حوار عن أعطال رينو هنا و بالخارج

[Ahmed Selim]

الأخ الفاضل احمد

أولا احب ان اوضح لك انك دائما تقول على لساني ما لا اقوله انا مش عارف ليه

يعني حضرتك بتتكلم دلوقتي وبتقول اني جبت الحاجات السيئة ولم انقل ما هو جيد

أولا الموضوع ده اسمه اعطال الميجان .. مش كده ولا ايه
فيبقى هنا ليس مكان للثناء عليها

الموضوع خاص بأعطال الميجان من مالكى السيارة أعضاء المنتدى.....معتقدش أنك لو راجعت الموضوع من أول مشاركة الى أخر مشاركة هتلاقى واحد جايب أعطال الميجان بره مصر........

وخصوصا ان الاجواء بتاعتهم المفروض هيا البيئة المناسبة للعربية لأنها صنعت لديهم ومع ذلك كنا بنقول هنا ان العربية مش متوافقة مع اجواءنا علشان حاره اكتر من هناك
والكلام ده طلع مش صح لأن رينو هناك بيقولوا عليها نفس الكلام اللي بيتقال هنا
حتى اعادة البيع برضه

بغض النظر عن موضوع الجو ده.............أحنا عاملين موضوع حاطين فيه أعطال العربية......يعنى بنكتب مشاكل العربية........فى أيه أكتر من كده عشان يثبت أن أحنا مش بنقول أنها عربية من غير عيوب ؟
و برضه راجع الموضوع هتلاقى المشاكل اللى كاتبينها هنا هى هى اللى كاتبينها هما هناك.

وانا بقول للمره الأخيره رينو ليست بالاعتمادية التي يذكرها البعض هنا
وان رينو مواتيرها جامده وسريعه

ده رأيك و أنت حر فيه......مش هقدر أقول أكتر من كده بعد 13سنة عربيات

ولكن العربيه ككل ينقصها بعض الحاجات
زي بعض المشاكل المعروفه عنها مما يؤثر على سمعة العربيه ككل
ويؤثر على هدفها الاول الا وهو انها وسيلة نقل وليست وسيلة ترفيه

المشاكل أتحلت من زمان يا باشا....من 2006....يعنى من تانى سنة لنزول العربية

أخواننا اللى هنا اللى معاهم 2006 أو 2007 أو 2008 ممكن يأكدوا على صحة كلامى من عدمها
ترفيه أيه؟؟؟ هو مين جاب سيرة الترفيه أصلاً؟؟؟؟؟؟دى حتى العربية كانت نازلة من غير MP3 بلاير !!!!!!!
هو عشان عملو زرار بدل المفتاح يبقى ده ترفيه ؟؟؟؟
ما هى نيسان دلوقتى نفس القصة......وكيا كمان منزلاها فى الموهافى الجديدة ده غير أنها نفس فكرة الأوكتافيا و الباسات والمرسيدس.......وتقريباً كده الكورولا الجديدة...

طيب أيه اللى فيها يندرج تحت كلمة ترفيه ؟؟؟؟؟؟؟؟؟
حساس المطر؟ لو باظ العربية هتمشى من غيره عادى جداً
حساس النور ؟ لو باظ العربية هتمشى من غيره عادى جداً

والحمد لله مبيبوظوش

مينفعشي احط تكنولوجيا واوبشن كتير لدرجه انه يؤثر على الهدف الأول للعربيه الا وهو وسيلة النقل
احطها لخدمة السيارة اكثر على اداء هدفها بجوده وليس العكس
وشكرا

عاوز أعرف أيه الأوبشنز اللى فيها الكتيييييييييييييييييير مش موجود فى عربيات فى نفس فئتها دلوقتى؟؟؟؟؟؟
الأوبشنز اللى فيها هى :
تكييف عادى \ تاتش ( موجود زيه فى كذا عربية منهم الأوكتافيا A4 )
زجاج بلمسة واحدة ( موجود زيه فى كذا عربية منهم الفيكترا 97 )
كاسيت سي دى بتحكم من الطارة ( جيتا و A5 و و و و)
ABS & EBD ( جيتا و فوكس و فيكترا و كورولا ولانسر)
AirBags ( تقريباً كل الجديد )
فتيس ستيب ترونيك ( تقريباً كل الجديد من أول 2006 )
مرايات ضم كهرباء ( موجوده برضه فى كذا حاجة منهم الأسترا )
هما يدوب حساس المطر وحساس النور اللى يمكن مش موجودين فى عربيات تانية كتير

[عمرو عمارة]

