جبت شورت بلوك ... نصيحه لله

[mardellyvip]

انا هاحكيلكو اللى حصل معايا بالتفصيل عشان ماحدش يقع فى اللى انا عملتو انا كنت فى اكتوبر وراجع الزقازيق ع المحور كنت ماشى عادى وفجاءة حسيت انا العربية مابتزودش بنزين وطلعلى رسالة check injection ركنت ع جنب وجبت ميكانيكى فضل يشوف العربية وبص ع فلتر البنزين لقيت ان الفلتر منزل زفت بمعنى كلمة زفت لون غريب كدا مش لون بنزين قالى دا عيب بنزين المهم العريبة اشتغلت وقالى شوف الرشاشات وقضلت الرسالة شغالة انا قلت خلاص اشوف اى حد ف طريقى نزلت على مركز كدا ف الطريق ع الدايرى قلتلو بصلى ع الرشاشات قالى مابشتغلش ف الرينو قلتلو اعمل اية ممكن امشى عليها عادى كدا لحد ماوصل الزقازيق عشان انا كنت تعبان اوى قالى عادى امشى ع مهلك المهم انا كملت لحد قبل الزقازيق كدا والعربية كان اخرها 90 سمعت صوت حاجة ببتكسر ركنت تانى و العربية مش راضية تدور خالص بعد كدا جبت ونش واديتها ميكانيكى شاطر معروف ف الزقازيق قالى هابصلك ع الموتور لقى ان ف بستم اتكسر مش اتكسر دا اتفرم وفى حجات تانية كتير انا مافهمتهاش ونصحنى ان انا اجيب شورت بلوك قلتلو طيب ماينفعش عمرة قالى ينفع بس هاتتكلف فى حدود من من 3000 ل 5000 سالت ناس كتير قالولى ماتعملش كدا طبعا هات شورت بلوك احسن وكدا تبقى اديك كسبت موتور يعتبر جديد المهم نزلت صقر قريش وجبت شورت بلوك موديل 2007 ب 6800 جنية بالعافية اودلوقتى بقالى اسبوع ماشى عليها بس بقيت قلقان من كل حاجة مع انها ماشية كويس سالت الميكانيكى اية السبب ف دا قالى احتمال كبير دى تبقى ماية ع البنزين وانت غلطت ان انت مشيت بيها المسافة دى كلها قلتلو عايز ابيعها وخلاص قالى لا استنى شوية امشى بيها وهيا كدا تمام انت لسة صارف عليها كتيير وماحدش هايقدر انت غيرت موتور جديد ..... انا طولت عليكو بس قلت اقلكو بالتفصيل عشان ماحديش يغلط نفس الغلطة
ونصيحة تانية ماحدش يعمل عمرة لان دا مش مضمون وممكن ترجع تانى تشتري شورت بلوك ودا حصل لزميل معانا هنا فالمنتدى ودا برضة ع حسب حالة الموتور

[mardellyvip]

العربية بتاعتى ميجان موديل 2005

[MohammedAladel]

قدر الله وماشاء فعل ... ربنا يجازيهم خربوا بيوتنا

[Ahmedmahereng]

الميكانيكي دا أبو زيد و لا حد تاني ؟

[abdelshafy85]

أنا الزميل اللى لبس فى عمرة عالفاضى, الحمد لله قدر الله وما شاء فعل,,
الواحد مبيتعلمش ببلاش.

انت كدة عملت الصح وانشاء الله العربية تبقى كويسة , بس نصيحة عن تجربة, العربية دى لما بتفتح بتبقى موجعة جداً وده عن تجربة , انا فى آخر 7 أو 8 شهور صرفت 3000 ثم 4500 ثم 6500 ولسة محتاج أغير موتور ويا عالم ايه تانى ,مع انها كانت زى الفل قبل كدة وكنت كتير ناس بتوقفنى فى الشارع وعاوزة تشترى العربية.
انت تظبطها وتتأكد ان حالتها بقت كويسة وتبيعها قبل ما تفتح تانى معاك, ممكن يكون الخير مش مكتوبلك مع العربية دى بالذات وممكن يكون خيرها مع حد تانى.

ربنا يحفظنا جميعاً ...

بس هوا فى حاجة غريبة ازاى بستم يتكسر بالطريقة دة فجأة وبدون مقدمات؟؟؟؟؟؟؟؟؟؟؟؟؟!!!!!!!!!!!!!!!!!
أنا شفت البستم اللى طالع من العربية عندى كان متبهدل مع ان قبل ما العربية تقف بيا عالطريق كنت ماشى طبيعى جداً على 140 أو 150
هل فى حد عنده تفسير؟؟؟؟؟؟؟؟؟؟؟؟؟؟

[mardellyvip]

الميكانيكي دا أبو زيد و لا حد تاني ؟

الميكانيكى دا ف الزقازيق مش ف القاهرة ابوزيد دا هنا ف اكتوبر

[أسامه الحسيني]

أنا الزميل اللى لبس فى عمرة عالفاضى, الحمد لله قدر الله وما شاء فعل,,
الواحد مبيتعلمش ببلاش.

