سيارة رينو تتسبب في حروق من الدرجة الاولي !

[Ahmed Selim]

أنا مش هفتي........بس من فترة أكتر من 6 شهور كنت شوفت الموضوع على الفيس بوك

الراجل بيقول كلام منقدرش نكدبه فيه

و دخلت على صفحة رينو على الفيس بوك و كان و احد حاطط البوست ده فيها و بيستفسر و الرد اللى أتكتب من الشخص المسؤل عن الصفحة كان بيقول فيه أن العربية اتعمل فيها شغل برة التوكيل هو اللى أدى للمشكلة دي.

و التوكيل عرض عليه خصم 3 أو 4 ألاف جنيه في عربية جديدة و هو رفض و كان عاوزها ببلاش تقريباً.

أنا بصراحة معرفش مين فيهم الصح و مين الغلط.......بس فعلاً مسمعتش أو شفت نفس القصة دي في أى عربية رينو غير دي.

[sapaiky]

خلاصة الموضوع و اللي الواحد فهمه من تعليقات المهندس محمد هاني علي طول الخط إن رينو دي عربية بكل المقاييس فاشلة و إن تويوتا كورولا عربية وهمية لأقصي الحدود(تحامل غير مبرر)_

[Mohamed.Hany]

خلاصة الموضوع و اللي الواحد فهمه من تعليقات المهندس محمد هاني علي طول الخط إن رينو دي عربية بكل المقاييس فاشلة و إن تويوتا كورولا عربية وهمية لأقصي الحدود(تحامل غير مبرر)_

كلام غير مقبول ابدا من شخص محترم زي حضرتك.

و مستغرب جدا باعجاب استاذ ياسر بكلامك!!!

مفيش عضو في تويوتا جه قال ان بشمهندس هاني بيقول ان التويوتا عربيات فاشلة و ان رينو افضل حاجة لما جه عمل موضوع انت تويوتا سحبت ٢ مليون عربية عشان عيوب معينة ، و لكن حضرتك عملت كدة وده ان دل علي شئ فانه يدل علي تحامل غير مبرر من حضرتك و ياسر عليا شخصيا .

عموما كل واحد بيقول اللي هو عاوزه لا حجر علي كلام حد بس مش بالاسلوب ده ، انا نقلت موقف حصل شئت ام ابيت هو حصل و ده للمشاركة معالناس حضرتك لو مش قابله ممكن تعترض عليه و تقول محصلس لكن اسلوب مهاجمة مش مقبول .

شكرا

[Ahmed Selim]

معلومة سريعة من وحوش فليونس

مشاركة بالغلط فى الموضوع ده...أسف

[yasser100]

حتى الاعجاب ياى راى مش مقبول . ههههه. جديده دى

[Mohamed.Hany]

حتى الاعجاب ياى راى مش مقبول . ههههه. جديده دى

انا كاتب مستغرب مش مش مقبول اقرا كويس.
عموما انا مش هعلق علي كلامك ، اللي عاوز يتكلم يتكلم

[yasser100]

ده الراجل حتى يا بشمهندس محمد عضو جديد و مشاركاته قليله و قرا الموضوع و قال رأيه و ﻻ فى بروفيله حاجه تقول انه يملك رينو

[sapaiky]

يا فندم حضرتك ليك كل الإحترام إنما كلامي مش هجوم ولا حاجة إنما فعلا معاليك فعلا متحامل علي رينو و كأنك مستكتر او مستعيب علي رينو إنها تعمل عربية محترمة تتفوق علي تويوتا او حتي تقارن بها(للعلم بس تويوتا كورولا دي عربية لحد الموديل اللي فات ما تدخلش ذمة ركيب عربيات ب 3 جنيه_وجه نظري المتواضعة) علي النقيض من رينو_ده بما إن منتدانا منتدي لغاويين العربيات ده لو انا فاهمه صح و إلا تبقي مصيبة سودا لو انا مش فاهم إتجاه رواد المنتدي و ابقي بقالي 6 سنين بضيع 6 ساعات يوميا هباءا_( عتيق انا علي فكرة)

[Mohamed.Hany]