أعتقد يا أبو عبدالله إعتمادية السيارة خصوصاً الرينو بتختلف من شخص لأخر....إزاي؟....مشكلة الرينو وإحنا كلنا معترفين بكدة إنها عربية لازم تحافظ على الصيانة الدورية الخاصة بها بشكل منتظم ( تكون محسوك فيها ) وإيدك فيها بإستمرار ودة طبعاً بيتأثر بمستوى الدخل المادي لصاحب السيارة....يعني مثلاً ممكن واحد يجيب بـ45الف كليو أو لانوس بس يجي في الكليو ما يعرفشي يصرف عليها ( الصيانات الدورية ) أو يأخرها فتضرب في حاجات تانية وتفتح بؤها :ack2: وبعدين يجي يقول يا عم دي عربية تعبانة ومصارفها عالية
وفي نوعية تانية من الناس تحب تدور المفتاح وتجري ولما يسمع صوت الموتور إتغير شوية يقول شكلها كدة عايزة زيت ولما طلمبة المية تبتدي تسرب يغيرها....ممكن الكلام دة شغال في عربيات تانية لكن الرينو لأ!!

أنا ساعت أصحابي بيستشروني في شراء الكليو وبشوف مين الشخص الي قدامي دة وأنا عارفه كويس وعارف شخصيته ومدى إهتمامه ومحافظته على الأشياء من عدمه وعلى أساس ذلك بنصح بالرينو.....واحد صاحبي سألني مرة الكليو عاملة معاك إيه عشان بفكر أجيب واحدة؟....قولتلو العربية تحفة بس عايزة محافظة وتمشي بورقة وقلم.....قالي إيه يا عم هو أنا داخل إمتحان شكراً!!

خد بالك يا أبو عبدالله كل الي بيشكر فعلي في الرينو هنا في المنتدى وبيدافع عنها بشدة هم الي يديهم على طول في العربية ومحافظين على مواعيد الصيانة بإنتظام (شاركي - أحمد عبد المقصود - فرحات -مومو - العبد لله ) أنا ما ذكرتش بعض الناس عشان العربية لسة جديدة معاهم

أنا متأكد إن إنت يا أبو عبدالله لو معاك رينو مش هايبقى فيها أي مشاكل لأن إنت ما شاء الله محافظ وإيدك علطول في العربية

" مينفعشي احط تكنولوجيا واوبشن كتير لدرجه انه يؤثر على الهدف الأول للعربيه الا وهو وسيلة النقل".....ماشي مفيش مشكلة بس الاوبشنز الكتير دي مش هاتأثر على السيارة في التشغيل.....

مش كدة ولا إيييييييييييييييه؟؟؟:D:D

[chato_eg]

الأخ أبو عبد الله....
إذا ممكن أسأل حضرتك سؤال شخصى ( طبعا حضرتك لك مطلق الحرية فى الرد من عدمه)
حضرتك عندك كام سنة ؟؟؟
و أرجو إن حضرتك ما تأخدش السؤال على إنه تهكم أو استخفاف لا سمح الله، لكن هى مسألة العمر دى إلى حد كبير مؤثرة فى الموضوع....
أنا عن نفسى سنى مش كبير أوى (26 سنة ) لكن أنا لاحظت إن السادة اللى من شريحة عمرية أعلى ( بطبيعة الحال ليهم خبرات سابقة مع العربيات) دايما بيعتبرو إن ماركة رينو دى خيار تانى أو تالت بعد ماركات تانية أمثال مرسيدس و بيجو و فيات على ترتيب حسب الفئة السعرية.....
إيه السبب ؟؟!!!
مش عارف على و جه التأكد. لكن فى نظرية بتقول إن الناس كانت لو عايزة عربية كويسة بتجيب ال 504 لو تقدر على تمنها و تكاليفها، أو الخيار الأوسع انتشارا "فيات"

