كنت هشتري فلوينس بس؟؟؟؟؟؟؟؟

[mlutfy86]

محتار


الكرولا غاليه وشايف ملوش لازمه ومنخفضه

وحكايه الاسترا فبنزين 95 وتوكيل منصور

الفلوينس مشكله الرجه اللي ظهرت مع بعض الناس هل في مشكله تانيه فيها؟؟؟؟



كان نفسي ف القاشقاي بس الاوفر برايس ونزول شكل جديد بموتور جديد ومن جوه مش فيها كماليات عربيه ب 200 الف والسحب بطىء


وبفكر ف بيجو 3008

[تامر.محمد]

الكورولا اتعدلت و بقت عالية عن الارض

انا ماعرفش بصراحة قصة الرجة اللي في الفلوينس اللي بتقول عليها , الاخوة يفيدوك ان شاء الله

[Adnfalcon]

الكورولا بتعلي فالتوكيل مش مشكله بس اقل عربيات 2014 مشاكل
فلوينس ابعد عنها نقص زيت موتور ورجه وحاجات رخمه
قشقاي فقيره الامكانيات
استرا بدون مشاكل بس محتاجه بنزين 95 وسحبها بطئ
انت اخر ميزانيتك كام ؟

[kar!m]

يعني كل اللي راكبين أسترا دول بيحطول بنزين 95؟

[kokowasfy]

الكورلا حلوة و عملية اوى و خصوصا بعد التعديل الجديد

[yasser100]

يعني كل اللي راكبين أسترا دول بيحطول بنزين 95؟

فيه ناس ما فيش مشكله عندهم الرجه الخفيفه او النتشه . عادى يعنى و بيستخدموا 92 و فيه ناس لا و حلها 95

[Moustafa Nabih]

انا معايا فلوانس بقالها شهر الحمد لله مش حاسس بأى نتشه ولا رجه خالص وبحط بنزين 92
وبالنسبة لموضوع الزيت تقريبا هما اتنين بس اللى حصلت معاهم المشكله دى وعلى مااعتقد ان التوكيل صلحها
صلى استخارة وربنا يكرمك بالافصل ان شاء الله

[mlutfy86]

الف شكر ليكم يا جماعه انا اخري 180

[Adnfalcon]

الاسترا اختيار مناسب ليك
لسبب واحد .. انك مش هتشتري زيرو عشان تصاحب بتوع التوكيل عشان مشاكل العربيه المنيله
الاسترا اضمن حاجه فالنقطه دي

[iUsef]

الكورولا بقت بتيجي عاليه 14.5سم
الاسترا في ناس كتيير بتحط 92 بس مش عارف لو غيرو الموتور ولا لا
الفلونس ناس كتيييييير اوي معندهمش اي مشاكل

[yasser100]

الكورولا بقت بتيجي عاليه 14.5سم
الاسترا في ناس كتيير بتحط 92 بس مش عارف لو غيرو الموتور ولا لا
الفلونس ناس كتيييييير اوي معندهمش اي مشاكل

دايما باثمن رأيك يوسف باشا بصراحه :)

[mac os]

لو مكانك هجيب الكورولا واريح دماغى

[Hany Saad]

الكورولا بتعلي فالتوكيل مش مشكله بس اقل عربيات 2014 مشاكل
فلوينس ابعد عنها نقص زيت موتور ورجه وحاجات رخمه
قشقاي فقيره الامكانيات
استرا بدون مشاكل بس محتاجه بنزين 95 وسحبها بطئ
انت اخر ميزانيتك كام ؟

