موقف غريب مع حرارة الموتور

[MoustafaElfaek]

السلام عليكم
يوم السبت اللى فات كان الجو حر زى مانتو عارفين, أخدت العربية ورحت بيها مشوار
المهم كنت مستنى والدى ينزل فبطلت العربية على ما ينزل, وخلال أقل من دقيقة لقيته نزل فدورت العربية تانى
أول ما الموتور اشتغل لاحظت ان الحرارة رفعت لحد قبل الخطر على طول فطفيت تانى شوية ورحت مشغل الباور من غير ما أدور الموتور عشان أشوف الحرارة لقيتها نزلت حاجة بسيطة أوى شيكت على المروحة لقيتها شغالة
المهم دورت العربية تانى لقيت الحرارة وطيت بسرعة أول ما الموتور اشتغل (وطبعا دورة المياة اشتغلت) ورجعت الحرارة للنص تانى
حد عنده تفسير للموقف ده؟

[hossamalsadik]

ممكن يكون ترموستات الكوعه علقت للحظات
حضرتك أستخدم مياه التبريد الموصى بها

[MoustafaElfaek]

ممكن يكون ترموستات الكوعه علقت للحظات
حضرتك أستخدم مياه التبريد الموصى بها

للأسف الميكانيكى لاغيها عندى وده اللى خلانى استغربت

[Abo_Mazen]

بص يا باشا ..كده الريداتير عندك واضح إنه شغال على تلكيكه ..أو شغال على ما تفرج ..أو شغال نص لبه ..أو شغال بنص روح ..سميها زي ما تسميها ..الكلام ده كان بيحصل معايا في العربية الألتو..كنت أول ما أدور ألاقي الحرارة هوووووووووب طالعه لفوق بسرعه وتعدي النص بحاجه كده إيه ..لا تذكر ..وبعدين هوب بسرعه كده تقوم راجعه للنص ..آه ..الكلام ده مش وهي بارده ..لأ ..وهي سخنه أو راجعه من مشوار ..كنت لما أبطل العربية وأنزل أشتري حاجه وأرجع كان يحصل كده ...ألاقي الحرارة هوووووووووووووب طالعه لفوق بسرعه وتعدي النص أو تدخل في مرحلة الخطر بحاجه بسيييييطه وبعدين تقوم راجعه للنص تاني ..حاجه كده صد رد زي ما بيقولوا ..أنا بصراحه كنت مطنش وكنت بقول ما دام بترجع للنص علطول ..متحطش في بالك ..لغاية ما بدأت تسخن فعلا وأنا ماشي ..وإكتشفت إن المشكلة كانت في الريداتير ..يارب أكون أفدتك

[MoustafaElfaek]

بص يا باشا ..كده الريداتير عندك واضح إنه شغال على تلكيكه ..أو شغال على ما تفرج ..أو شغال نص لبه ..أو شغال بنص روح ..سميها زي ما تسميها ..الكلام ده كان بيحصل معايا في العربية الألتو..كنت أول ما أدور ألاقي الحرارة هوووووووووب طالعه لفوق بسرعه وتعدي النص بحاجه كده إيه ..لا تذكر ..وبعدين هوب بسرعه كده تقوم راجعه للنص ..آه ..الكلام ده مش وهي بارده ..لأ ..وهي سخنه أو راجعه من مشوار ..كنت لما أبطل العربية وأنزل أشتري حاجه وأرجع كان يحصل كده ...ألاقي الحرارة هوووووووووووووب طالعه لفوق بسرعه وتعدي النص أو تدخل في مرحلة الخطر بحاجه بسيييييطه وبعدين تقوم راجعه للنص تاني ..حاجه كده صد رد زي ما بيقولوا ..أنا بصراحه كنت مطنش وكنت بقول ما دام بترجع للنص علطول ..متحطش في بالك ..لغاية ما بدأت تسخن فعلا وأنا ماشي ..وإكتشفت إن المشكلة كانت في الريداتير ..يارب أكون أفدتك

دانا لسة مغير الرادياتير....مركب واحد استيراد

[Abo_Mazen]

دانا لسة مغير الرادياتير....مركب واحد استيراد

إيه ده ..هو الريداتير في منه إستيراد ...!!؟؟
أنا عايز أسأل سؤال ..هو ممكن تيل الفرامل ييجي إستيراد ...هو ممكن فلتر البنزين ييجي إستيراد ...؟؟
الريداتير من الأجزاء المستهلكة ..يعني لازم يركب جديد ..ومفيش موديل عربيه موجود فيكي يا مصر تقريبا إلا وليها الريداتير بتاعها ..ده حتى البستاني بتاع الريداتير ممكن يفصلك الريداتير اللي إنت عاوزه ..عموما ..مش معنى الريداتير إستيراد يبقى كفاءة ..عادي جدا ..ممكن تلاقي في مواسير مسدوده نتيجة ركنته من يوم ما إتفك لغاية ما جه مصر وركب ..شوف حضرتك حد بتاع ريداتير نضيف ومحترم ..يدي الريداتير غسله بفلاش محترم ..وتكون غسله نضيفه ..وبلاش مية النار والمساحيق في التنظيف ..الفلاش كويس بس اللي هيغسل يستخدمه صح ..شوف كده ..وقولي على النتيجة

