تاخير في الدوارة

[ah-gawad]

انا عندي العربية لما اشترتها و انا بكشف عليها كمبيوتر المهندس قالي ان فيه تاخير في الدوارة و ده مش علي طول يعني كل كام مرة تتاخر ثواني كده علي ما تلقط و قالي ان السبب هو ال regulator بتاع طرمبة البنزين عاوز يتغير و ده تقريبا ب 250 جنيه استعمال و ان اليومين دول عاوز اشوف العيب ده و اصلحه بس حابب الاول اعرف من اهل الخبرة في المنتدي الموضوع بالتفصيل و لو حد مر بالتجربة دي قبل كده يفيدنا بتجربته لاني بحب قبل ما اعمل اي حاجة في العربية اكون فاهم ابعادها الاول علشان ارحم نفسي من افتاءات الصنايعية و شكرا

[midooo_119]

غياب الدوارة بيبقى رشاشات

[ah-gawad]

غياب الدوارة بيبقى رشاشات

انا كشفت علي العربية عند مهندس شغال في التوكيل و هو اللي قال موضوع ال regulator و هو اصلا اللي نبهني ليها انا مكنتش واخد بالي منها اوي

[ahmedtr9989]

مدام المارش شغال و بتسمع صوت العربية وهي بتحاول تشتغل لكن بتتأخر في التشغيل.. فممكن تكون المشكلة عندك من حاجتين:
1- حساس السرعة أو الكرنك
2-طرمبة البنزيين (ماتور الطرمبة)...و أعتقد إن دا قصد الشخص إلي قالك إن regulator عايز يتغير..

إتأكد أي واحد بايظ قبل ماتشتري .....وفي إعتقادي بما إنك طول ما إنت ماشي و مش بتحس بخنقه في العربية و إن العربية معاك حلوة في السحب يبقى ممكن تكون المشكلة من السبب الأولاني.

طمنا عليك..

[ah-gawad]

مدام المارش شغال و بتسمع صوت العربية وهي بتحاول تشتغل لكن بتتأخر في التشغيل.. فممكن تكون المشكلة عندك من حاجتين:
1- حساس السرعة أو الكرنك
2-طرمبة البنزيين (ماتور الطرمبة)...و أعتقد إن دا قصد الشخص إلي قالك إن regulator عايز يتغير..

إتأكد أي واحد بايظ قبل ماتشتري .....وفي إعتقادي بما إنك طول ما إنت ماشي و مش بتحس بخنقه في العربية و إن العربية معاك حلوة في السحب يبقى ممكن تكون المشكلة من السبب الأولاني.

طمنا عليك..

باذن الله اول لما اوصل لحل المشكلة هقول ايه اللي حصل بس بيتهيألي ان لو المشكلة في حساس السرعة او الكرنك كان ظهر في كشف الكمبيوتر

[ah-gawad]

حابب اوضح حاجة نسيت اقولها انه قال ان ال regulator ده هو المسئول عن الحفاظ علي ضغط البنزين علي الرشاشات عن طريق ترجيع البنزين الزياده الي التنك مرة اخري