بعض موديلا الفلوانس مافيهاش فلتر بنزين

[m_marmoush]

كنت بعمل صيانة ال 30,000 كم فى فرع القطامية، و أنا بستلم الفاتورة مالقيتش فيها تغيير فلتر بنزين
كلمت المهندس المسئول و أفاد بإن بعض موديلات الفلوانس مافيهاش فلتر بنزين
أنا قلت أحذر الناس اللى ماعندهاش فلتر بنزين إنها ماتفضيش التانك للأخر عشان الوساخة حتبوظ الطرمبة مش حتسد الفلتر

[tarek_asem]

ازاي مفيهاش ؟

[Sameh samy]

ياريت اللي معندوش يركبو احنا في مصر يا جدعان واللي فيكم فك التنك يغسلو عارف دانا مرة زمان فكيت تنك البيجو ال504 طلعت منو 2 كيلو رمل وتراب

[dodo2000]

الرينو سانديرو مفهاش فلتر بنزين

[besso]

ممكن يكون الفلتر خارجي مش اكتر لان لازم يكون فيها فلتر

[MohammedAladel]

أكيد فيها فلتر بس ممكن يكوم مش بيتيغر .... سمعت كمان إن الميجان فيه منها كدا برضه

[m_marmoush]

فيها فلتر داخل الطرمبة بس مش بيتغير

[yasser100]

فيها فلتر داخل الطرمبة بس مش بيتغير

و لما بيتكتم ايه اللى بيحصل ؟

[MohammedAladel]

ميتكتمش أبدا لأنه غرقان فى البنزين ... وفيه فى العربيات الرياضية فلاتر اسمها فلاتر كربونية تقريبا دى مبتتغيرش أبدا تصميمها أنها بتنضف نفسها أول بأول وغالية طبعا بس أعتقد إن الفلتر عندك مش كربونى بس أكيد كفاءة والرواسب كلها هتفضل فى التانك

[m_marmoush]

ميتكتمش أبدا لأنه غرقان فى البنزين ... وفيه فى العربيات الرياضية فلاتر اسمها فلاتر كربونية تقريبا دى مبتتغيرش أبدا تصميمها أنها بتنضف نفسها أول بأول وغالية طبعا بس أعتقد إن الفلتر عندك مش كربونى بس أكيد كفاءة والرواسب كلها هتفضل فى التانك

طب ماكدة نقلنا الوساخة من الفلتر وبقت فى التانك اللى ما بينضفش

[MohammedAladel]

دا على أساس إن مع الفلتر الخارجى العادى التانك مش بيبقى فيه وساخة ؟؟؟ ما الرواسب بتنزل تحت برضه كدا كدا التانك لازم يترسب فيه شوائب بمرور الوقت