حوار عن أعطال رينو هنا و بالخارج

[أبو عبدالله]

احب ان اضيف لأعطال الميجان
ان الأعطال اللي هنا نفس الاعطال خارج مصر
وشوف هنا الناس بتقول ايه

http://answers.yahoo.com/question/in...6123158AAPif41

_________________________
تم النقـــل إلى موضوع جديــــد

الإدارة - 3

[Ahmed Selim]

http://answers.yahoo.com/question/in...6123158AAPif41

The question has been Deleted
ده غير أن الموضوع خاص بملاك ميجان فى مصر مش بره مصر........
ما أحنا لو فتحنا فى تجميع شكاوى من أنحاء العالم لأى نوع عربيات...يبقى مش هنخلص

[أبو عبدالله]

اللنك شغال وموجود تاني اهه

http://answers.yahoo.com/question/in...6123158AAPif41

بس نعمل ايه ربنا يهدينا

[Ahmed Selim]

Oops We are sorry, the URL you have entered cannot be displayed

و بعدين مش أنا قلت لحضرتك أن التوبيك دى خاصة بمالكى رينو من أعضاء المنتدى عشان أحنا بنكتب فيها العطل كان أيه و أعراضه أيه وأتصلح فين وأتكلف كام ؟؟
...أكيد حضرتك مخدتش بالك......... :)

ممكن حضرتك تعمل توبيك جديد تحط فيه اللى أنت عاوزه

أرجو الألتزام عشان اللى يدخل بعد كده على اللينك دى ميتوهش وشكراً

ربنا يهدى الجميع

[farahat]

احب ان اضيف لأعطال الميجان
ان الأعطال اللي هنا نفس الاعطال خارج مصر
وشوف هنا الناس بتقول ايه

http://answers.yahoo.com/question/in...6123158AAPif41

مش فاهم يا أخ أبو عبد الله إنت بتحاول تثبت إيه ، يمكن أقدر أساعدك ؟

[أبو عبدالله]

مش فاهم يا أخ أبو عبد الله إنت بتحاول تثبت إيه ، يمكن أقدر أساعدك ؟

أهلا بك أخي فرحات

كل ما في الأمر اني لقيت ان الكلام اللي هما بيقولوا عليه زي اللي انا بشوفه هنا في مصر بالظبط
يعني المشاكل اللي بتكلموا فيها هيا هيا اللي هنا

فحبيت اضيف هنا لأي واحد بيسال عن العربيه
زي ما الأخوه مالكي العربيه بينكروا المشاكل

حرية الرأي مش كده ولا ايه

[Ahmed Selim]

يعني المشاكل اللي بتكلموا فيها هيا هيا اللي هنا

فحبيت اضيف هنا لأي واحد بيسال عن العربيه
زي ما الأخوه مالكي العربيه بينكروا المشاكل

يا ريت يا أخ أبو عبد الله ما تلقيش بالتهم جُـزافاً وتتهمنا بعدم النزاهة أو التحيز......خصوصاً ان ساعدتك متعرفناش

[megane_man]

انا قريت الي مكتوب في اللينك الي حضرتك حطه وحسب ثقافتي اللغوية مش شايف انهم قالو حاجة أكثر من الي ملاكها قالوه عن أعطالها فيريت لو انت شايف ان في حاجة غير كده تترجملي لو سمحت

[Ahmed Selim]

انا قريت الي مكتوب في اللينك الي حضرتك حطه وحسب ثقافتي اللغوية مش شايف انهم قالو حاجة أكثر من الي ملاكها قالوه عن أعطالها فيريت لو انت شايف ان في حاجة غير كده تترجملي لو سمحت

تصدق يا باشا اللينك مكنتش بتفتح عندى فى الأول بس فتحت دلوقتى و أستغربت جداً...........عارف ليه ؟

لأنى لقيت معظم الناس مش بتشتكى من حاجة معينة ده غير أن السؤال كله بخصوص رينو والردود متضمنة الميجان والكليو وسينيك والسباس والثانك........يعنى مكانه مش فى التوبيك ده أصلاً.........
مش هى دى اللينك ؟؟؟

http://answers.yahoo.com/question/index?qid=20070206123158AAPif41

ده جزء من اللى فيها

Renault electrics are notoriously bad. I have an 04 Megane which has been fine up till now. It is now about three years old and I am starting to have trouble with the starter switch, I have just had to replace the ignition coil (under waranty), my drivers window sticks occasionally. On the plus side the engines are very good.

