دهان الفلوانس

[essamrh2011]

طب بعبدا بقى عن مشاكل الموتور والكلام ده
انا معايا فلوانس اوف وايت فوجأت النهارده ان الدهان الي على الاكصدام بيتمسح !!!!!! اااه والله العظيم بيتمسح في المنطقه الي بين صاج الشنطه ودوران الاكصدام على الرغم ان العربيه دايما متغطيه من الشمس وبستعمل منتجات سوناكس من wax و nano technology وشامبو غسيل وخلافه

[Adnfalcon]

متحطش اي منتجات نهائيا
اكيد نوع معين أكل الدهان

[ashouhdy]

ع فكرة الشمس مفيدة للدهان مش العكس !

[Dr_Smart]

ع فكرة الشمس مفيدة للدهان مش العكس !

ازاي يا فندم ؟

[ashouhdy]

الشمس بتزود قوة الارتباط بين الدهان والصاج بتزود التصاقة bond

بس لساعات قليلة في الاسبوع مش طوال اليوم

دى كنت قريتها عالنت

لو غلط ممكن تصصححنى عادى يعنى

[Hany Saad]

الشمس بتزود قوة الارتباط بين الدهان والصاج بتزود التصاقة bond

بس لساعات قليلة في الاسبوع مش طوال اليوم

دى كنت قريتها عالنت

لو غلط ممكن تصصححنى عادى يعنى

فعلاً و الدهان لسه جديد، التعرض للشمس بيزود ألتصاق الدهان بالسيارة و لكن فى الأول فقط او لو لسه العربية مدهونه جديد

تحياتى

[Hany Saad]

طب بعبدا بقى عن مشاكل الموتور والكلام ده
انا معايا فلوانس اوف وايت فوجأت النهارده ان الدهان الي على الاكصدام بيتمسح !!!!!! اااه والله العظيم بيتمسح في المنطقه الي بين صاج الشنطه ودوران الاكصدام على الرغم ان العربيه دايما متغطيه من الشمس وبستعمل منتجات سوناكس من wax و nano technology وشامبو غسيل وخلافه

فعلاً منطقة الأكصدام من المناطق اللى دهانها حساس جداً و ده موجود فى اى عربية لما بيكون الأكصدام مدهون بلون السيارة ( يعنى مش فبر مش مدهون)
هتلاقى على علب ال wax تحذير انك لازم تجرب منطقة صغيرة جداً مختفية من الحتة اللى عايز تعملها waxing لان مش كل الدهان بينفع معاه كل انواع ال wax مهما كان جودته ناهيك عن منطقة الأكصدامات و صدادات الأبواب الجانبية لانهم اكثر حساسية من اى منطقة اخرى

لذلك بتجرب منطقة صغيرة من الأكصدام زى مثلاً الحته اللى مش باينه منه لما تقفل الشنطة و بالنسبة لدهان السيارة نفسه بتجرب منطقة صغيرة زى جزء دوران الباب مثلاً

لو كله تمام بتكمل اما لو فيه مشاكل بيبقى الضرر اقل ما يمكن
اوافق الرأى اللى بيقول ان المنتجات دى أضرت دهان الأكصدام

تحياتى

[yasser100]

استاذى العزيز و للافاده و للجميع ما فيش داعى استخدام اى انواع منظفات كيماويه لجميع السيارات الحديثه و خصوصا الماركات الاوربيه لانه كل ماركات السيارات الاوروبيه بتستخدم
Water base paint يعنى اساسها مائي مش solvent base زى زمان و ده طبقا لقوانين الاتحاد الاوروبى للحد من تلوث البيئه و استخدام الكيماويات و خصوصا المذيبات و بالتالى هي اضعف و فى كل اجزاء السياره مش جزء واحد.
ما فيش داعى لاستخدام الكيماويات فى التنضيف لانه هايحصل زى ما حصل مع الزميل . كفايه ميه و صابون خفيف و بدون دعك لاى جزء من جسم العربيه

شكرا

[essamrh2011]

]طيب وبعدين هعمل ايه ؟؟؟؟؟؟؟؟؟؟؟؟؟؟؟؟؟؟