فرنش موتورز الرحاب و الاستهبال

[Ahmed Selim]

السلام عليكم

نزلت النهاردة علشان أغير زيت فتيس و اعمل صيانة علشان فاضلي ٦٠٠ كيلو على ميعادها...اتجهت على الرحاب علشان فرنش موتورز هناك

وصلت لقيت الفرع شكله فاضي و مفيش غير ٥ او ٦ عربيات بس.......قولت الحمد لله الدنيا فاضية و هخلص بسرعة

جالي المهندس يسألني هعمل ايه و بلغته.......قوم ايه بقى

يقولي معلش احنا عندنا زحمة و حضرتك أتفضل روح فرع الشروق يعملوهالك هناك !!!!!

زحمة ايه على ٦ عربيات يا باشمهندس.......فاتحينها ليه طيب ؟؟؟

حاولت معاه انه حتى يغير زيت الفتيس بس.......قالي هتاخد ٣ ساعات !!!!!!!
قولت مش مشكلة هقعد على اي قهوة اشتغل على ما يخلصوا
قالي ٣ ساعات تغيير الزيت بس غير لسه الوقت على ما يجي دورك

طبعا واضح جداً انه مش عاوز يشتغل و بيرمي الشغل على الفرع التاني اللي كان وارد برضه اروح هناك يقولولي انهم زحمة

مشيت من عندهم و انا بكلم التوكيل و دقائق و كنت حاجز على يوم الثلاثاء إن شاء الله

[MohammedAladel]

زهقوا من كتر الفلوس يا صديقى وعلى فكرة تغيير زيت الفتيس كما يجب ... بياخد وقت فعلا ... وعايز تجربة العربية وتحطها على الجهاز ومفيش صنايعى برا عنده مرارة يعمل كدا ... ومعتقدش إن فرنش موتورز بيعملوا كدا ...دا إن مكنش التوكيل بيسلق كمان ...لأن كمية الزيت اللى بتنزل مش ثابتة ... وتقريبيا الصنايعية برا بيحطوا 3.5 بالبركة وبتضبط برضه

[Hany Saad]

أزى حضرتك يا أحمد بيه، أن شاء الله تكون بخير
حضرتك بتغير زيت فتيس فى مواعيد ثابتة؟
لو فعلاً بتتكلم على زيت فتيس....يبقى أكيد فرنش مش عايز وجع دماغ من مشاكل الفتيس لأنه ممكن يغير زيت يقوم يحصل حاجة للفتيس بعدها (صدفة) فطبعاً يدخل فى مشاكل هو فى غنى عنها

تحياتى

[Ahmed Selim]

شكرًا على الرد

انا فعلا بغيره كل فترة.......من ٢٥ ل ٣٠ الف كم تقريبا

انا ممكن أتفهم انه مش عاوز يغيره لو قالي كده....بس هو معندوش اعتراض.....طلب بس اني اروح فرع تاني
لو هما بيخافوا من تغيير الزيت كان رفض و خلاص

[byada10]

ما هو ما ينفعش يقول انه بيخاف يتعامل مع الفتيس يا احمد باشا

[yalahwy2010]

انا كنت هناك يا احمد بك.....يوم الخميس اللي فات....وقالولي نفس الكلام وحلقتلهم ولا عملت حاجة.....انا بعد كدة هشتري قطع الغيار واروح اركبها عن ورشة احمد وخالد اللي في صقر قرش.....حظي وحش اني ماشفتكش لو كنت برضه هناك يوم الخميس....وحشاني دخلاتك المرعبة :)

[Ahmed Selim]

ما هو ما ينفعش يقول انه بيخاف يتعامل مع الفتيس يا احمد باشا

ينفع يا باشا يقول أنه مش بيغير زيت الفتيس إلا على مسؤليتي الشخصية

أو يقولي معندناش زيت من أصله.........مش يبعتني فرع تاني !!

أنا لو كنت رحت الفرع التاني و قالي نفس الكلام كنت أرتكبت جريمة :-)

انا كنت هناك يا احمد بك.....يوم الخميس اللي فات....وقالولي نفس الكلام وحلقتلهم ولا عملت حاجة.....انا بعد كدة هشتري قطع الغيار واروح اركبها عن ورشة احمد وخالد اللي في صقر قرش.....حظي وحش اني ماشفتكش لو كنت برضه هناك يوم الخميس....وحشاني دخلاتك المرعبة :)

و احشني يا كبير

أنا كنت هناك النهاردة الصبح

أنت لسه فاكر الدخلات المرعبة :)

كان زمان بقى

[ramymechanics]

أنا بعمل كل الصيانات هناك ... أروح 9 الا ربع الصبح أسلم العربية اروح البيت افطر و أرجعلهم او بيكلمونى اما تخلص ... المشكلة هناك المكان صغير فبروح بدرى عشان امشى بدرى

[yalahwy2010]

ينفع يا باشا يقول أنه مش بيغير زيت الفتيس إلا على مسؤليتي الشخصية

أو يقولي معندناش زيت من أصله.........مش يبعتني فرع تاني !!