Hope that helps.
_________________________________________
go for a renault i have a renault clio 7 years old which has not broken down once very reliable ignore your dads advice
__________________________________________
I have driven a Renault Megane & it drove perfectly well. I have had a Laguna & they are good cars as well.
I suggest you buy second hand rather than new because they drop their price as most french cars do.
____________________________________
renaults are not too bad nowadays ,but obviously not as reliable or as well built as japanese or german ,but then they cost a lot less .
____________________________________
My wife and I are on our 4th Renault in 4 years. All bought out of passion rather than they were unreliable.

We had a Clio 1.5dCi which was then upgraded to a Clio 182 which was then traded in for a new style Clio 1.5dCi which we've just recently changed to a Megane Scenic.

Not one of the cars had a problem apart from the stiches on the 182's seat started coming apart.

Early Mk2 Lagunas had a few electrical niggles that has tarred the rest of the range, but every other car seems to be OK.
_____________________________________________
I've got a Megane Classic... manufactured in 2001... bought it for new... It still runs perfectly... I replaced only the stuff that needs replacing anyway because it says so in the car's manual... nothing else whatsoever... If you do get a Megane stick to larger engines... minimum a 1.6 16v engine...better the 1.9d.

المجموع 16 تعليق منهم 5 ما بين معارض لرينو أو رأيه مش واضح والباقى بيشكروا فيها.......
أيه الجديد فين المشاكل المتعلقة بالميجان مش مذكورة هنا ؟؟؟؟
هيا فين أصلاً مشاكل الميجان 2 اللى فى اللينك ؟؟؟؟؟؟؟؟؟؟؟
فى 2 فى اللينك معاهم ميجان واحد معاه ميجان 1 ( مو 2001 ) يعنى مش خاصة بالموضوع ده......والتانى معاه ميجان مش كاتب موديل بس كده كده بيشكر فيها

لا حول ولا قوة الا بالله العلى العظيم...........

[عمرو عمارة]

أبو عبدالله اللينك الي إنت وضعو دة تقريباً كل الناس بتشكر في الرينو!!؟؟

[Ahmed Selim]

أبو عبدالله اللينك الي إنت وضعو دة تقريباً كل الناس بتشكر في الرينو!!؟؟

مش كده برضه.......ما أنا أستغربت و قولت يمكن أنا دخلت على لينك غلط ولا حاجة

[أبو عبدالله]

الاخ احمد عبد المقصود
الموضوع بسيط جدا يا أخي الفاضل
لو كلامي بيسببلك حساسية او اي شئ تاني
متقرهوش او على الأقل متردش عليه
طالما انت منرفز نفسك كده
انا خايف عليك مش اكتر

يعني الموضوع بسيط جدا
ولا ترهق نفسك معايا ولا في الرد عليا علشان صحتك يا اخي


معلش اعذرني اصل انا حاسس انك متابع ردودي ومصمم ترد عليها مع انها مش بتعجبك

انا قريت الي مكتوب في اللينك الي حضرتك حطه وحسب ثقافتي اللغوية مش شايف انهم قالو حاجة أكثر من الي ملاكها قالوه عن أعطالها فيريت لو انت شايف ان في حاجة غير كده تترجملي لو سمحت

لا يا اخي واترجملك ليه انا مبعرفشي اترجم لحد

ممكن حضرتك تدخل على ترجمة اي موقع زي جوجل وهو يترجملك الموضوع كله

أبو عبدالله اللينك الي إنت وضعو دة تقريباً كل الناس بتشكر في الرينو!!؟؟

أخي عمر الحبيب

الموضوع مش اكتر من ان الكلام عندهم زي عندنا وانا مقولتش في اي مره انهم في زياده في الكلام عن عندنا ايه المشكلة في كده
لأن لما كان الواحد بيقول مشاكل كهرباء ورينو معروفه بكدا
كنت بلاقي هجوم ان دي اشاعات ومتهيأل الكلام موجود على صفحات المنتدى
ومش حاجه جديده يعني

فأنا حبيت اقول ان مش ابو عبدالله اللي من ارض الكنانه
مش لوحده غريبه
وان الناس اللي في الأرض التانيه واللي الميجان حصلت عندهم على سيارة العام عندهم
بنفسهم قالوا اول كلمه لهم

Renault electrics are notoriously bad

وانا لا اقلل من شانها ولا ازيد ده كل ما في الأمر

اني لا احب الزيادات ولا التقليل وكله بالدلائل

يعني انا ولا مره قولت ان رينو سيئة او رديئة كما يقول البعض على لساني ذلك وهذا من الأفتراء والغلو الغير مبرر

انا بقول انها ليست بالجوده التي ارى الكلام هنا عليها

وياريت تكون المعلومة وصلت ان شاء الله

وربنا يصلح الحال

وشكرا لمداخلتك يا اخي عمر والله انا يسرني اني اتحدث معك ان شاء الله في القريب
اراك على خير

[Ahmed Selim]

