تيل الرينو الفلوانس

[sherif_ellethy]

السلام عليكم ورحمة الله وبركاته .. ورمضان كريم عليكم جميعا .. سؤال سريع وأرجو الإفادة من حضراتكم
انا معايا رينو فلوانس 2013 الشكل القديم .. E3 .. غيرت تيل الفرامل أول مرة عند 15000 كيلو ورغم اني حسيت ان المفروض لسه بدري لكن كان بدأ يصفر بشدة والتوكيل قاللي انه متآكل ولازم يتغير علشان ميبوظش الطنابير .. غيرته فعلا .. دلوقتي أنا عامل 30000 والتيل رجع يصفر من بقاله حوالي 4 شهور يعني من أو 23000 تقريبا يعني بعد تغييره ب 8000 كيلو .. سألتهم في التوكيل قالولي نوع التيل بتاعنا صديق للبيئه وخامته طبيعي انها تعمل صوت لأنه مطابق للمواصفات الأوروبية ولما سألت صديق قاللي كلامهم مظبوط لكن مش المفروض يتسبب في الصفارة بالسرعة دي ونصحني اني أغير التيل بره التوكيل بنوع فرنساوي تاني مش متذكر اسمه الحقيقة وقاللي انه أفضل ومفيهوش الصفارة دي.. ايه رأي حضراتكم في الكلام ده ؟؟

[yalahwy2010]

انا رأي ان تيل التوكيل احسن حاجة ....وماتضمنش التيل اللي برة
والصفارة ممكن تكون من شوية مية بييجوا علي الطنابير وهي سخنة.....لكن مادام التيل لسة فيه ماتغيروش.....وانا كذا تيل بيكون من التوكيل ساعات بلاقيه صفر وساعات مابيصفرش.....

[MohammedAladel]

كلامهم صحيح وبيعمل صفارة من أول ما بتركبه

[ramymechanics]

بص على مستوى زيت الفرامل لو نقصةيبقى التيل بيتاكل لو منزلش يبقى الصفارة دى خامة التيل او مش نضيف

[m_marmoush]

أغسل الطنابير والتيل بخرطوم مية فى محطة بنزين والصوت حيروح، عن تجربة هى مجرد شوية تراب بين التيل والطنابير

[MohammedAladel]

مش مجرد تراب والمياه ممكن تخفى الصوت بس بيرجع تانى ... والتيل الفاليو معروف إنه بيصفر والتيل الردئ بيصفر وأكيد الصفارة مختلفة

[MohammedAladel]

بص على مستوى زيت الفرامل لو نقصةيبقى التيل بيتاكل لو منزلش يبقى الصفارة دى خامة التيل او مش نضيف

مستوى الزيت مش بينقص لدرجة إنك تلاحظه خصوصا إن التيل لسة جديد وحتى النقص دا على المدى البعيد مع تآكل تيل ال 4 فرد

اللى عايز يعرف مستوى التيل يفك فردة الكاوتش ويبص بنفسه على التيل

[m_marmoush]

هو التيل الفالييو الخلفى بيتباع فين و بكام

[MohammedAladel]

هتلاقيه عند تجار قطع الغيار بس معرفش بتاع الفلوانس بكام ... بتاع الميجان الخلفى اشتريته من كام شهر ب 120