ال 504 عربية استثنائية حتى بالنسبة لشركة بيجو ( الأكثر صمودا كتاكسى لعاصمتنا الحبيبة)
الفيات ماركة كويسة و كل حاجة لكنى أظن لو قدر لشركة النصر إنها تجمع رينو بدل الفيات لكانت الأوضاع اتعكست.....
إذن وضع الرينو صعب ،لا هى برخص ثمن و سهولة الحياة مع الفيات و لا هى استثنائية زى ال 504 . كون إن ما اتكتبلهاش توفيق فى السوق لا يعنى أبدا إنها غير اعتمادية بدليل إنها السيارة الأكثر شعبية فى دولة شبه مصر جدا (إيران)..هى دى الفيات بتاعتهم...اسمها هناك "بيكان"و بقى ليها سنين طويلة فى الخدمة فى دولة شبيهة بمصر....
للى هيعتبر إن كلامى ده مجرد درس تاريخى و حوار عن نظريات فى الماضى. أنا العربية معايا من سنة و أنا مش شايف أبدا إنها(غير اعتمادية) ....دى كلمة كبيرة أوى يا أخ أبو عبد الله و أنا مش عارف حكمك ده بناء على تجربتك الشخصية و لا من تجارب الحياة و لا مجرد استنتاج لآراء الجمهور سواء فى المنتدى أو المنتديات الأخرى العربية أو الأجنبية.
هى أنقذت حياتى بمعنى الكلمة فى أكتر من موقف كنت أنا غلطان فى البعض و البعض الآخر ظروف الطريق...
مافيهاش حتة فى جسمها الخارجى سليمة بس كلها مش ذنب العربية طبعا و مع ذلك كل الأجزاء لازلت ملتصقة بالعربية مافيش حاجة وقعت ولا ازدادت سوءا....
لو جربت تسوق فى المطر جواها هتحس قد ايه يمكنك الاعتماد عليها بالمقارنة مع العربيات التانية.
جايز احنا (ملاك الميجان) نكون حساسين شوية بس فعلا كمية الانتقادات و الاشاعات المنصبة على العربية لا نظير ليها...أنا شفت عربيات تانية فيها مشاكل أخطر و أهم بكتير لكن ماحدش كسر فى مجاديفها بالشكل ده و يمكن آخر مشاركة لية كنت بأدعى إن ربنا يرحمنا من إعصار الانتقادات و الاشاعات دى فمش من السهل اننا نتقبل رأى حضرتك ( اللى هو سلبى تجاه العربية) بالبساطة دى خصوصا انك مش مالك ليها أو عندك أدلة و براهين قوية بما فيه الكفاية إنك تعلن لملاكها فى تجمع ليهم إن العربية (غير اعتمادية)!!!!
أرجو التفضل بالقبول مع فائق الاحترام



____________________________
العضو الفاضــل
برجاء عدم الكتابة باللون الأحمر لإنه مخصص للإدارة فقــط

الإدارة - 3

[أبو عبدالله]

الموضوع خاص بأعطال الميجان من مالكى السيارة أعضاء المنتدى.....معتقدش أنك لو راجعت الموضوع من أول مشاركة الى أخر مشاركة هتلاقى واحد جايب أعطال الميجان بره مصر........


بغض النظر عن موضوع الجو ده.............أحنا عاملين موضوع حاطين فيه أعطال العربية......يعنى بنكتب مشاكل العربية........فى أيه أكتر من كده عشان يثبت أن أحنا مش بنقول أنها عربية من غير عيوب ؟
و برضه راجع الموضوع هتلاقى المشاكل اللى كاتبينها هنا هى هى اللى كاتبينها هما هناك.


ده رأيك و أنت حر فيه......مش هقدر أقول أكتر من كده بعد 13سنة عربيات


المشاكل أتحلت من زمان يا باشا....من 2006....يعنى من تانى سنة لنزول العربية

أخواننا اللى هنا اللى معاهم 2006 أو 2007 أو 2008 ممكن يأكدوا على صحة كلامى من عدمها
ترفيه أيه؟؟؟ هو مين جاب سيرة الترفيه أصلاً؟؟؟؟؟؟دى حتى العربية كانت نازلة من غير MP3 بلاير !!!!!!!
هو عشان عملو زرار بدل المفتاح يبقى ده ترفيه ؟؟؟؟
ما هى نيسان دلوقتى نفس القصة......وكيا كمان منزلاها فى الموهافى الجديدة ده غير أنها نفس فكرة الأوكتافيا و الباسات والمرسيدس.......وتقريباً كده الكورولا الجديدة...

