سعر كارت رينو فلوانس

[marsguy]

طب معلشي بقي ومن غير ما حد يتعصب عشان شكلكو كلكو فاهمين بعض وانا مش فاهم حاجة .

إيه الكارت ده أصلا ؟

الفلوانس مافهاش مفتاح

بيكون معاك كارت كده تحطه في المحفظه أو في جيبك وطول ماهو معاك تقدر تدور العربيه أو تفتحها

لو حاولت تدور العربيه من غير ما يكون الكارت في حته قريبه من قارئ الكارت (يعني في جيبك أو في المحفظه أو في أي مكان جوه العربيه مثلاً) العربيه مش هاتدور.

[Batman372]

طيب لو بعدت عن العربيه وهي شغاله بتقفل ولا بتفضل مفتوحه ؟

الفكره كلها ان لو ربنا اراد وامتلكتها ان شاء الله ، معظم الوقت الكارت هيبقى في جيبي وبنسبه كبيره هنسى ابطلها او اقفلها وانزل ، خايف من انها تتسرق

يعني اسيبها وانزل اشتري حاجه او اعمل حاجه تتسرق ، ويجيلي جلطه واموت :d

طالما العربيه دايره مش حتقفل طبعا ... افرض فيها اى افراد ؟؟؟
من الناحيه دى اطمن :)
حضرتك فى الاول اوتوماتيك ايدك حتروح تطفى العربيه من مكان المفتاح التقليدى ... فمش حتلاقيه :) فحتبطلها من زر start/stop
و مع التعود الموضوع حيبقى عادى ...
تحياتى ...

[Batman372]

الفلوانس مافهاش مفتاح

بيكون معاك كارت كده تحطه في المحفظه أو في جيبك وطول ماهو معاك تقدر تدور العربيه أو تفتحها

لو حاولت تدور العربيه من غير ما يكون الكارت في حته قريبه من قارئ الكارت (يعني في جيبك أو في المحفظه أو في أي مكان جوه العربيه مثلاً) العربيه مش هاتدور.

الكارت وجوده فى اى مكان داخل الكابينه ... العربيه بتشعر به و بالتالى بتدور
اوقات كتير بيبقى مع الاولاد فى الخلف و تدور عادى جدا :)
و انا عن نفسى على طول فى جيبى الايسر جنب الباب ...
تحياتى ...

[osamasindbad1]

حصلت معايا مرتين ونزلت وسيبت العربيه دايره في الشارع وطبعا لما رجعت وبافتح الباب لقيته مش مقفول استغربت بابص لقيت العربيه دايره حمدت ربنا انها ما اتسرقتش . اللي حصل اني كل مره باكون مشغل التكييف ولما اجي نازل ادوس على زررار التكييف عشان اطفيه افتكر نفسي اني طفيت زرار الستارت زهايمر بعيد عنكم لكن ربنا بيسترها ياريت تاخدوا بالكم عشان ما يتكررش معاكم الموقف ده .

[M!SHO]

انا مره نزلت من العربيه وبدل ما اخد المفتاح خدت ولاعة السجاير وقفلت من الباب بتاعي والمفتاح جوه وكنت في استراحه على طريق سفر

كان يوم ما يعلم بيه الا ربنا