يا فندم حضرتك ليك كل الإحترام إنما كلامي مش هجوم ولا حاجة إنما فعلا معاليك فعلا متحامل علي رينو و كأنك مستكتر او مستعيب علي رينو إنها تعمل عربية محترمة تتفوق علي تويوتا او حتي تقارن بها(للعلم بس تويوتا كورولا دي عربية لحد الموديل اللي فات ما تدخلش ذمة ركيب عربيات ب 3 جنيه_وجه نظري المتواضعة) علي النقيض من رينو_ده بما إن منتدانا منتدي لغاويين العربيات ده لو انا فاهمه صح و إلا تبقي مصيبة سودا لو انا مش فاهم إتجاه رواد المنتدي و ابقي بقالي 6 سنين بضيع 6 ساعات يوميا هباءا_( عتيق انا علي فكرة)

كنت اتمني اني اشوف من مشاركات حضرتك القليلة جدا ال ٣٦ في ال ٦ سنين دول حاجة ايجابية نستفيد منها من خبرتك بدل متكون حاجة سلبية مش صحيحة و انا باكدلك تاني مش صحيحة لانك اصلا متعرفنيش شخصيا و اعتقد انت او ياسر مشوفتونيش غير بقية الزملاء في رينو اللي قابلتهم و اتعرفت بيهم و يعرفوني كويس.

معلومة صغيرة عشان انا متحامل علي رينو و مخلي الكورولا وهمية (و كلامي الي حد ما صحيح ) السنة دي في ٢ زملائي في الشغل بحكم خبرتي الصغيرة في العربيات سالوني علي الفلوانس و في الاخر جابو فلوانس بسببي و من كلامي عليها رغم انهم قارنوها بالكورولا بس كانو بيقارنو في فئة سعرية معينة اللي هي ١٧٠ الف ، ياااااااااه يعني محمد هاني اقنع ٢ يشترو فلوانس !!! اه سبحان الله تخيل مش بقولك انت متعرفنيش ، الواحد ممكن يحكم علي حد و هو عارفه و عاشره و ممكن يخونه الحكم عليهم مش انت مشفتنيش اساسا .
و طبعا نصيحتي ليهم هما مبسوطين بيها قوي و ده كان قبل مشكلة الزيت متنتشر و الله علي ما اقول شهيد ، و بالصدفة لسة النهاردة متكلم مع دكتور مصطفي مجدي احد ملاك رينو عشان اخد رايه لواحد تالت عاوز يشتري العربية و هو موجود في المنتدي و ممكن يدخل ياكد كلامي ده ، فهل واحد متحامل علي رينو و عارف ان في مشاكل معينة مش هيقول لصاحبه نفض للعربية و لا هيروس يسأل واحد من ملاكها عشان ينصحه يشتريها و لا لأ ، مش قولتلك متعرفنيش كويس .

في الاول و الاخر شئت ام ابيت حصل ان واحد اتحرق و انا جبت معلومات و صور بكدة و تامر محمد اكد ان كان فيه موضوع زي ده من ٦ او ٧ شهور مكنتش شفته في المنتدي فهل الموضوع اللي كان معمول ده برضو من واحد متحامل علي رينو!!!

و هل الناس اللي عندهم مشكلة نقص الزيت اللي اتحدي انك تعرفهم كام واحد و لا مشكلة عمود الدركسيون اللي اتحدي برضو انك تعرف عددهم او ان ياسر كمان يعرف عددهم بيتحاملو علي رينو !

و هل مهندس هاني لما شاركنا بموضوع انت تويوتا بتسحب العربيات حد جه قاله الكلمتين دول ، اكيد لأ و التعليقات في منتهي الرقي .

بما انك اتكلمت علي المنتدي و الهدف منه الاساسي هو مشاركة الناس بالمعلومات سواء كانت ايجابية او سلبية في العربيات مش في الاشخاص ، اتمني ان في مشاركات حضرتك تبقي اكتر علي الاولي مش التانية طالما حضرتك متعرفش الشخص اللي امامك لان حضرتك ممكن تقول كلام ميكونش مظبوط ١٠٠٪

[sapaiky]

(و كلامي الي حد ما صحيح) أوجزت فأنجزت_بص يا باشمهندس كون مشاركاتي قليلة دي حاجة ترجعلي(انا ممكن افضل اشارك لعشر سنين قدام بس لو انا حاسس ولو لواحد في المائة إني مش متمكن من ردي او هفتي او هتحيز لعربية معينة لمجرد هوا أو لمجرد المشاركة يبقي الاحسن لي اراقب و اتعلم من ناس اباطرة زي زميلي العزيز الدكتور formulator أو غيره من المحنكين)