طيب أيه اللى فيها يندرج تحت كلمة ترفيه ؟؟؟؟؟؟؟؟؟
حساس المطر؟ لو باظ العربية هتمشى من غيره عادى جداً
حساس النور ؟ لو باظ العربية هتمشى من غيره عادى جداً

والحمد لله مبيبوظوش

عاوز أعرف أيه الأوبشنز اللى فيها الكتيييييييييييييييييير مش موجود فى عربيات فى نفس فئتها دلوقتى؟؟؟؟؟؟
الأوبشنز اللى فيها هى :
تكييف عادى \ تاتش ( موجود زيه فى كذا عربية منهم الأوكتافيا A4 )
زجاج بلمسة واحدة ( موجود زيه فى كذا عربية منهم الفيكترا 97 )
كاسيت سي دى بتحكم من الطارة ( جيتا و A5 و و و و)
ABS & EBD ( جيتا و فوكس و فيكترا و كورولا ولانسر)
AirBags ( تقريباً كل الجديد )
فتيس ستيب ترونيك ( تقريباً كل الجديد من أول 2006 )
مرايات ضم كهرباء ( موجوده برضه فى كذا حاجة منهم الأسترا )
هما يدوب حساس المطر وحساس النور اللى يمكن مش موجودين فى عربيات تانية كتير

بص يا أستاذ احمد
أولا مش انا اللي بقول ان الميجان فيها تكنولوجيا اعلى من باقي السيارات
والله ما انا خالص

ده الكلام اللي دايما بسمعه هنا من ملاك العربيه

تصدق وتأمن بالله
اني كان في دماغي اسأل مره ايه هيا التكنولوجيا اللي في العربية اللي دايما بسمعها هنا

فمش انا خالص اللي قولت تكنولوجيا دي

فياريت بقه الله يرضى عليك
لو حد قال تكنولوجيا وبتاع ابقى قوله الكلمتين الأخرنيين دول
ماشي يا جميل

أعتقد يا أبو عبدالله إعتمادية السيارة خصوصاً الرينو بتختلف من شخص لأخر....إزاي؟....مشكلة الرينو وإحنا كلنا معترفين بكدة إنها عربية لازم تحافظ على الصيانة الدورية الخاصة بها بشكل منتظم ( تكون محسوك فيها ) وإيدك فيها بإستمرار ودة طبعاً بيتأثر بمستوى الدخل المادي لصاحب السيارة....يعني مثلاً ممكن واحد يجيب بـ45الف كليو أو لانوس بس يجي في الكليو ما يعرفشي يصرف عليها ( الصيانات الدورية ) أو يأخرها فتضرب في حاجات تانية وتفتح بؤها :ack2: وبعدين يجي يقول يا عم دي عربية تعبانة ومصارفها عالية
وفي نوعية تانية من الناس تحب تدور المفتاح وتجري ولما يسمع صوت الموتور إتغير شوية يقول شكلها كدة عايزة زيت ولما طلمبة المية تبتدي تسرب يغيرها....ممكن الكلام دة شغال في عربيات تانية لكن الرينو لأ!!

أنا ساعت أصحابي بيستشروني في شراء الكليو وبشوف مين الشخص الي قدامي دة وأنا عارفه كويس وعارف شخصيته ومدى إهتمامه ومحافظته على الأشياء من عدمه وعلى أساس ذلك بنصح بالرينو.....واحد صاحبي سألني مرة الكليو عاملة معاك إيه عشان بفكر أجيب واحدة؟....قولتلو العربية تحفة بس عايزة محافظة وتمشي بورقة وقلم.....قالي إيه يا عم هو أنا داخل إمتحان شكراً!!

كلام جميل ورائع
وانا مش عاوز اكتر من كده
ان العربيات دي لازم تعاملها معاكله خاصه ومش اي حد يقدر على كده

كلام جميل
طيب ده افهم منه ايه

ان مثلا اللانوس لو اشترتها لن ترهقني زي الكليو
ودي شغاله ودي شغاله ولكن دي بسهولة وبساطه ودي بارهاق ان كان بدني او نفسي او مادي خصوصا المادي بصراحه

يبقى اعتمادية اقل هو ده اللي انا اعرفه

بص يا عمر انا جربت عربيات كتير والحمد لله
انا واحد من الناس لو العربيه لقيتها عملت اي حركه نص كم هولع فيها وفي شركتها بجاز

لأن مثلا انا العربيه بالنسبة لي أمان في المواصلات
لو انا مثلا مسافر على طريق طويل
والعربيه بعملها صيانة او غيره وفجأه حاجه عطلت او الكمبيوتر استعبط فيها
ومحدش يقولي ده مبيحصلشي لأن الكليو عملتها وكان الراجل مع أولاده الصغيرين وزوجته وكانو على طريق بعيد وفي الليل كمان
طيب ده ليه لأن الكمبيوتر بيفصل الأر بي ام

طيب دي لو لانوس كانت عملت كده
جربت لانوس بالهبل
واعرف ناس معاهم بالهبل
وانا كان معايا نوبيرا
عمر ما حركه زي دي ولا نصها اتعملت فيها

يعني انا بتكلم عن تجارب

وكان في اتنين تقريبا هنا اشتكو من العيب ده برضه على ما اتذكر

[أبو عبدالله]