أنا لو كنت رحت الفرع التاني و قالي نفس الكلام كنت أرتكبت جريمة :-)



و احشني يا كبير

أنا كنت هناك النهاردة الصبح

أنت لسه فاكر الدخلات المرعبة :)

كان زمان بقى

وانت كمان يابو حميد......كان يوم جميل والله

[تامر.محمد]

احمد باشا
الحقيقة انا باتردد عليهم كتير و فعلا لما بيبقى عندهم زحمة بيقولوا لي كده
الصراحة 6 عربيات عندهم معناها انك هاتقعد تنتظر ساعتين اقل واجب لحد ما ييجي دور عربيتك

بس ده كلام ؟
تبقى بتغير زيت الفتيس و ما تقولش ؟
ده احنا بنتنشق على حد بيغير زيت الفتيس
بس شكلك بتغيره ببتاع التوكيل
احكي لنا بقى ايه نظام زيت التوكيل معاك و ليه ما فكرتش تغير بزيت بيجو و ستروين

Sent from my GT-N7000 using Forum Runner

[محمود سامح]

انا غيرت زيت الفتيس من 10 ايام وكشفت كمبيونر ونجربة عند مركز المهندس مصطفى فهمى فى صقر قريش فى ساعة واحدة والحمد لله العربية ذى الفل ولا توكيل ولا غيرة عن تجارب مع التوكيل وهموم فرنش مو تورز ولا زحمة ولا شغلهم

[Ahmed Selim]

احمد باشا
الحقيقة انا باتردد عليهم كتير و فعلا لما بيبقى عندهم زحمة بيقولوا لي كده
الصراحة 6 عربيات عندهم معناها انك هاتقعد تنتظر ساعتين اقل واجب لحد ما ييجي دور عربيتك

بس ده كلام ؟
تبقى بتغير زيت الفتيس و ما تقولش ؟
ده احنا بنتنشق على حد بيغير زيت الفتيس
بس شكلك بتغيره ببتاع التوكيل
احكي لنا بقى ايه نظام زيت التوكيل معاك و ليه ما فكرتش تغير بزيت بيجو و ستروين

sent from my gt-n7000 using forum runner

أيه ده........يا باشا أنا أول واحد غيرت زيت فتيس للعربية دي فى المنتدى :)

أنا دايماً كنت بغيره عند الميكانيكيون العرب و كانوا بيستعملوا بتاع موبيل لو أنا فاكر صح.

معرفش معلومات عن زيت بيجو أو ستروين علشان أفيدك بصراحة.

بالنسبة لفرنش موتورز....6 عربيات ده المفروض ولا حاجة.......يعني لو عربيتين تلاتة منهم بيعملوا صيانات خفيفة زي الخمسات أو العشرات......المفروض أخرهم ساعة فى العربية الواحدة.......و بكده ابقى كارمهم كمان.

خللى بالك.......مكنش فيه عربيات واقفة أنتظار......كله واقف و شغالين في......يعني كان أخري أنتظار ساعة زيادة.

بس بصراحة أنا حسيتهم بيستسهلوا ومش فارق معاهم زبون و أبتدوا يبقو شغالين بمبدأ لو مشي هيجي غيره......خصوصاً أني ماشي من عنده و أنا قايله أنا هطلع من هنا على الميكانيكيون و مش جايلكم تاني.....و لا فرقت معاه.

[تامر.محمد]

انا عموما لاحظت ان الواحد لما بيروح لهم الصبح و هما لسه رايقين بيبقوا احسن كتير فعلا من الضهر

انا فاكر مرة قررت استنى قعدت فعلا مستني كتير اوي لحد ما جه دور عربيتي , فمن ساعتها بقيت يا اروح الشروق يا امشي

[solly1979]

انا اخر مرة غيرت زيت الفتيس فى فرنش موتورز فى اقل من نص ساعه وحط ساعتها 4 لتر
بس قبل ميفتحوا فرع الشروق

[MohammedAladel]

لا أنصح بإن حد يحط زيت بيجو وستروين غالى يا جماعة ... والموجود فى مصر المعدنى من توتال مش وحش ومناسب للفتيس بتاعنا بس عمره أقصر هى دى الفكرة