Tweet
[SIZE="6"]السلام عليكم
أرجو الإفادة فيما يلى من المشاكل التى ظهرت فى الميجان
بدأت المشكلة منذ حوالى أربعة شهور, حيث توقفت السيارة فجأة بدون ظهور اى الارم على كمبيوتر الاعطال.
وبعد حضور الميكانيكى وجد كسر فى الغطاء المعدنى الموجود فوق سير الكاتينة, وبعد رفع السيارة على الونش وال\هاب إلى الورشة وبعد الفحص أخبرنى الميكانيكى أن هذا الجزء المكسور تسبب فى تلف بعض الأجزاء فى المحرك, وتم تغيير ترس الديفيزر وطلمبة الزيت وطقم صبابات وجوان وش سلندر وسير كاتينة وزيت محرك ولا أدرى هل تم تغيير فلتر الزيت أم لا.
وكانت حالة السيارة جيدة بعد الإصلاح.
وفى يوم 18/5 السابق, وأثناء سفرى من السويس إلى طنطا وبعد حوالى 20 كم من السير بالسيارة توقفت السيارة على الطريق فجأة وبدون مقدمات وكان هناك دفعة من المياه على الزجاج الأمامى وظهرت رسالة check injection على كمبيوتر الأعطال .
توقفت بالسيارة على جانب الطريق وحاولت إدارتها أكثر من مرة ولكن لا فائدة.
اتصلت بالميكانيكى سالف الذكر وأخبرته بما حدث فأرسل لى ونش لرفع السيارة والذهاب إلى الورشة لفحص السيارة.
ونظراً لظروف عملى سافرت فى اليوم التالى مباشرة وتركت السيارة للميكانيكى, واتصل بى فى اليوم التالى واخبرنى أنه عند فحص السيارة وجد أن فلتر الهواء مملوء بمياه التبريد( راكب فلتر K&N) , وأنه سيفحص المحرك ليعرف ماذا حدث بالضبط.
وتلقيت اتصالأ آخر يخبرنى انه بعد فك وش السلندر وجد ان هناك بستم مكسور وبالتالى السيارة تحتاج محرك جديد.
سألته عن تكلفة المحرك فأخبرنى ان المحرك الجيد هيتفك من نص عربية هيعمله حوالى 8 أو 9 آلاف جنيه.
ولارتفاع التكلفة قررت أن أتركها فترة حتى أستطيع تدبير المبلغ.
وبعد أيام أخبرنى الميكانيكى أنه يستطيع أن يصلح المحرك بتغيير البستم المكسور وعمل شبه عمرة للمحرك وستعود السيارة أفضل مما كانت حيث سيقوم بتغيير طقم شنبر وأويل سيل وطقم بنز للبستم وتغيير وش السلندر وخراطة أجزاء المحرك وستكون التكلفة من 3000 إلى 4500 جنيه.
وبعد سؤال أكثر من طرف منهم مهندس الصيانة فى مركز عثمان فى فيصل قررت أن أقوم بإصلاح المحرك مع العلم أن هذا الميكانيكى اسمه عمرو كمال وكان يعمل فى مركز فرنش موتورز وهو الميكانيكى الوحيد المتخصص فى الرينو فى السويس.
وبعد حوالى شهر استلمت السيارة وكانت حالتها لا تسر,صوت ورة عالى مع تشغيل السيارة, صوت المحرك عالى عن الطبيعى, استهلاك البنزين عالى( حوالى 20لتر لكل 100كم), التكييف ساعات لما أشغله العربية تبطل, سحب العربية مختلف تماماً للأسوأ,حاسس بسخونة عند رجلى جاية من فوق الدواسات, وكل ما أكلم الميكانيكى يقولى بعد ما العربية تعمل ألف كم كل حاجة هتتظبط, وبدأ يتهرب منى كل ما أكلمه عشان أروحله يظبط العربية يقولى انا مسافر , أبويا تعبان وانا عنده فى القاهرة وهكذا حتى تأكدت أنه يكذب وأنه متواجد فى الورشة ولا يريد أن أذهب إليه.