الأخ أبو عبد الله....
إذا ممكن أسأل حضرتك سؤال شخصى ( طبعا حضرتك لك مطلق الحرية فى الرد من عدمه)
حضرتك عندك كام سنة ؟؟؟
و أرجو إن حضرتك ما تأخدش السؤال على إنه تهكم أو استخفاف لا سمح الله، لكن هى مسألة العمر دى إلى حد كبير مؤثرة فى الموضوع....
أنا عن نفسى سنى مش كبير أوى (26 سنة ) لكن أنا لاحظت إن السادة اللى من شريحة عمرية أعلى ( بطبيعة الحال ليهم خبرات سابقة مع العربيات) دايما بيعتبرو إن ماركة رينو دى خيار تانى أو تالت بعد ماركات تانية أمثال مرسيدس و بيجو و فيات على ترتيب حسب الفئة السعرية.....
إيه السبب ؟؟!!!
مش عارف على و جه التأكد. لكن فى نظرية بتقول إن الناس كانت لو عايزة عربية كويسة بتجيب ال 504 لو تقدر على تمنها و تكاليفها، أو الخيار الأوسع انتشارا "فيات"

ال 504 عربية استثنائية حتى بالنسبة لشركة بيجو ( الأكثر صمودا كتاكسى لعاصمتنا الحبيبة)
الفيات ماركة كويسة و كل حاجة لكنى أظن لو قدر لشركة النصر إنها تجمع رينو بدل الفيات لكانت الأوضاع اتعكست.....
إذن وضع الرينو صعب ،لا هى برخص ثمن و سهولة الحياة مع الفيات و لا هى استثنائية زى ال 504 . كون إن ما اتكتبلهاش توفيق فى السوق لا يعنى أبدا إنها غير اعتمادية بدليل إنها السيارة الأكثر شعبية فى دولة شبه مصر جدا (إيران)..هى دى الفيات بتاعتهم...اسمها هناك "بيكان"و بقى ليها سنين طويلة فى الخدمة فى دولة شبيهة بمصر....
للى هيعتبر إن كلامى ده مجرد درس تاريخى و حوار عن نظريات فى الماضى. أنا العربية معايا من سنة و أنا مش شايف أبدا إنها (غير اعتمادية) ....دى كلمة كبيرة أوى يا أخ أبو عبد الله و أنا مش عارف حكمك ده بناء على تجربتك الشخصية و لا من تجارب الحياة و لا مجرد استنتاج لآراء الجمهور سواء فى المنتدى أو المنتديات الأخرى العربية أو الأجنبية.
هى أنقذت حياتى بمعنى الكلمة فى أكتر من موقف كنت أنا غلطان فى البعض و البعض الآخر ظروف الطريق...
مافيهاش حتة فى جسمها الخارجى سليمة بس كلها مش ذنب العربية طبعا و مع ذلك كل الأجزاء لازلت ملتصقة بالعربية مافيش حاجة وقعت ولا ازدادت سوءا....
لو جربت تسوق فى المطر جواها هتحس قد ايه يمكنك الاعتماد عليها بالمقارنة مع العربيات التانية.
جايز احنا (ملاك الميجان) نكون حساسين شوية بس فعلا كمية الانتقادات و الاشاعات المنصبة على العربية لا نظير ليها...أنا شفت عربيات تانية فيها مشاكل أخطر و أهم بكتير لكن ماحدش كسر فى مجاديفها بالشكل ده و يمكن آخر مشاركة لية كنت بأدعى إن ربنا يرحمنا من إعصار الانتقادات و الاشاعات دى فمش من السهل اننا نتقبل رأى حضرتك ( اللى هو سلبى تجاه العربية) بالبساطة دى خصوصا انك مش مالك ليها أو عندك أدلة و براهين قوية بما فيه الكفاية إنك تعلن لملاكها فى تجمع ليهم إن العربية (غير اعتمادية)!!!!
أرجو التفضل بالقبول مع فائق الاحترام

أولا لا تهكم ولا حاجه يا أخي الكريم
انا والحمد لله سني 28 سنه فقط لا غير
ولست بكبير في السن ولكن الحمد لله المسألة ليس بالسن العمري اد ما هيا تجارب في الحياة وسرعة تعلم منها

انا هاوي عربيات والحمد لله من سن ابتدائي
واتعلمت السواقة وانا في اعدادي وركبت العربيات ايامها 128 وبيجو ايام جلالتهم
ومرسيدس اكيد

