عايز اجيب مقصات ومساعدين للميجان

[Super_Star_h]

عندى بقى فيه صوت خبط قدام فى الحتت المكسره
وكأن حديد بيخبط فى بعضه ومفكوك
لما روحت كشفت عليها عند عفشجى
قالى هات مقصات لانها رايحه خالص
وهات مساعدين عشان بيودعو
دلوقتى انا لما سألت على المقصات استيراد لاقيتهم ب 400 جنيه
ولما سألت عليهم جديد تركى ب 400 جنيه
والمساعدين بحوالى 400 استيراد برضو
والجديد تركى ب 600 جنيه
انا خايف اجيب الجديد لانه تركى يعنى الله اعلم ممكن يبوظو تانى يوم
والاستيراد برضو مقلق منه لانه مهما كان مستعمل
ايه الأفضل ؟
ولا فيه حاجات تانيه انتو مجربينها غير التركى ده وماشيه معاكم بدون مشاكل

[تامر.محمد]

العفشة ما تتجابش استيراد لأنها مستهلكات و الله اعلم شغالة قد ايه , فلوس في الارض يعني

التركي زي ما وصفت , انا شغال بمقصين تركي حاليا و ما عملوش مشاكل , بس ما لحقوش عموما يعني 10 بس
المقصات الاصلي بألف جنيه الواحد

[أسامه الحسيني]

متابع

[solly1979]

انا مركب التركى من سنه بس عندى جوز المساعدين بايظين سالت عند كذا واحد ب 1200 قدام الاصلى
وعندى تخبيط من قدام دلوقتى جامد جدا فى الشمال

انا مركب علبة دريسكيون من 3 سنين و مقصين وشداد ماتور من سنه كدة
ايه هو كل سنه هنغير المقصات ولا ايه النظام؟

هروح اكشف اشوف التخبيط دة من ايه بس شكلها علبة الدركسيون عملتها تانى كنت جايب التركى كانت ب 1350 فى ناس بتحشيها هل حد جرب الموضوع دة قبل كدا؟

[محمد عفيفي]

انا كمان عندي بوش في علبة الدركسيون في الميجان تبعي ومكسل اروح للعفشجي علشان يلم البوش دة ربنا يهديني واستحمل الوقفة جنب الصنيعي لمدة يوم ان شاء الله

[osamaos20022]

المقصات التركي اللي في عليه صفرا كويسين مغيرها من 3 سنين

[yalahwy2010]

نصيحة بلاش التركي.....اياك واياك والتركي
ياما جبت بطاحات وشداد ماتور ومساعدين تركي....ماكملوش شهر
يا استيراد يا اما اصلي عشان تريح دماغك
الحاجة اللي ممكن تجيبها استيراد هي اللي مكشوفة....زي شداد الموتور....بطاحات....المساعدين مستخبيين....بس ممكن تقع علي حاجة كويسة وانت وحظك....وبالتوفيق

[MohammedAladel]

المساعدين أصلى صناعة تركى برضه kyb عاملين 1050 ل 1100

فيه نوع اسمه ريكورد حوالى 800 جنيه

منصحكش بالمساعدين استيراد

[محمود سامح]

انا جبت العفشة كلها اصلى يس مش من التوكيل ولكن من مركز مصطفى فهمى بصفر فريش فى المعادى وبالضمان بس فية فرق كبير فى الاسعار وبين التوكيل وامهندس مصطفى فهمى شاطر حدااا

[Super_Star_h]

شكرآ يا رجاله
بس كده المقصات الاصليه سعرها عالى اوى كما ذكرتم
هتضر اجيب التركى وانا ونصيبى بقى
وانا عامتآ مش بهلك العربيه كتير فى شوارع مكسره وبمشى براحه
يعنى ان شاء الله هتعيش معايا شويه
هى الميجان معرفش ليه بحس ان عفشتها معقده من منظرها كده واظن ناس كتير بتشتكى منها
ربنا يصلح الحال

[ALi Hamdy]

انا جبت العفشة كلها اصلى يس مش من التوكيل ولكن من مركز مصطفى فهمى بصفر فريش فى المعادى وبالضمان بس فية فرق كبير فى الاسعار وبين التوكيل وامهندس مصطفى فهمى شاطر حدااا

كل حاجات مصطفي تركي انا شايفها بعيني وهو بيغير عفشه كامله واسعارهم اغلي من الاسباني
انا اشتريت مره من عنده بطاحه ب200 جنيه


افضل مساعدين هما KUB اسباني ب1050 امامي
انا اشتريتهم وركبتهم فالتوكيل وحطيتهم جنب بتوع التوكيل الاتنين نفس الماركه والموديل والاتنين اسباني
الفرق الوحيد ان التوكيل ناقش علامه رينو والفرق حوالي 300 جنيه

[MohammedAladel]

انا جبت العفشة كلها اصلى يس مش من التوكيل ولكن من مركز مصطفى فهمى بصفر فريش فى المعادى وبالضمان بس فية فرق كبير فى الاسعار وبين التوكيل وامهندس مصطفى فهمى شاطر حدااا

حضرتك فى كل موضوع بتنصح بالميكانيكى بتاعك رغم إن أسعاره عالية يعنى مش حنين ولا حاجة

وأنا قلت لحضرتك مسبقا مينفعش تشكر فى حد من غير ما تحكى تجربتك مرفقة بالأسعار ... عشان محدش يتصدم لو اتعامل معاه ويدعى عليك .... وكل سنة وانت طيب

[MohammedAladel]

كل حاجات مصطفي تركي انا شايفها بعيني وهو بيغير عفشه كامله واسعارهم اغلي من الاسباني
انا اشتريت مره من عنده بطاحه ب200 جنيه


افضل مساعدين هما KUB اسباني ب1050 امامي
انا اشتريتهم وركبتهم فالتوكيل وحطيتهم جنب بتوع التوكيل الاتنين نفس الماركه والموديل والاتنين اسباني
الفرق الوحيد ان التوكيل ناقش علامه رينو والفرق حوالي 300 جنيه

أنا كمان أشتريت ال kyb
الفرق أكتر من 300 المساعد الواحد فى التوكيل معدى ال 1000

[Super_Star_h]

أنا كمان أشتريت ال kyb
الفرق أكتر من 300 المساعد الواحد فى التوكيل معدى ال 1000

اجيبه من فين النوع ده فى اسكندريه ؟

[أسامه الحسيني]

انا جبت العفشة كلها اصلى يس مش من التوكيل ولكن من مركز مصطفى فهمى بصفر فريش فى المعادى وبالضمان بس فية فرق كبير فى الاسعار وبين التوكيل وامهندس مصطفى فهمى شاطر حدااا

انا جبت مرتيين فلتر بنزين من صقر قريش مره بـ 40 ج بس لاسف مش فاكر اسم المحل والمره التانيه جبته من عند المصطفي بـ 70 ج وبقله مش كتيير قالى دا الاصلي وكلام التثبيت الى انتم عارفيه وخته منه وطبقته بالى كنت جايبه بي 40 هوا هوا بالضبط
فمش عارف احكم عليه بسبب الفلتر ولا حد ممكن يساعدنا ويقولنا اسعاه ايه