آخر موقف حصل معايا كان يوم الأربعاء السابق كنت مسافر من السويس لطنطا ومعايا الأسرة وفى منتصف المسافة بين السويس والقاهرة بدأت حالة السيارة تسوء, صوت المحرك عالى والصوت زى الكركرة مع دواسة البنزين تقريباً زى الصوت اللى بيحصل لما تكون طالع بالعربية من الثبات على التالت أو الرابع. والصوت ده موجود طول الطريق وبيعلى كل ما أزود بنزين. فى أول الطريق الزراعى كانت الدنيا زحمة جداً والطريق واقف العربية لما تقف وأجى أطلع تانى تقريباً مبتسحبش خالص والصوت عالى جداً وعشان أعرف أحرك العربية كنت أدوس على البنزين سنة صغيرة وأشيل رجلى تانى وهكذا حتى تتحرك السيارة , وحرارة العربية بدأت تعلى وتوطى لحد ما وصلت تقريباً للشرطة الى قبل الأخيرة.
وبعد ما الطريق فتح الحرارة ظبطت على النص تانى. وفضلت ماشى على سرعة 110 بالكتير لحد ما وصلت بسلامة الله إلى طنطا بعد رحلة عذاب أتمنى ألا يراها أحد.
كنت هوديها لمركز العدوى( مركز خدمة معتمد) يوم الخميس بس للأسف اتأخرت وملحقتش.
وديتها لميكانيكى فى طنطا كنت عملت عنده شغل قبل كدة طلع بالعربية معايا ولما سمع الصوت اللى فى بداية التشغيل قالى ده صوت مجول العزم وده ممكن يخلى المكنة تبوظ وان الموضوع ده حصل معاه فى عربية قبل كدة, ومينفعش أسافر بالعربية خالص وان لازم المكنة تتفك وتتظبط والموضوع هيتكلف فى حدود 2000 جنيه عشان يشد المكنة .
طبعاً أنا سبته ومشيت واضطريت انى أرجع للسويس مواصلات أنا والأسرة وسبت العربية فى طنطا.
طبعاً دلوقتى انا ندمان أشد الندم انى عملت شغل فى المكنة وانى مجبتش مكنة استيراد خصوصاً ان تكلفة الحاجات اللى عملتها دخلت فى 6500 جنيه الونتيجة زى ما حكيت,
المشكلة انى محتاج فلوس وعاوز أبيع العربية وطبعاً مينفعش أبيعها بالحالة دى وإلا هيتخسف بيها الأرض ده إذا لقيت حد يشتريها من الأصل, ومش عارف الميكانيكى ده هعمل معاه ايه وممكن أوصل معاه لإيه, واضح ان الشغل اللى عمله زى الزفت والمكنة كدة حالتها زى الزفت,
أنا ناوى أوديها للتوكيل يكشفوا عليها ويطلعوا تقرير وأروح للميكانيكى ده نشوف ايه اللى ممكن يتعمل.
السؤال دلوقتى الأعراض اللى حصلت معايا دى بتقول ان المكنة خلاص متنفعش خالص ولا حاجات ممكن تتصلح, ولو فرضاً انها حاجات تتصلح هل الشغل اللى اتعمل فى المكنة ده يخسف سعر العربية ولا عادى,
ولو هضطر انى أغير المكنة الميكانيكى ده هيكون وضعه ايه, هل يتحملها هوا ولا هلبس أنا الفلوس اللى اتدفعت وهوا مليش عنده حاجة.
وياريت اللى يقدر يقيم سعر العربية ,, هى 2005 بانوراما عاملة 74000 فرش جلد وراكبلها جنوط 17 235/45.