ثانيا علشان مطولشي عليك

مسالة كلمة غير اعتمادية دي
بجد انا زهقت اني اقول يا اخواني محدش يقول على لساني ما لم اقله خالص

يا أخي الفاضل انا لم اقل هذه الجملة التي انت اشرت اليها

انا قولت رينو ليست بالأعتمادية التي يتحدث عليها هنا البعض
في فرق كبير اني اقولك انت سقطت في الأمتحان وفي فرق اقولك انت مجبتش الدرجات النهائية اللي انت كنت بتقول عليها

كده وصلت
يارب تكون وصلت لأن اكتر حاجه فعلا بتضايقني اني الاقي واحد بيكلمني بخلفية مسبقة لشخص آخر لا اعرفه ولا اعلم عنه شئ

وشكرا لحوارك وكلمة اخيره ايران ليس دليل شئ
ولا البيجو التاكسي دليل على شئ من وجهة نظري
لأن حال العربيات في مصر خصوصا مسألة الجمارك دي كانت زمنها غيرت حاجات كتير هنا
وعالعموم علشان الصورة توضح
لما تبقى البيجو هيا سابقة عصرها وهيا العربية المتحملة للتاكسي في مصر
لماذا ازيحت عن هذا العرش
يعني المفروض ان الناس تثق في موديلاتها القادمة ويبقى سهل عليها انها تكتسح السوق بسهولة زي الكورولا مثلا
ولكن هذا لم يحدث
بل بالعكس مبيعات بيجو محدوده جدا في مصر الآن
ولا تقيس بالقاهرة فقط
فمصر محافظات كتير وان كنت ترى عندك بيجو فأنا لا اراها
وان كنت ارى عندي كورولا فانت تراها عندك وباقي مصر يرونها ايضا
وهو ده الفرق

متهيالي الشاهين ازاحتها بكل سهولة جدا عن هذا العرش
مع ان الشاهين ليست بأمكانيتها ولكن هيا دي المنافسة

وشكرا لللحوار الطيب

[Ahmed Selim]

بص يا أستاذ احمد
أولا مش انا اللي بقول ان الميجان فيها تكنولوجيا اعلى من باقي السيارات
والله ما انا خالص

ده الكلام اللي دايما بسمعه هنا من ملاك العربيه

تصدق وتأمن بالله
اني كان في دماغي اسأل مره ايه هيا التكنولوجيا اللي في العربية اللي دايما بسمعها هنا

فمش انا خالص اللي قولت تكنولوجيا دي

فياريت بقه الله يرضى عليك
لو حد قال تكنولوجيا وبتاع ابقى قوله الكلمتين الأخرنيين دول
ماشي يا جميل

حضرتك...لو تلاحظ بس حاجة......الميجان لما نزلت كانت أول واحدة فى فئتها بتنزل الكماليات اللى فيها واللى بتعتمد على التكنولوجيا...........نيجى نبص للعربيات اللى نزلت بعديها بما فيهم الكورولا الجديدة مثلاُ والسيفيك كمان ( السيفيك برة مش فى مصر ) هتلاقى أن دى بقت الحاجات الأعتيادية اللى بتنزل فى العربيات يعنى التكنولوجيا اللى كانت فى ميجان بس بقت دلوقتى فى معظم العربيات
العربية فيها تكنولوجى؟؟؟ أيوة فيها........بس مش التكنولوجية الفظيعة المريعة اللى تخوفنى منها....غير أن كله دلوقتى بيعمل زيها و كلها كام سنة وهتبقى الحاجات دى standard زى التكييف والباور كده

كلام جميل ورائع
وانا مش عاوز اكتر من كده
ان العربيات دي لازم تعاملها معاكله خاصه ومش اي حد يقدر على كده

كلام جميل
طيب ده افهم منه ايه

ان مثلا اللانوس لو اشترتها لن ترهقني زي الكليو
ودي شغاله ودي شغاله ولكن دي بسهولة وبساطه ودي بارهاق ان كان بدني او نفسي او مادي خصوصا المادي بصراحه

يبقى اعتمادية اقل هو ده اللي انا اعرفه

بص يا عمر انا جربت عربيات كتير والحمد لله
انا واحد من الناس لو العربيه لقيتها عملت اي حركه نص كم هولع فيها وفي شركتها بجاز

لأن مثلا انا العربيه بالنسبة لي أمان في المواصلات
لو انا مثلا مسافر على طريق طويل
والعربيه بعملها صيانة او غيره وفجأه حاجه عطلت او الكمبيوتر استعبط فيها
ومحدش يقولي ده مبيحصلشي لأن الكليو عملتها وكان الراجل مع أولاده الصغيرين وزوجته وكانو على طريق بعيد وفي الليل كمان
طيب ده ليه لأن الكمبيوتر بيفصل الأر بي ام

