (-_-)

sent from my gt-n7000 using forum runner

انا عايز اكلمهم عشان افهم منهم ايه الفرق....وازاي فرنش،موتورز يبيع حاجة ممكن يكون التوكيل مش،مصرح بيها

[تامر.محمد]

انا عايز اكلمهم عشان افهم منهم ايه الفرق....وازاي فرنش،موتورز يبيع حاجة ممكن يكون التوكيل مش،مصرح بيها

مش معترض انك نكلمهم انا معترض على السعر هههههههه
عموما لو عرفت حاجة جديدة يا ريت تقول لنا

Sent from my GT-N7000 using Forum Runner