[MoustafaElfaek]

إيه ده ..هو الريداتير في منه إستيراد :t_thum1[1]: ...!!؟؟
أنا عايز أسأل سؤال ..هو ممكن تيل الفرامل ييجي إستيراد ...هو ممكن فلتر البنزين ييجي إستيراد ...؟؟
الريداتير من الأجزاء المستهلكة ..يعني لازم يركب جديد ..ومفيش موديل عربيه موجود فيكي يا مصر تقريبا إلا وليها الريداتير بتاعها ..ده حتى البستاني بتاع الريداتير ممكن يفصلك الريداتير اللي إنت عاوزه ..عموما ..مش معنى الريداتير إستيراد يبقى كفاءة ..عادي جدا ..ممكن تلاقي في مواسير مسدوده نتيجة ركنته من يوم ما إتفك لغاية ما جه مصر وركب ..شوف حضرتك حد بتاع ريداتير نضيف ومحترم ..يدي الريداتير غسله بفلاش محترم ..وتكون غسله نضيفه ..وبلاش مية النار والمساحيق في التنظيف ..الفلاش كويس بس اللي هيغسل يستخدمه صح ..شوف كده ..وقولي على النتيجة

معلش أنا آسف اعذر جهلى
الرادياتير من الأجزاء المستهلكة ازاى؟
الرادياتير حسب ما أنا فاهم يبوظ لو بدأ يملح....لكن غير كدة المهم يكون مش مخروم ومايكونش مسدود
لكن انه أجزاء مستهلكة.....أول مرة أسمع المعلومة دى
التيل مفهوم كويس ايه طبيعة استهلاكه والفلتر كمان لكن لا يمكن مقارنة دول بالرادياتير خاصة فى ظل وجود البديل الجديد غير الجيد
الفكرة بس ان الموضوع اتكرر كذا مرة اليومين اللى فاتوا, واكتشفت ان لما العربية بتسخن كدة, مجرد ما أبطل وأدور تانى الحرارة ترجع بسرعة للنص
أنا مش عارف ايه السبب, أنا شاكك فى المروحة رغم انى أظن انى شفتها شغالة (بس ده غالبا بيبقى بعد ما أبطل العربية ماحاولتش أشوفها شغالة والعربية بتسخن ولا لا لأنى ببقى خايف على العربية
وهل ممكن ثيرموستات الحرارة نفسه يبقى هو اللى بيهيس والعربية مش بتسخن ولا حاجة؟

[Abo_Mazen]

معلش أنا آسف اعذر جهلى
الرادياتير من الأجزاء المستهلكة ازاى؟
الرادياتير حسب ما أنا فاهم يبوظ لو بدأ يملح....لكن غير كدة المهم يكون مش مخروم ومايكونش مسدود
لكن انه أجزاء مستهلكة.....أول مرة أسمع المعلومة دى
التيل مفهوم كويس ايه طبيعة استهلاكه والفلتر كمان لكن لا يمكن مقارنة دول بالرادياتير خاصة فى ظل وجود البديل الجديد غير الجيد
الفكرة بس ان الموضوع اتكرر كذا مرة اليومين اللى فاتوا, واكتشفت ان لما العربية بتسخن كدة, مجرد ما أبطل وأدور تانى الحرارة ترجع بسرعة للنص
أنا مش عارف ايه السبب, أنا شاكك فى المروحة رغم انى أظن انى شفتها شغالة (بس ده غالبا بيبقى بعد ما أبطل العربية ماحاولتش أشوفها شغالة والعربية بتسخن ولا لا لأنى ببقى خايف على العربية
وهل ممكن ثيرموستات الحرارة نفسه يبقى هو اللى بيهيس والعربية مش بتسخن ولا حاجة؟