طيب دي لو لانوس كانت عملت كده
جربت لانوس بالهبل
واعرف ناس معاهم بالهبل
وانا كان معايا نوبيرا
عمر ما حركه زي دي ولا نصها اتعملت فيها

يعني انا بتكلم عن تجارب

وكان في اتنين تقريبا هنا اشتكو من العيب ده برضه على ما اتذكر

أعتقد - والعلم عند الله - أنه لو محافظ عليها كويس وبيعمل الصيانات الدورية فى مواعيدها فى الوكيل مكنش حصل الموقف ده معاه
ولو هو فعلاً محافظ عليها يبقى مشكلة حصلت فى عربية زيرو وممكن تحصل فى عربيات تانية كتير

تصدق بالله ؟ كنت لسه مع واحد معايا فى الشغل لسه جايب BMW 316 Coupe زيرو من كام شهر لقيته بيقولى أن عربيته فى التوكيل عشان السربنتينة باظت !!!!!!!
أنا فى الأول أفتكرت خبط فى حاجة...بسأله قالى لأ هو بس لقى العربية سخنت راح موديها التوكيل قالوله سربنتينة.....وغيروها فى الضمان وكانت بحوالى 8500 جم

قوللى بأه أن السربنتينة ليها علاقة بتكنولوجيا فى العربية..........

[chato_eg]

شكرا للأخ أبو عبد الله على الرد الكريم
اللى استنتجته من كلامك انك بتحاول توصلنا ان الميجان مش ملاك برىء زى ما انت شايفنا متصورنها....
الموضوع أساسا ابتدى لمناقشة المشاكل اللى فى الميجان II من خلال ملاكها المنتسبين للمنتدى....
السبب الأول:- محاولة لمعرفة حقيقة المشاكل اللى واجهت ملاكها و مساعدتهم إذا أمكن
السبب الثانى:-على لسان الأخ "Sharky"
أنا رأيت إن من كتر الإشاعات اللى طلعت على الميجان من الأعطال اللى ظهرت فيها إننا نعمل موضوع فى المنتدى يكتب فيه ملاك الميجان فقط جميع الأعطال اللى ظهرت فى العربية و قطع الغيار اللى إتغيرت بره الصيانة العادية

لذا أرجو من جميع ملاك الميجان فى المنتدى الكتابة حتى يستفيد الاخرين من تقيمنا للعربية و الأعطال اللى ممكن تظهر فيا و أعراض ظهورها.....

إذا فمناقشة الموضوع ده فى حد ذاته يثبت إن فى مشاكل ممكن تحصل و ده معناه انها مش ملاك برئ و لا حاجة. لكنها ليست بالسوء اللى البعض بيصورها بيه...
جايز انت مش مدرك الكلام الكتير السىء اللى بيتقال عليها فحسيت ان احنى بنبالغ فى تقديرها. لكن لو تابعت حلقات الأستاذ فرحات على سبيل المثال ممكن الصورة تقربلك شوية .
العربية دى مش بيشتريها واحد إلا إذا مدرك هو بيعمل إيه، فبيكون مؤلم جدا إننا نسمع الكلام اللى بيتقال عليها من ناس فى كتير من الأحيان مش من حقهم يبدو رأيهم حتى لأنهم عمرهم ما ركبوها. و زى ما أوضحت الموضوع ده زاد عن حده لدرجة ان "sharky" عمل الموضوع ده مخصوص.

هى مش فافى و خايبة أوى كده زى ما انت متصور بالعكس....

مش معنى ان عربية كليو عملت موقف سخيف فى واحد و عيلته إن فى مشكلة عامة فى الاعتمادية عند "رينو"....
تحب نسرد فى المقتبل حكايات طويلة عن مواقف بايخة للانوس اللى انت بتقارنها بالكليو لاثبات ان دايو *******. مش هو ده الأسلوب للوصول لرأى موضوعى بشأن منتجات شركة.