انت كدة عملت الصح وإن شاء الله العربية تبقى كويسة , بس نصيحة عن تجربة, العربية دى لما بتفتح بتبقى موجعة جداً وده عن تجربة , انا فى آخر 7 أو 8 شهور صرفت 3000 ثم 4500 ثم 6500 ولسة محتاج أغير موتور ويا عالم ايه تانى ,مع انها كانت زى الفل قبل كدة وكنت كتير ناس بتوقفنى فى الشارع وعاوزة تشترى العربية.
انت تظبطها وتتأكد ان حالتها بقت كويسة وتبيعها قبل ما تفتح تانى معاك, ممكن يكون الخير مش مكتوبلك مع العربية دى بالذات وممكن يكون خيرها مع حد تانى.

ربنا يحفظنا جميعاً ...

بس هوا فى حاجة غريبة ازاى بستم يتكسر بالطريقة دة فجأة وبدون مقدمات؟؟؟؟؟؟؟؟؟؟؟؟؟!!!!!!!!!!!!!!!!!
أنا شفت البستم اللى طالع من العربية عندى كان متبهدل مع ان قبل ما العربية تقف بيا عالطريق كنت ماشى طبيعى جداً على 140 أو 150
هل فى حد عنده تفسير؟؟؟؟؟؟؟؟؟؟؟؟؟؟

ممكن يكون سير الكاتينه اتقطع ودا تسبب فى ان الصبابات نزلت او دقرت فى اخر الشوط بتاعها ودا تسبب فى كسر البستم
وممكن الصبابات دقرت ودا تسبب فى كسر البستم
وبنا يعوض عليك خير
ومعلش سؤال انا اهلي فى الزقازيق ممكن تقولى بتصلح عند مين فى الزقازيق اهوا ينفع برده وقت زنقه ؟

[mardellyvip]

أنا الزميل اللى لبس فى عمرة عالفاضى, الحمد لله قدر الله وما شاء فعل,,
الواحد مبيتعلمش ببلاش.

انت كدة عملت الصح وإن شاء الله العربية تبقى كويسة , بس نصيحة عن تجربة, العربية دى لما بتفتح بتبقى موجعة جداً وده عن تجربة , انا فى آخر 7 أو 8 شهور صرفت 3000 ثم 4500 ثم 6500 ولسة محتاج أغير موتور ويا عالم ايه تانى ,مع انها كانت زى الفل قبل كدة وكنت كتير ناس بتوقفنى فى الشارع وعاوزة تشترى العربية.
انت تظبطها وتتأكد ان حالتها بقت كويسة وتبيعها قبل ما تفتح تانى معاك, ممكن يكون الخير مش مكتوبلك مع العربية دى بالذات وممكن يكون خيرها مع حد تانى.

ربنا يحفظنا جميعاً ...

بس هوا فى حاجة غريبة
ازاى بستم يتكسر بالطريقة دة فجأة وبدون مقدمات؟؟؟؟؟؟؟؟؟؟؟؟؟!!!!!!!!!!!!!!!!!
أنا شفت البستم اللى طالع من العربية عندى كان متبهدل مع ان قبل ما العربية تقف بيا عالطريق كنت ماشى طبيعى جداً على 140 أو 150
هل فى حد عنده تفسير؟؟؟؟؟؟؟؟؟؟؟؟؟؟

والله دايما بقول احسن من غيرى الواحد بيشوف ع الطريق عربيات ربنا يحفظنا
بس حكاية البستم دى مش عارف اية سببها والعربية كانت ماشية كويس وبجيب بيها 150 مرتاح بس الميكانيكى قالى ان العربية جمعت مياة مع البنزين والبنزيت بيتحرق عادى لكن المياة لا فدا ممكن يكون السبب

[Ahmedmahereng]

الميكانيكى دا ف الزقازيق مش ف القاهرة ابوزيد دا هنا ف اكتوبر

ياباشا انا من الزقازيق برضه ... بسأل على الميكانيكي علشان شكله بيفهم و عندنا ابوزيد فى الزقازيق برضه و الله عند الاحرار

[mardellyvip]

ممكن يكون سير الكاتينه اتقطع ودا تسبب فى ان الصبابات نزلت او دقرت فى اخر الشوط بتاعها ودا تسبب فى كسر البستم
وممكن الصبابات دقرت ودا تسبب فى كسر البستم
وبنا يعوض عليك خير
ومعلش سؤال انا اهلي فى الزقازيق ممكن تقولى بتصلح عند مين فى الزقازيق اهوا ينفع برده وقت زنقه ؟

سير الكاتتينى ماتقطعش وركبت زى ماهو تانى
الميكانيكى دا اسمة البدرى فى الزراعة ناحية طريق ابوحماد وعندة جهاز كشف الاعطال

[أسامه الحسيني]

سير الكاتتينى ماتقطعش وركبت زى ماهو تانى
الميكانيكى دا اسمة البدرى فى الزراعة ناحية طريق ابوحماد وعندة جهاز كشف الاعطال

مبرووك الاصلاح وربنا يجعلها اخر الاحزان
معلش ممكن رقم تليفون الميكانيكى ومكانه فين بالضبط لانى بنزل الزقازيق كتير ويمكن احتاجه

[Super_Star_h]

مواتير الميجان دى مش عارف ايه حكايتها !
انا لسه مسقط شورت بلوك من فتره برضو

[Abo_Mazen]

عدم نظافة بنزين تكسر بستم ...أحيييييه ..ده إيه الرعب ده ..ده بقى المفروض بنزين مخلوط بزيت أو مازوت ..وده واضح من كلام حضرتك لما قلت إن الفلتر منزل سائل لونه إسود مش بنزين