الاخ احمد عبد المقصود
الموضوع بسيط جدا يا أخي الفاضل
لو كلامي بيسببلك حساسية او اي شئ تاني
متقرهوش او على الأقل متردش عليه
طالما انت منرفز نفسك كده
انا خايف عليك مش اكتر
يعني الموضوع بسيط جدا
ولا ترهق نفسك معايا ولا في الرد عليا علشان صحتك يا اخي
معلش اعذرني اصل انا حاسس انك متابع ردودي ومصمم ترد عليها مع انها مش بتعجبك

عزيزى أبو عبد الله........أشكر لك أهتمامك بصحتى و حرصك على....بس أحب أطمنك.....أنا مش متنرفز ولا حاجة أنا بس بدافع عن شئ أنا فعلاً لامسه
وبالنسبة لموضوع أنى متابع ردودك دى.......أعذرنى أنا مش متابعها بالمرة ( مع كامل أحترامى وتقديرى ) ولو حضرتك شفت منتدى رينو هتلاقينى أنا وباقى مُلاك رينو من أكثر المشاركين والمهتمين بالمواضيع اللى فيه.....و دى حاجة طبيعية....و هفضل أتابع و أرد على المشاركات اللى أنا شايفها فيها غلط لأنى من مالكى العربية
نيجى بأه لنقطة أذا كانت ردودك بتعجبنى ولا لأ........دى أولاً حاجة ترجعلى وثانياً لو في رد معين أنا شايف أنه مش صحيح.....يبقى من حقى أرد عليه.....وخصوصاً أنى من مالكى العربية.......يعنى ممكن أكون على دراية أكتر من ناس تانية كتير ممعهمش العربية.........و برضه لو راجعت حوارتنا السابقة هتلاقى أن معظم مناقشاتنا كانت بتضمن الميجان.....يعنى مثلاُ أنا مجيتش فى مشاركة لواحد بيقارن بين تويوتا كورولا
وهوندا سيفيك وناقشتك فيها فى رأيك لو أنت كنت أخترت الكورولا

ومتشكر مرة تانية على أهتمامك بصحتى :D

وان الناس اللي في الأرض التانيه واللي الميجان حصلت عندهم على سيارة العام عندهم
بنفسهم قالوا اول كلمه لهم

وانا لا اقلل من شانها ولا ازيد ده كل ما في الأمر

اني لا احب الزيادات ولا التقليل وكله بالدلائل

يعني انا ولا مره قولت ان رينو سيئة او رديئة كما يقول البعض على لساني ذلك وهذا من الأفتراء والغلو الغير مبرر

انا بقول انها ليست بالجوده التي ارى الكلام هنا عليها

موضوع أن الناس اللى فى الأرض التانية حصل معاهم حاجات......لو حضرتك شفت الموضوع اللى أحنا فيه ده من أوله هتلاقى ناس معاهم ميجان قالوا على مشاكل حصلت معاهم زى اللى بيتقال برة......منهم أنا شخصياُ حصلت معايا مشكلة كويل و قولتها

http://www.nilemotors.net/Nile/showpost.php?p=138026&postcount=18

والراجا اللى حضرتك واخد أقتباس من كلامه وبيقول فيه " Renault electrics are notoriously bad " ده برضه أنا حطيته فى مشاركتى اللى فاتت لأن هو قال الكلام ده وقال بعديها أن حصل معاه
1- مشكلة كويل
2- مشكلة فى زجاج السائق
وبعد كده كمل وقال باللفظ " On the plus side the engines are very good " يعنى الموتور جيد جداً......
ليه حضرتك أقتبست الجزء اللى فيه حاجة مش عاجبة صاحب العربية في كلامه وسبت الجزء اللى بيشكر فيه فى العربية ؟؟؟؟
وليه حضرتك مختدش بالك من الناس التانية اللى بتشكر فى رينو ؟؟؟؟
و زى ما أوضحت لحضرتك قبل كده أن السؤال ده كان واحد بيسأل أذا كان يشترى رينو ميجان ولا لأ كل اللى ردوا عليه بيتكلموا عن رينو عموماً وليس الميجان فى حد ذاتها الا واحد قايل أنه معاه ميجان بس مش قايل موديل كام......و مع ذلك بيشكر فيها:k20:

موضوع الأعتمادية بتاعت الميجان ده مسألة تقديرية و ممكن تختلف من موديل لموديل من نفس الشركة....يعنى تقدر تقول على الهيونداى الأكسيل أعتمادية زى الألنترا الحالية مثلاً ؟؟؟
نفس المنطق.....مينفعش واحد جرب موديل أو اتنين من شركة يقول أن موديل تانى هو مجربهوش مش أعتمادى......ممكن يتوقع بس المفروض أنه مينفعش يجزم.