رداً على موضوع الأسترا بدون مشاكل



رابط المشاركة
يا جماعه ياريت تركزوا معايا شويه وياريت الناس القديمه تركز اكتر

دلوقتي انا كتبت من شهرين قبل كدا على مشكله الكركره اللى بتحصل فى العربيه ومشكله نتشه الفتيس مابين النقلات ودلوقتي فى مشكله جديده ان مع التكييف السحب بيتقل بتاع العربيه وده ليه قصه تانيه هوضحها بعدين بس خلينا الاول فى اول مشكلتين... انا روحت عملت صيانه ال 5 الاف فى توكيل جسر السويس ودفعت 500 جنيه وقولتلهم على المشكلتين وعملوا ابديت للسوفتوير ولا حياه لمن تنادي المشكلتين موجودين وبالنسبالى رجه الفتيس مخوفاني جدا علشان ميكونش فى مشكله فى الفتيس وهما بيستعبطوا ومش عارف اتصرف معاهم ازاي ؟؟؟؟ ومشكله الكركره بتحسسني اني راكب عربيه رخيص مش عربيه ب 200 الف وبردو مش عارف اتصرف مع بتوع التوكيل دول ازاي فياريت لو اللى عنده نفس المشكله نجمع بعض ونروح يوم ع التوكيل ونخربلهم الدنيا هناك علشان يتربوا ويوشفولنا حل فى القرف اللى احنا فيه ده
_____________
بالنسبه لموضوع التكييف اللى حسيته ان التكييف نازل باوبشنز هيدين عن اليوزر اللى هو انا وحضرتك ازاي بقي مثلا مع البلوتوث لو جالك مكالمه وعامل التكييف على اوتو صوت التكييف بيوطي لوحده علشان تسمع المكالمه وزي مثلا فى يوم حر كانت الحراره 42 فيه الار بي ام على لوحده والعربيه وصلت ل 90 فى اقل من 3 دقايق علشان تقوي من اداء العربيه ومن فاعليه التكييف لان العربيه عرفت ان الجو 42 درجه فظبطت نفسها على الجو الموجود وده اكيد لو حد راح التوكيل علشان يقولوا ع المشكله دي هيلعب فى السوفت وير بتاع الموضوع ده علشان يريح نفسه من الصداع بما اننا ماشيين فى التوكيلات باسلوب الدهلكه .......... اخر الموضوع يعني اني اتخنقت ومش هو ده اداء الاوبل من الاخر مع العلم انها عربيه ممتازه فى كل حاجه الصراحه واحسن عربيه فى فئتها بس مينفعش المشاكل دي يتصبر عليها الصراحه

http://www.nilemotors.net/Nile/427622-a.html

مفيش عربية بدون مشاكل و لازم تصاحب التوكيل فى فترة الضمان و الضمان شىء أساسى مش كماليات

تحياتى

[ramymechanics]

سيدى الفاضل لو بتتكلم عن الكورولا الشكل الجديد ف 180 الف هتجيبلك الفئة الفاضية من الأوبشنز يعنى لا اوتو بارك ولا غيره .... الكورولا على ما اتذكر سعرها الرسمى بالحجز 190 ولو اوفر برايس هيبقى اكتر .... الأسترا مفتيش فيها ... الفلوانس رأيى لو تشوف حاجة موديل 2014 تسليم اول السنة اللى فاتت يبقى كدة تمام اوى

استخير وربنا معاك

[Mohamed.Hany]

1. حتي الان اقل عربية شفنا منها اعطال و شكاوي هي الكورولا . وعلي فكرة مبقتش واطية خالص , ارتفاعها 15.5 سم .

2. الاسترا غير مشكلة التقطيع صياناتها و قطع غيارها غالية جدا كفاية ان صيانة ال 40 الف كم ب 6200 جنيه

3. الفلوانس بعض المشاكل الفردية زي طقة الدركسيون لشخصين , خلع مقبض الباب الداخلي لشخصين , عدم ثبات ال rpm ل3 اشخاص.
المشكلة في موضوع نقص زيت الموتور حتي الان الاشخاص المعروفين تعدو ال 8 اشخاص وده بحسب جروب فلوانس علي الفيس بوك .

تحياتي