انا آسف جداً على الإطالة
وجزاكم الله خير على المساعدة
أرجو الإفادة فيما يلى من المشاكل التى ظهرت فى الميجان
بدأت المشكلة منذ حوالى أربعة شهور, حيث توقفت السيارة فجأة بدون ظهور اى الارم على كمبيوتر الاعطال.
وبعد حضور الميكانيكى وجد كسر فى الغطاء المعدنى الموجود فوق سير الكاتينة, وبعد رفع السيارة على الونش وال\هاب إلى الورشة وبعد الفحص أخبرنى الميكانيكى أن هذا الجزء المكسور تسبب فى تلف بعض الأجزاء فى المحرك, وتم تغيير ترس الديفيزر وطلمبة الزيت وطقم صبابات وجوان وش سلندر وسير كاتينة وزيت محرك ولا أدرى هل تم تغيير فلتر الزيت أم لا.
وكانت حالة السيارة جيدة بعد الإصلاح.
وفى يوم 18/5 السابق, وأثناء سفرى من السويس إلى طنطا وبعد حوالى 20 كم من السير بالسيارة توقفت السيارة على الطريق فجأة وبدون مقدمات وكان هناك دفعة من المياه على الزجاج الأمامى وظهرت رسالة check injection على كمبيوتر الأعطال .
توقفت بالسيارة على جانب الطريق وحاولت إدارتها أكثر من مرة ولكن لا فائدة.
اتصلت بالميكانيكى سالف الذكر وأخبرته بما حدث فأرسل لى ونش لرفع السيارة والذهاب إلى الورشة لفحص السيارة.
ونظراً لظروف عملى سافرت فى اليوم التالى مباشرة وتركت السيارة للميكانيكى, واتصل بى فى اليوم التالى واخبرنى أنه عند فحص السيارة وجد أن فلتر الهواء مملوء بمياه التبريد( راكب فلتر K&N) , وأنه سيفحص المحرك ليعرف ماذا حدث بالضبط.
وتلقيت اتصالأ آخر يخبرنى انه بعد فك وش السلندر وجد ان هناك بستم مكسور وبالتالى السيارة تحتاج محرك جديد.
سألته عن تكلفة المحرك فأخبرنى ان المحرك الجيد هيتفك من نص عربية هيعمله حوالى 8 أو 9 آلاف جنيه.
ولارتفاع التكلفة قررت أن أتركها فترة حتى أستطيع تدبير المبلغ.
وبعد أيام أخبرنى الميكانيكى أنه يستطيع أن يصلح المحرك بتغيير البستم المكسور وعمل شبه عمرة للمحرك وستعود السيارة أفضل مما كانت حيث سيقوم بتغيير طقم شنبر وأويل سيل وطقم بنز للبستم وتغيير وش السلندر وخراطة أجزاء المحرك وستكون التكلفة من 3000 إلى 4500 جنيه.
وبعد سؤال أكثر من طرف منهم مهندس الصيانة فى مركز عثمان فى فيصل قررت أن أقوم بإصلاح المحرك مع العلم أن هذا الميكانيكى اسمه عمرو كمال وكان يعمل فى مركز فرنش موتورز وهو الميكانيكى الوحيد المتخصص فى الرينو فى السويس.
وبعد حوالى شهر استلمت السيارة وكانت حالتها لا تسر,صوت ورة عالى مع تشغيل السيارة, صوت المحرك عالى عن الطبيعى, استهلاك البنزين عالى( حوالى 20لتر لكل 100كم), التكييف ساعات لما أشغله العربية تبطل, سحب العربية مختلف تماماً للأسوأ,حاسس بسخونة عند رجلى جاية من فوق الدواسات, وكل ما أكلم الميكانيكى يقولى بعد ما العربية تعمل ألف كم كل حاجة هتتظبط, وبدأ يتهرب منى كل ما أكلمه عشان أروحله يظبط العربية يقولى انا مسافر , أبويا تعبان وانا عنده فى القاهرة وهكذا حتى تأكدت أنه يكذب وأنه متواجد فى الورشة ولا يريد أن أذهب إليه.
