سيارة رينو تتسبب في حروق من الدرجة الاولي !

[Mohamed.Hany]

اى توكيل فى مصر لاى حاجه ما بتخدش معاه لا حق و ﻻ باطل طالما ما فيش قانون يحمى الحقوق و يكون فيه عقاب رادع

خلاص يعني نحط لسانا جوة بقنا و نسكت علي حقوقنا !
مش كل التوكيلات زي بعض و اقرب مثال تعديل الارتفاع للكورولا و طبعا لو مكنش حصل في حاجة اسمها حماية المستهلك

[yasser100]

خلاص يعني نحط لسانا جوة بقنا و نسكت علي حقوقنا !
مش كل التوكيلات زي بعض و اقرب مثال تعديل الارتفاع للكورولا و طبعا لو مكنش حصل في حاجة اسمها حماية المستهلك

تيوتا اعلنت بره سحب 2 مليون عربيه علشان و سائل الامان و قبل كده كان فيه سحب برضه ؟ ايه بقا الاجراء اللى عمله توكيل تيوتا مع العملا المصريين فى الموضوع ده ؟؟؟؟ فى القطع الغيار السهله و العدد القليل ل حوالى 4000 عربيه ما فيش مشكله و لو كان حد كلم حماية المستهلك ما كانوش هايعملوا حاجه علشان ده مش عيب فى العربيه ده من مواصفاتها . لكن فى التقيل لا . قبل كده رينو مصر كلمت العملا و غيرت لهم الدريكسيون من نفسها علشان كان بيحصل له تاكل

[MohammedAladel]

هو فيه أجزاء بلاستيك المياه بتعدى فيها وممكن يكون العيب من الخراطيم ... على العموم العربية سخنت من والدى بسبب عطل مروحة التبريد والحرارة كانت أقصاها ومحصلش حاجة الحمد لله والضغط تسرب من غطاء القربة

فمن الواضح إن العيب فى جزء توصيلى كاوتش أو بلاستيك ردئ الصنع يتآكل ويضعف مع الوقت وينفجر

[Mohamed.Hany]

تيوتا اعلنت بره سحب 2 مليون عربيه علشان و سائل الامان و قبل كده كان فيه سحب برضه ؟ ايه بقا الاجراء اللى عمله توكيل تيوتا مع العملا المصريين فى الموضوع ده ؟؟؟؟ فى القطع الغيار السهله و العدد القليل ل حوالى 4000 عربيه ما فيش مشكله و لو كان حد كلم حماية المستهلك ما كانوش هايعملوا حاجه علشان ده مش عيب فى العربيه ده من مواصفاتها . لكن فى التقيل لا . قبل كده رينو مصر كلمت العملا و غيرت لهم الدريكسيون من نفسها علشان كان بيحصل له تاكل

انا بصراحة مش قادر افهم ، كل ماجي اتكلم تيجي تقولي اصل تويوتا عملت اصل تويوتا سحبت اصل تويوتا وحشة مش بتعمل !!
ايه جاب سيرة ااكلام ده ماحنا اتكلمنا فيه 100 مرة في مكانها ، تصدق انا غلطانلك و مكنش يصح ابد اني احذر حد من اي مشكلة بتحصل في اي عربية رينو و المفروض صاحب العربية اللي اتحرق يتحبس او يتحاكم عشان هو مش من حقهانه يشتكي و لا اي حد له يحق يتكلم

[MohammedAladel]

هو كل الشركات بتستدعى سياراتها اليومين دول :)

[yasser100]

انا بصراحة مش قادر افهم ، كل ماجي اتكلم تيجي تقولي اصل تويوتا عملت اصل تويوتا سحبت اصل تويوتا وحشة مش بتعمل !!
ايه جاب سيرة ااكلام ده ماحنا اتكلمنا فيه 100 مرة في مكانها ، تصدق انا غلطانلك و مكنش يصح ابد اني احذر حد من اي مشكلة بتحصل في اي عربية رينو و المفروض صاحب العربية اللي اتحرق يتحبس او يتحاكم عشان هو مش من حقهانه يشتكي و لا اي حد له يحق يتكلم

انا ما جيبتش سيرة تيوتا فى حاجه :) . سيادتك قلت مثال انه مش كل التوكيلات زى بعضها و الدليل توكيل تويوتا فانا باستفسر بس ايه اللى عمله التوكيل فى المشاكل الكبيره يمكن يكون فيه معلومه انا مش عارفها . المشكله بتاعت الراجل مش جديده و انا قريتها من فتره و بقالها اكتر من 6 شهور . يمكن تكون اتحلت حل يرضيه و مين قال انه مش من حقه يشتكى ؟؟ ما حدش انكر عليه الشكوى طبعا . لكن تفاصيلها ايه بالظبط من التوكيل ما نعرفش

