كلمتين تقال على قلبي بس لازم يتقالوا

[Moratoz]

يا رااااااااااااجل بعتها ؟

طب كنت قول كنت هتلاقي هنا الف من يشتريها بحالتها دي !

انا عايز اقول لك معلومة بس شخصية , انا باركن الميجان بتاعتي احسن ما كنت باركن اللانوس اللي قبلها , بغض النظر عن نقطة الحجم , لأن مافيهاش بومبيهات , و خصوصا بعد ما ركبت باركينج سينسور

ياباشا المشكله مش فينا المشكله في سواقة الستتات
والحمد لله هي اتباعت بعد ساعتين من الأعلان وكان فيه واتينج ليست للمشترين حتي الشخص ئل اشتراها خاف ياخد معاد يروح يكشف عليها علشان ئل بعدة هيخلص فوري- الحمد لله وانا والله مكنتش مصدق انها هتتباع بالسهوله دي وخاصة اني عارف انها لا تباع بسهولة ويتم الأمر بعد تقديم تنازلات كبيرة والله كنت بجرب هتتباع ولا لأ .
بس والله فعلا انا ندمان اني بعتها وخصوصا أن زوجتي عايزة تركب افيو أو نيو أكسنت وبعدين بصراحه أكتشفت أننا بنختار العربيه علي مزاجنا احنا علشان نركبها مش علي مزاجهم واحتياجاتهم .
علي فكرة انا معروض عليا لوجان 2014 اوتوماتيك هاي لاين ماشيه 10.000 ك وعاملة صيانة ال 10.000 في التوكيل وايرباج وتحكم طارة وabs أيه رأيك هههههههههه ( هنعيد الأسئله من تاني بعد ما فهمت كل حاجة عن الميجان اروح أوجع عيني في مواضيع اللوجان ههه )
تحياتي

[تامر.محمد]

افيو و نيو اكسنت ؟

يا رب تكون المدام ساقت الميجان اللي جبتوها و لو مرة
عشان بعد ما تجيبوا افيو او نيو اكسنت .... تحسوا بالجريمة (قمة الاحباط) :(

[أسامه الحسيني]

لو ناوي ان شاء الله تشدها هاقترح عليك فكرة نجربها فيك و نشوف هاتفيد ولا لأ

افتح موضوع يبقى هو الملف بتاع عربيتك
ترص فيه المشاكل اللي في عربيتك في نقط , و اخر صيانة عملتها امتى و غيرت فيها ايه
و نبدأ نفكر فيها معاك

ان شاء الله هعمل بنصيحتك وبعد العيد هروح لفرنش موتورز اخليهم يكشفوا على العربيه ويطلعولى مقايسه وانقاشها معاكم ان شاء الله

[Moratoz]

افيو و نيو اكسنت ؟

يا رب تكون المدام ساقت الميجان اللي جبتوها و لو مرة
عشان بعد ما تجيبوا افيو او نيو اكسنت .... تحسوا بالجريمة (قمة الاحباط) :(

والله يا تامر بك ساقت ولا أي اندهاشة ):
علي فكرة أكتر حاجه عجبتي فيها هوا الباور والدركسيون سواء فس سلاسته علي الواقف او في تماسكه علي السرعات أكثر من رائع والعربيه تحس انها عارفه توسطن الدركسيون أزاي.

[MohammedAladel]

الله عليك يا هندسة

[تامر.محمد]

والله يا تامر بك ساقت ولا أي اندهاشة ):
علي فكرة أكتر حاجه عجبتي فيها هوا الباور والدركسيون سواء فس سلاسته علي الواقف او في تماسكه علي السرعات أكثر من رائع والعربيه تحس انها عارفه توسطن الدركسيون أزاي.

لا هي مش هاتعرف الا لما تسوق النيو اكسنت او الافيو
كان حقك خليتها ساقتهم الاتنين مع اي حد قبل ما تبيع و الله

[S O P H O S]

كلام سليم الناس بتحب تعمم

[Super_Star_h]

الميجان حالتها هى اللى بتفرق
ومعظم الميجان متهانه بشكل غير طبيعى
من اصحابها ومن اللى بيشتغلو فيها
عن نفسى عربيتى جابت مكنه بعد ما اشتريتها وحطيت واحده استيراد
وبعدين جددت ليها العفشه الاماميه لانها بقت بتخبط
انا بحيى العربيه من تانى عشان اركبها ومش ناوى على بيع
انا عايز اقول بس
ان العربيه دى موجوده فى الشارع من حوالى 10 سنين
لازم تفتح بؤها لان كل قطعه فيها ليها عمر افتراضى
ده فيه عربيات زيرو دلوقتى بتبقى جايه بمشاكلها !
وقطع غيار الميجان انا مش شايفها غاليه ولا حاجه
ولو قارنتها بأى عربيه فى نفس فئتها او اعلى منها بشويه مش هتلاقى فرق
واي مسمار فى العربيه دى انت عايزه هتلاقيه عند بتوع الاستيراد وبسعر معقول زيها زي اى عربيه تانيه
المشكله ان اسم ( رينو ) فى مصر بقى جريمه

[Moratoz]

مشكله الميجان الحقيقيه انا الموديلات الأولي منها مع غلو اسعار الصيانه لها فأن عدد كبير من مالكها حب يتعامل معها علي انها تعديل زيها زي الاكسنت والدليل وممكن الميكانيكي البلدي يشتغل فيها ومع عدم انتشار الميكانيكيه خارج التوكيل في هذا الوقت فكانت النتيجة الجريمه في حق الميجان طبعا الراجل مش فاهم حاجه ويقول لصاحب العربيه دي سأعمل مقرفه وكلها كهربا وبتاع وطبعا العربيات دي اتلعب فيها بنا فيه الكفايه لتشويه هذه السياره الرائعه
بدليل ان هناك بعض السيارات التي تم المحافظة علي صيانتها بالتوكيل ولا زالت تؤدي بسلاسة ودون مشاكل تختلف عن باقي السيارات الاخري فالعبره في هذه السياره بطرق المحافظة عليها وصيانتها
تحياتي

[MoustafaElfaek]

أنا بقى العربية من ساعة ما اشتريتها مطلعة عينى
ومع ذلك بفكر أبيعها دلوقتى (يمكن تمشى مع غيرى كويس) وبفكر أدور على واحدة تانية يمكن تظبط معايا