آخر موقف حصل معايا كان يوم الأربعاء السابق كنت مسافر من السويس لطنطا ومعايا الأسرة وفى منتصف المسافة بين السويس والقاهرة بدأت حالة السيارة تسوء, صوت المحرك عالى والصوت زى الكركرة مع دواسة البنزين تقريباً زى الصوت اللى بيحصل لما تكون طالع بالعربية من الثبات على التالت أو الرابع. والصوت ده موجود طول الطريق وبيعلى كل ما أزود بنزين. فى أول الطريق الزراعى كانت الدنيا زحمة جداً والطريق واقف العربية لما تقف وأجى أطلع تانى تقريباً مبتسحبش خالص والصوت عالى جداً وعشان أعرف أحرك العربية كنت أدوس على البنزين سنة صغيرة وأشيل رجلى تانى وهكذا حتى تتحرك السيارة , وحرارة العربية بدأت تعلى وتوطى لحد ما وصلت تقريباً للشرطة الى قبل الأخيرة.
وبعد ما الطريق فتح الحرارة ظبطت على النص تانى. وفضلت ماشى على سرعة 110 بالكتير لحد ما وصلت بسلامة الله إلى طنطا بعد رحلة عذاب أتمنى ألا يراها أحد.
كنت هوديها لمركز العدوى( مركز خدمة معتمد) يوم الخميس بس للأسف اتأخرت وملحقتش.
وديتها لميكانيكى فى طنطا كنت عملت عنده شغل قبل كدة طلع بالعربية معايا ولما سمع الصوت اللى فى بداية التشغيل قالى ده صوت مجول العزم وده ممكن يخلى المكنة تبوظ وان الموضوع ده حصل معاه فى عربية قبل كدة, ومينفعش أسافر بالعربية خالص وان لازم المكنة تتفك وتتظبط والموضوع هيتكلف فى حدود 2000 جنيه عشان يشد المكنة .
طبعاً أنا سبته ومشيت واضطريت انى أرجع للسويس مواصلات أنا والأسرة وسبت العربية فى طنطا.
طبعاً دلوقتى انا ندمان أشد الندم انى عملت شغل فى المكنة وانى مجبتش مكنة استيراد خصوصاً ان تكلفة الحاجات اللى عملتها دخلت فى 6500 جنيه الونتيجة زى ما حكيت,
المشكلة انى محتاج فلوس وعاوز أبيع العربية وطبعاً مينفعش أبيعها بالحالة دى وإلا هيتخسف بيها الأرض ده إذا لقيت حد يشتريها من الأصل, ومش عارف الميكانيكى ده هعمل معاه ايه وممكن أوصل معاه لإيه, واضح ان الشغل اللى عمله زى الزفت والمكنة كدة حالتها زى الزفت,
أنا ناوى أوديها للتوكيل يكشفوا عليها ويطلعوا تقرير وأروح للميكانيكى ده نشوف ايه اللى ممكن يتعمل.
السؤال دلوقتى الأعراض اللى حصلت معايا دى بتقول ان المكنة خلاص متنفعش خالص ولا حاجات ممكن تتصلح, ولو فرضاً انها حاجات تتصلح هل الشغل اللى اتعمل فى المكنة ده يخسف سعر العربية ولا عادى,
ولو هضطر انى أغير المكنة الميكانيكى ده هيكون وضعه ايه, هل يتحملها هوا ولا هلبس أنا الفلوس اللى اتدفعت وهوا مليش عنده حاجة.
وياريت اللى يقدر يقيم سعر العربية ,, هى 2005 بانوراما عاملة 74000 فرش جلد وراكبلها جنوط 17 235/45.
انا آسف جداً على الإطالة
وجزاكم الله خير على المساعدة
Comment