[Mohamed.Hany]

انا ما جيبتش سيرة تيوتا فى حاجه :) . سيادتك قلت مثال انه مش كل التوكيلات زى بعضها و الدليل توكيل تويوتا فانا باستفسر بس ايه اللى عمله التوكيل فى المشاكل الكبيره يمكن يكون فيه معلومه انا مش عارفها . المشكله بتاعت الراجل مش جديده و انا قريتها من فتره و بقالها اكتر من 6 شهور . يمكن تكون اتحلت حل يرضيه و مين قال انه مش من حقه يشتكى ؟؟ ما حدش انكر عليه الشكوى طبعا . لكن تفاصيلها ايه بالظبط من التوكيل ما نعرفش

انت عارف كويس ايه اللي عمله التوكيل ، اول شئ استدعاء تغيير فتيس ال mmt و استبداله بالكامل سنة ٢٠٠٩ ببلاش حتي لو خارج الضمان.
تاني استدعاء لتويوتا عشان شكوي انها منخفضة و تم تغيير العفشة كاملة بتكلفة ١٢ الف جنيه بدون تحمل علي العميل بتغيير ٤ مساعدين و ٤ سوست و كوبلن.
اما بخصوص الاستدعاء الاخير اللي فيه ٢ مليون عربية و كنت اتمني انك تكون قريت الخبر بالتفصيل فهو عشان عيب محتمل في موديلات كثيرة من ضمنها كورولا و ياريس موديل ٢٠٠٢ و ده عشان الشركة الموردة للايرباج اللي بتورد لهوندا و نيسان و BMW و الاستدعاء يشمل ارقام مسلسلة معينة و تويوتا اليابان بتلزم جميع الوكلاء بالتغيير لو ثبت انه به احتمالية لحدوث مشكلة.
عموما انا مش شايف ان ده حوارنا لان احنا اتكلمنا فيه قبل كدة و في مكانه الصحيح و موضوعه الاصلي و ردي ده عشان اللي هيقرا الكلام بتاعك يبقي عنده تفسير ليه و يفهمة مفصلا.
حتي الان مش قادر افهم موقفك من الموضوع و حاسس بنبرة استهزاء جامد لكلامي خصوصا لما بتقول لبشمهندس هاني
لازم تروح طبعا تستفسر عن المشكله دى . بقالك 13 سنه و لسه ما ظهرتش المشكله ؟ فيه حاجه غلط.
اتمني اكون فاهم غلط عشان التلميح بالاستهزاء غير مقبول اكيد

[mostafa3000]

للأسف فية بعض الاعضاء ما بتديش فرصة لحد يقول انطباعة علي ماركات العربيات اي كانت سواء بالنقد او الايجاب
يا جماعة دا شوية حديد وكل الماركات بداية من المرسيدس الي الفيات بها مميزاتها وعيوبها

[تامر.محمد]

احنا بنتكلم في ان دي مشكلة هما معترفين بيها فلازم يكون في اجراء استباقي لتفادي المشكلة مقدما عن طريق تعديل و استدعاء ، مش ان احنا نستني لما تحصل او اي حد يشتكي من المشكلة دي من القسم او الاعضاء

مش باقول انه مالوش حق
هو له حق و تعويض ، الحق ده قد ايه انا مش عارف

تعليقي المقصود منه انها مش مشكلة عامة الحمد لله ، الكليو موقوف انتاجها من زمان على حد علمي اصلا :-)

Sent from my GT-N7000 using Forum Runner

[Mohamed.Hany]

للأسف فية بعض الاعضاء ما بتديش فرصة لحد يقول انطباعة علي ماركات العربيات اي كانت سواء بالنقد او الايجاب
يا جماعة دا شوية حديد وكل الماركات بداية من المرسيدس الي الفيات بها مميزاتها وعيوبها

الله ينور عليك يا استاذ مصطفي ، و هو ده الغرض و الهدف من المنتدي و عشا ن كدة احنا موجودين فيه عشان نعرف كل جديد سواء سلبي او ايجابي.
شكرا للمداخلة

[yasser100]