[sapaiky]

يا باشمهندس ارجو ان احظي بسعة صدرك الكريم_انا لا اقصد اي إهانة او تقليل من شأنكم كل الموضوع إني لاحظت شئ و كتبت عنه جايز يكون صح و جايز لا_وجهة نظر و ليس اكثر

[Mohamed.Hany]

(و كلامي الي حد ما صحيح) أوجزت فأنجزت_بص يا باشمهندس كون مشاركاتي قليلة دي حاجة ترجعلي(انا ممكن افضل اشارك لعشر سنين قدام بس لو انا حاسس ولو لواحد في المائة إني مش متمكن من ردي او هفتي او هتحيز لعربية معينة لمجرد هوا أو لمجرد المشاركة يبقي الاحسن لي اراقب و اتعلم من ناس اباطرة زي زميلي العزيز الدكتور formulator أو غيره من المحنكين)

يا باشمهندس ارجو ان احظي بسعة صدرك الكريم_انا لا اقصد اي إهانة او تقليل من شأنكم كل الموضوع إني لاحظت شئ و كتبت عنه جايز يكون صح و جايز لا_وجهة نظر و ليس اكثر

اتمني لحضرتك كامل الاستفادة من الاباطرة المحنكين امثال formulator و طبعا مشاركاتك القليلة ترجعلك و زي محضرتك متأكد و لو واحد في المية انك مش متمكن و لا هتفتي و لا هتتحيز لمجرد هوا او مشاركة اتمني برضو انك تطبق نفس المعايير و المقاييس بمنتهي الصدق و الشفافية لو مش متأكد اوعندك شك و لو واحد في المية في وجهة نظر في شخص معين جايز يكون صح و جايز يكون غلط زي محضرتك قولت ان الافضل تراقب بدون التقليل والمساس او اتهام شخص , مدام حضرتك اعترفت انك بتطبق المبدأ ده في معلومات عن العربيات فالاجدي انك تطبقه علي الاشخاص لأنك ممكن متكنش عارفهم او بالاخص عارف نيتهم .

تحياتي لشخصك الكريم وانا لا اقصد مهاجمتك و في نفس الوقت مش هقبل مهاجمة بدون سبب معلوم او بدون خلفية كاملة عن الموضوع و عن تصرفاتي الشخصية اللي حضرتك متعرفش تفاصيلها و في معظم الاحيان بتكون في صالح الفلوانس علي الكورولا لما حد بيسألني عن متطلباته في عربية في رينج فلوس معين رغم علمي بكل مشاكل الفلوانس و بعدد الناس اللي اتعرضو للمشاكل دي و ده بموجب مكاني في المنتدي و ثقة الناس في رأى اللي ان شاء الله مخذلهمش ابدا بغرض مساعدة الناس ليس اكثر.
اتمني حضرتك دايما تقول رأيك بس بطريقة متهاجمش بيها حد خصوصوا لو متعرفش كل التفاصيل , ولو تلاحظ في كلامي دايما اني لما بتكلم بتكلم بدليل و بارقام مش بجيب حاجة من عندي و ده اكبر دليل علي المصداقية و اللي الناس للاسف بتفهمه مهاجمة و تحيز .

ملحوظة لنقطة ان" كلامي الي حد ما صحيح" ده مبني علي معلومات ممكن متكونش كاملة عند حضرتك فلك كامل الحق في الاعتراف او الاعتراض عليها بس هي واقع و حاجة موجودة بعد ظهور مشاكل معينة في موديل معين لو حضرتك حابب تعرف تفاصيل اكتر ممكن اقولك عشان يبقي حكمك مبني علي ارض صلبة و بمعلومات علي ارض الواقع مش كلام عام .
شكرا مرة تانية.

[a7medsh3rawi]

الموقع دا ممكن عن طريق يتقدم شكوى
لو اى حد حصله اضرار من اى نوعه عربيه وهم هيجيبلوك حقك منهم

Car Defect and Malfunction Attorneys | Salpeter Gitkin

[S O P H O S]

الوضع وصل لايه ؟