[Ahmed Selim]

انا قريت الي مكتوب في اللينك الي حضرتك حطه وحسب ثقافتي اللغوية مش شايف انهم قالو حاجة أكثر من الي ملاكها قالوه عن أعطالها فيريت لو انت شايف ان في حاجة غير كده تترجملي لو سمحت

ما هوه الظريف فى الموضوع أن مفيش حاجة جديدة
مع العلم أن فى ناس فى النص كاتبة مشاكل عربيات تانية رينو برضه بس مش ميجان

[أبو عبدالله]

والراجا اللى حضرتك واخد أقتباس من كلامه وبيقول فيه " Renault electrics are notoriously bad " ده برضه أنا حطيته فى مشاركتى اللى فاتت لأن هو قال الكلام ده وقال بعديها أن حصل معاه
1- مشكلة كويل
2- مشكلة فى زجاج السائق
وبعد كده كمل وقال باللفظ " On the plus side the engines are very good " يعنى الموتور جيد جداً......
ليه حضرتك أقتبست الجزء اللى فيه حاجة مش عاجبة صاحب العربية في كلامه وسبت الجزء اللى بيشكر فيه فى العربية ؟؟؟؟
وليه حضرتك مختدش بالك من الناس التانية اللى بتشكر فى رينو ؟؟؟؟
و زى ما أوضحت لحضرتك قبل كده أن السؤال ده كان واحد بيسأل أذا كان يشترى رينو ميجان ولا لأ كل اللى ردوا عليه بيتكلموا عن رينو عموماً وليس الميجان فى حد ذاتها الا واحد قايل أنه معاه ميجان بس مش قايل موديل كام......و مع ذلك بيشكر فيها:k20:
.

الأخ الفاضل احمد

أولا احب ان اوضح لك انك دائما تقول على لساني ما لا اقوله انا مش عارف ليه

يعني حضرتك بتتكلم دلوقتي وبتقول اني جبت الحاجات السيئة ولم انقل ما هو جيد

أولا الموضوع ده اسمه اعطال الميجان .. مش كده ولا ايه
فيبقى هنا ليس مكان للثناء عليها

ثانيا انا اكتر من مره وفي ساحة رينو أثني على مواتيرها جدا
وقولت الكلام ده اكتر من مره
ولكن دائما بعض الأخوة يتحدثوا على لساني بما لا اقوله او حتى بما لا اخفيه في نفسي

يعني انا عمري في حياتي ما قولت رينو دي عربية رديئة
او قولت عربيه مش عارف ايه
كل اللي بقوله انها ليست بالاعتمادية المذكوره من البعض هنا
وقولت ان فيها مشاكل وكان كثيرا ما يرد علي انها اشاعات وكلام غير صحيح
مع انا شوفت الكلام ده مع اكثر من شخص واكثر من موديل غير الميجان من رينو
يعني الموضوع ليس متعلق بالميجان فقط وانما رينو كلها

ولما الاقي الكلام اللي بيتنفي هنا بيتقال بالخارج ايضا فده شئ يؤكد هذا الكلام
خصوصا انه ليس هناك اتفاقيلات بيننا وبينهم على هذا الكلام
وخصوصا ان الاجواء بتاعتهم المفروض هيا البيئة المناسبة للعربية لأنها صنعت لديهم ومع ذلك كنا بنقول هنا ان العربية مش متوافقة مع اجواءنا علشان حاره اكتر من هناك
والكلام ده طلع مش صح لأن رينو هناك بيقولوا عليها نفس الكلام اللي بيتقال هنا
حتى اعادة البيع برضه

فانا لا افتري على العربيه ولا على احد
وانا بقول للمره الأخيره رينو ليست بالاعتمادية التي يذكرها البعض هنا
وان رينو مواتيرها جامده وسريعه

ولكن العربيه ككل ينقصها بعض الحاجات
زي بعض المشاكل المعروفه عنها مما يؤثر على سمعة العربيه ككل
ويؤثر على هدفها الاول الا وهو انها وسيلة نقل وليست وسيلة ترفيه

والله ثم والله انا لقيت واحد كاتب في مقال ان الفرنسيين ينسون او لا يعلمون ان السيارة وسيلة نقل من نقطه الى نقطه اخرى
وهيا دي المشكلة فعلا

مينفعشي احط تكنولوجيا واوبشن كتير لدرجه انه يؤثر على الهدف الأول للعربيه الا وهو وسيلة النقل

احطها لخدمة السيارة اكثر على اداء هدفها بجوده وليس العكس

وارجو ان يكون كلامي ميسر لكي لا يصعب على احد فهمه او التحدث اليا مره اخرى بخلفية لا اعلم من اين اتت ومن صنعها

وشكرا