مشكلة تاخير الدوارة فى الفلوانس القديمة

[reymo]

العربية لما تبقى مركونة شهرين وتدورها تدور من اول مره تاخد بيها مشوار نص ساعه وتسيها تهدى مع نفسها واول ما تدورها تحس انك بتدور 128 المارش شغال بيجرجر ع الفاضى والموتور فين وفين لحد مايصحى والتوكيل فى اسيوط بالرغم من كفاءة البشمهندس ماركو وذوقه واحترامه الا انه لللاسف عجز عن تحديد المشكلة ومع استبعاد طرمبة البنزين لان انا غيرتها بسبب تخريف المؤشر والمشكلة موجودة هيا مع الطرمبة الجديدة ونصحونى اروح ابو رواش بسبب وجود الامكانيات وقطع الغيار التى تمكنة من تجربة اى من الاشياء المشكوك فيها بس انا تعبت نفسيا منها وحاجة تكسف لو حد معاك وهيا بتعمل كدا وال يكسف اكتر ان التوكيل ولا حياه لمن تنادى مش عارف يحلها
انا عايز مساعدتكم ممكن يكون الموضوع عدى على حد فى المنتدى وشكرا لاهتمامكم

[horas3000]

اعتقد و الله اعلم دي بطاريه
و مش عارف ازاي تفوت علي التوكيل

[S P R ! N G]

جرب تغير البوجيهات

[Hany Saad]

رأىى من رأى الفاضل شريف منسى.....أعتقد دى مشكلة بطارية

للتأكد.....خد وصلة من بطارية زميل لحضرتك و تكون بطاريته حالتها كويسة و ال rating بتاعها 70AH ( سبعين أمبير ساعة) فما فوق
وصل كابلات من عنده كأنك بتقوم عربيتك.....لو المشكلة أختفت يبقى أكيد بطارية و غيرها بواحدة جديدة أما لو ما أختفتش يبقى وجب الكشف فى أبو رواش

تحياتى

[wael-mohamed]

شوف يا باشا
انا كنت بعمل صيانة ال55 في مركز خدمة معتمد عندنا فالرحاب والعربية اتاخرت في الدوارة نفس الموضوع الي عند حضرتك بالضبط وبكشف المهندس على العربية افاد ان المشكلة في طلمبة البنزين وعايزة تتغير وهيغيرهالي في الضمان، قلت ماشي وبعدين بعت التوكيل قالوله ان مش هينفع يغير طلمبة البنزين في الضمان علشان الطلمبة متغيرة قبل كده ومفيش ضمان على الضمان برغم ان التوكيل الي غير الطلمبة في الاول علشان مشكلة المؤشر ومكنتش بشتكي من تاخير الدوارة. اذن المشكلة في الطلمبة ومتفكرش في حاجة تانية وانا بفكر اعمل مشكلة في التوكيل. فاول ما الاقي حل هبلغ في المنتدى

[reymo]

يا استاذ وائل انا من بعد استلام العربية باسبوع وعملت كدا فضلت ماشى عليها سنة ونصف فى الصيف تاخر والشتا تشتغل كويس متظهرش معايا المشكلة وكل ورش الرينو قالو دى طرمبة بنزين روحت التوكيل غيرت الطرمبة علشان المؤشر واتظبط تمام وطلعت من التوكيل واول ماوصلت الشغل وسبتها تهدى شوية ودورت اخرت معايا حسيت انى عايز اكسر العربية واكسر كل الميكانيكية دى حاجة بتسخن فى العربية وبتخرف فى الاداء بتاعها لان العربية كشفت علىها وكل قرائتها مظبوطة وكشفت على البطارية كويسة بس ال انا شاكك فيهم حاليا 3 حاجات بالرغم من الكشف على البطارية الا انى حاسس ان ممكن تكون سبب لان دى من مشاكل البطارية الجافة لما بتشحن زياده بتخرف والحاجة التانية ال بيقولى عليها برازيلى حساس الكرنك بس التوكيل بياكد انه كويس او التالتة بقى دوره التبريد بتاعت العربية سواء مراوح او كوعة الريداتير او ثرموستات لان العربية لما بتسن بتظهر فيها المشكلة اما فى الشتا نادرا لو حصلت

[reymo]

ارجو منكم الاهتمام

[S P R ! N G]

كان في مشكلة مشابهة بس في عربية صني وطلعت من البوجيهات

[yalahwy2010]

كان في مشكلة مشابهة بس في عربية صني وطلعت من البوجيهات

ممكن تكون بوجيهات فعلا.....لأن الموديل الجديد مابتحصلش معاه الموضوع ده.....لو ينفع تركب البوجيهات بتاعت الموديل الجديد ركبها وجرب

[reymo]

طيب هو كام سعر البوجيهات البلاتينوم

[yalahwy2010]

مش هيقل عن 400 جنيه....اصله بيتغير كل 100000 كم
ngk

[hic]

متابع

[hic]

متابع ++++++++++++++++

[reymo]

بس انا سامع ان مش كل المحركات ال تنفع معاها البلاتينوم وبعدين حاسس ان احتمال البوجيهات ده ضعيف