انت عارف كويس ايه اللي عمله التوكيل ، اول شئ استدعاء تغيير فتيس ال mmt و استبداله بالكامل سنة ٢٠٠٩ ببلاش حتي لو خارج الضمان.
تاني استدعاء لتويوتا عشان شكوي انها منخفضة و تم تغيير العفشة كاملة بتكلفة ١٢ الف جنيه بدون تحمل علي العميل بتغيير ٤ مساعدين و ٤ سوست و كوبلن.
اما بخصوص الاستدعاء الاخير اللي فيه ٢ مليون عربية و كنت اتمني انك تكون قريت الخبر بالتفصيل فهو عشان عيب محتمل في موديلات كثيرة من ضمنها كورولا و ياريس موديل ٢٠٠٢ و ده عشان الشركة الموردة للايرباج اللي بتورد لهوندا و نيسان و bmw و الاستدعاء يشمل ارقام مسلسلة معينة و تويوتا اليابان بتلزم جميع الوكلاء بالتغيير لو ثبت انه به احتمالية لحدوث مشكلة.
عموما انا مش شايف ان ده حوارنا لان احنا اتكلمنا فيه قبل كدة و في مكانه الصحيح و موضوعه الاصلي و ردي ده عشان اللي هيقرا الكلام بتاعك يبقي عنده تفسير ليه و يفهمة مفصلا.
حتي الان مش قادر افهم موقفك من الموضوع و حاسس بنبرة استهزاء جامد لكلامي خصوصا لما بتقول لبشمهندس هاني
لازم تروح طبعا تستفسر عن المشكله دى . بقالك 13 سنه و لسه ما ظهرتش المشكله ؟ فيه حاجه غلط.
اتمني اكون فاهم غلط عشان التلميح بالاستهزاء غير مقبول اكيد

لا سمح الله استهزاء من ايه ؟ ده حتى ردى كان على كلام المهندس هانى . لا العفو ان كانت الصوره وصلت لك كده :) . انا باستغرب بس على موضوع بقا له 7 شهور و ما نعرفش كل خلفياته و الراجل نفسه شغال فى الاعلام و الصحافه غير انه موقع فيتو ده غير موثوق فيه تماما و اسأل عليه غير كده ايه اللى تم التوصل له بعد المده دى ما نعرفش و اكيد برضه التوكيل له معايناته ما ينفعش ناخد الكلام من طرف واحد و انشر موضوع و انا مش ملم بكل جوانبه

[Mohamed.Hany]

مش باقول انه مالوش حق
هو له حق و تعويض ، الحق ده قد ايه انا مش عارف

تعليقي المقصود منه انها مش مشكلة عامة الحمد لله ، الكليو موقوف انتاجها من زمان على حد علمي اصلا :-)

sent from my gt-n7000 using forum runner

انا برضو مش عارف ايه المفروض يكون حقه خصوصا انه حصل له حرق !
احنا مقلناش انها مشكلة عامة احنا بنقول انه حصل مشكلة و يجب الفحص من الوكيل لتجنب تكرارها حتي لو العربية وقفوا انتاجها ، زيها زي ما تويوتا سحبت السنة دى عربيات موديل ٢٠٠٢ اتوقفت انتاجها من زمان برضو عشان هما شاكين يكون في مشكلة مش عشان في مشكلة حصلت و ده المطلوب.

[تامر.محمد]

انا برضو مش عارف ايه المفروض يكون حقه خصوصا انه حصل له حرق !
احنا مقلناش انها مشكلة عامة احنا بنقول انه حصل مشكلة و يجب الفحص من الوكيل لتجنب تكرارها حتي لو العربية وقفوا انتاجها ، زيها زي ما تويوتا سحبت السنة دى عربيات موديل ٢٠٠٢ اتوقفت انتاجها من زمان برضو عشان هما شاكين يكون في مشكلة مش عشان في مشكلة حصلت و ده المطلوب.

مش هايعملوا كده عشان مشكلة عربية واحدة يا محمد ، و عربية واحدة في سنين طويلة فعلا

Sent from my GT-N7000 using Forum Runner

[Mohamed.Hany]

لا سمح الله استهزاء من ايه ؟ ده حتى ردى كان على كلام المهندس هانى . لا العفو ان كانت الصوره وصلت لك كده :) . انا باستغرب بس على موضوع بقا له 7 شهور و ما نعرفش كل خلفياته و الراجل نفسه شغال فى الاعلام و الصحافه غير انه موقع فيتو ده غير موثوق فيه تماما و اسأل عليه غير كده ايه اللى تم التوصل له بعد المده دى ما نعرفش و اكيد برضه التوكيل له معايناته ما ينفعش ناخد الكلام من طرف واحد و انشر موضوع و انا مش ملم بكل جوانبه

افهم من كدة انه مكنش يصح اني انشر الموضوع ده عشان انا مش ملم بكل جوانبه !
طيب و رجليه المحروقة دي ايه ؟
طيب حط نفسك مكانه لو رجلك اتحرقت هتعمل ايه ؟

[Mohamed.Hany]

مش هايعملوا كده عشان مشكلة عربية واحدة يا محمد ، و عربية واحدة في سنين طويلة فعلا

sent from my gt-n7000 using forum runner

تامر انت قريت الايميلات ؟
قريت ان التوكيل بيقول انها مشكلة معروفة و مكررة في الموديل ده ؟ يبقي حالة واحدة ازاي ؟ يمكن حالة واحدة احنا سمعنا بيها لكن متعرفش حصل ايه مدام بيقولك مشكلة معروفة.