يا سيدي العفو ..مفيش جهل ولا حاجه ..بالنسبة لكلمة أجزاء مستهلكة ..فدي كلمة تعتبر نسبيه تختلف من شخص للتاني ..أنا عن نفسي بعتبر أي جزء في السيارة بيتعرض لظروف تشغيل قاسيه أو بيتعرض لسوائل أو موائع أو ليه عمر إفتراضي مقدر بعدد ساعات تشغيل من المصنع زي الدينامو مثلا أجزاء مستهلكه ..
ثانيا ..تقدر حضرتك تضمن لي إن الريداتير ده ككككككككككككل مواسيره سالكه ..أو السربنتينه بتاعته مفيهاش غلطه ..وبعدين أنا قلت لحضرتك الموقف ده حصل معايا بالضبط زي حضرتك ما حكيته كده ..وطلع في الآخر ريداتير شغال بنفص روح ..أو نص نفس..أو نص لبه ..إيه المانع إن الريداتير بتاع حضرتك يكون في صدا من جوا أو شوائب أو أي حاجه قفلت مواسير كتير ومخليه الريداتير شغال على آخره ومش شغال كويس ..إيه المشكلة في الإحتمال ده ..وخصوصا إن حضرتك جايبه إستخدام شخص تاني حضرتك متعرفوش ..وحضرتك متعرفش أصلا هل هو أكيد إستيراد ولا مش إستيراد ..يعني ممكن يكون خرج عربيه تانيه هنا في مصر ..عموما ..حاول تشوف إحتمال الريداتير الأول ..مش هتخسر حاجه غير غسله حلوه بفلاش محترم ..وهيبان في إيه

[eng.mohdm]

انا معايا عربية التو برضو هي عملت معايا كده دية اعراض تلف جزئي لجوان وش السلندر
بمعني ان جزء من الجوان باظ طب تتأكد ازي ... والعربية باردة افتح غطا الراديتير وشوف في
فقاقيع هوا ولا لا
لو في يبقي اكيد الجوان عايز يتغيير

[MoustafaElfaek]

خلاص الحمد لله عرفت المشكلة (بس هى غريبة شوية)
المروحة تقريبا بتهنج
أنا انهاردة وانا ماشى كنت مستنى المشكلة تحصل (بقت معتادة) أول ما حصلت مابطلتش العربية ونزلت بصيت على المروحة (الحرارة كانت يادوب عدت النص فعشان كدة سبت العربية دايرة)
المروحة لقيتها مش شغالة ومجرد ما بطفى الموتور وأدور تانى المروحة بتشتغل



أنزلها ويندوز دى ولا ايه؟؟؟
حد عنده تفسير؟

[dedo_ryo]

ممكن مقاومه المروحه و ممكن المروحه نفسها او حاجه تالته ............ الفيصل كهربائي المحترم اللي هيقول لحضرتك

[MoustafaElfaek]

ممكن مقاومه المروحه و ممكن المروحه نفسها او حاجه تالته ............ الفيصل كهربائي المحترم اللي هيقول لحضرتك

ماهو ده اللى انا ناوى أعمله
وبصراحة كويس انك فكرتنى ان دى مشكلة كهربا لأنى كنت هروح للميكانيكى

[Ahmed Selim]

كانت بتحصل معايا و طلعت المروحة

مش عارف فى حالتك ممكن تكون مقاومة و لا مروحة برضه.

و أنا بغير المروحة لقيت كمان الكورنر اللى فوق بتاع الردياتير اللى بيبقى مختفي ورا قميص المروحة و مش بيبان غير لما تفك المروحة.......لقيته بينشع مياه على خفيف.

كان ممكن أشوف حد يصلحه أو يلحمه بس أنا غيرته علشان مش بحب العك في أي حاجة ليها علاقة بالحرارة.

[MoustafaElfaek]

كانت بتحصل معايا و طلعت المروحة

مش عارف فى حالتك ممكن تكون مقاومة و لا مروحة برضه.

و أنا بغير المروحة لقيت كمان الكورنر اللى فوق بتاع الردياتير اللى بيبقى مختفي ورا قميص المروحة و مش بيبان غير لما تفك المروحة.......لقيته بينشع مياه على خفيف.

كان ممكن أشوف حد يصلحه أو يلحمه بس أنا غيرته علشان مش بحب العك في أي حاجة ليها علاقة بالحرارة.

المروحة كانت بتعلق ولما تبطل العربية وتشغلها تانى تشتغل؟
ملحوظة أنا لسة مغير الرادياتير

[Ahmed Selim]

اللى أنا متأكد منه أنها مكنتش بتشتغل على طول

اليوم اللى غيرتها فيه سخنت و أنا رايح للميكانيكي و على ما وصلت كانت عادية جداً

قعدت عنده ساعتين و سايبين العربية دايرة معظم الوقت.....شوية بالتكييف و شوية من غيره و في الأخر مش عارفين أيه المشكلة.

و أنا ماشي من عنده سخنت على بعد شارعين من عنده......لفيت ورجعت فتح الكبوت و بص و قالي المروحة مش شغالة.