مش شايف ان مسألة عمل صيانة فى المواعيد ده شىء ينتقص من الشركة المنتجة. بل إصرار التوكيل على عمل الصيانات المجانية (5000 و 15000 و 25000 و ...) ده شىء يحتسب ليهم. و أى آلة الإهمال بيؤدى لتلفها فكتر خيرها الست بتطلع رسائل تحذير لو الأمور ساءت بشكل معين :k49:

[megane_man]

يا شباب انا دماغي صدعت الموضوع ده أسمه أعطال الميجان من مالكي السيارة مش حورات عن أعتمادية السيارة وأظن ان الحوار ده أتكرر كثير بيننا ملاك الرينو وأستاذ أبو عبدالله وهو مش مقتنع بكلامنا ولا أحنا مقتعين بمعظم كلامه وبقول معظم فأرجو قفل الموضوع علي كده لأنه خارج الموضوع الأساسي والحوار ده مش هيفيد حد بل بالعكس ممكن ينتهي بزعل زي مبيحصل في حورات كثير ولأننا نحن ملاك الرينو لينا وضع خاص فمش عاوزين نوصل الي هذه المرحلة وياريت الأدارة تقوم بحذف الحورات الي مفيهاش أعطال الميجان علشان الي يدخل ميعدش يقرا صفحات كثير علي الفاضي أو ممكن نقلها الي موضوع جديد وأقترح يكون أسمه حوار بين أصحاب الميجان وأبوعبد الله
وشكرا

[chato_eg]

وياريت الأدارة تقوم بحذف الحورات الي مفيهاش أعطال الميجان علشان الي يدخل ميعدش يقرا صفحات كثير علي الفاضي أو ممكن نقلها الي موضوع جديد وأقترح يكون أسمه حوار بين أصحاب الميجان وأبوعبد الله
وشكرا

هاهاهاها......حلو العنوان ده " حوار بين أصحاب الميجان و أبو عبد الله"
أنا و الله أكره ما على قلبى الدخول فى مناظرات عموما لأنى مقتنع ان الطرف الآخر مش هيقتنع فى النهاية. أنا بس كنت بأحاول أوصل المعناة النفسية اللى احنا فيها من جراء الانتقادات و الاشاعات على عربيتنا.....
نفسى أطلع بحيلة تمنع ودانى و عينى من سماع و رؤية مثل تلك الافتراءات أمثال الكارت بيملح و الكوتش بيتعملو set up و أفضل سعيد داخل قسم رينو فى المنتدى...
مش دى أمنيتنا كلنا ؟؟؟

[Ahmed Selim]

وياريت الأدارة تقوم بحذف الحورات الي مفيهاش أعطال الميجان علشان الي يدخل ميعدش يقرا صفحات كثير علي الفاضي

+111111111

أؤيدك بشدة
و ممكن فعلاً نقل الحوار الى موضوع جديد

[megane_man]

أرجو من الأدارة فتح موضوع جديد ونقل الحورات الي خارج الموضوع الأساس ليه
الموافق يقول نعم
ملحوظة:
فين أخونا في الله sharky مختفي ولا زهق

[chato_eg]

بصراحة "sharky" و كل الناس ليها حق تزهق
و مع احترامى للجميع يا أستاذ أحمد الموضوع الجديد لا هيحل و لا هيربط بلاش تتعب قلبك. لا المشككين فى رينو و خصوصا الميجان II هيغيرو رأيهم و لا احنا هنرمى عربياتنا علشان طلعنا مخمومين فيها طول الوقت ده. كفى المؤمنين شر القتال و عادى يعنى احنا بقالنا 3 سنين فى الحوار ده. ربنا يجعل الفرج على قدوم الوافدة الجديدة كده بعد سنة. قولو آمين

[Ahmed Selim]

ملهاش لازمة موضوع الموافق يقول نعم دى عشان لو الموضوع متنقلش يبقى كبر على الفاضى
وأكيد المشرف هينقله لو ينفع

وبالنسبة لشاركى......النهاردة الخميس يا باشا وهتلاقيه منطلق فى شوارع المحروسة :)

[megane_man]

ملهاش لازمة موضوع الموافق يقول نعم دى عشان لو الموضوع متنقلش يبقى كبر على الفاضى
وأكيد المشرف هينقله لو ينفع

ماشي ياباشا
وبالنسبة لشاركى......النهاردة الخميس يا باشا وهتلاقيه منطلق فى شوارع المحروسة
أيه ده هي الميجان بتعرف تمشي في شوارع المحروسة كويس مبتتفككش حتة حتة

[chato_eg]

أ
أيه ده هي الميجان بتعرف تمشي في شوارع المحروسة كويس مبتتفككش حتة حتة

LOL فكرتنى برد جميل ل Tyler مش فاكر فى انهى موضوع بس فى مناسبة مشابهة لما كان رده على مسألة التجميع الفرنسى و التركى " هما أدوهالى حتت و أنا جمعتها بنفسى "