قلولي اعمل ايه قبل ما استلم الفلوانس

[hamada4010]

السلام عليكم يا جماعة اولا

انا طبعا فرحان أني هنضم لعائلة رينو و هيكون دا عن طريق انشاء الله فلوانس

كان عندي استفسار بعد إذنكم انا هجيب العربية ان شاء الله بالقسط و الفرع الي هستلم منه قالولي تعال استلم العربية و امضي الشيكات بس هنرخصهالك بعد العيد طبعا انا عملت كدا السؤال هنا بقا هل ممكن استلم العربية و امشي بيها كدا لغاية ميرخصوها بعد العيد ولا لا ؟ و كنت عاوز اعرف أية الي هيحصل في الورق انا همضي علي ايه و هما هيعملولي ايه و اضمن حقي ازاي و كده عشان انا مقسطش حاجة قبل كدا. و شكرًا

[hamada4010]

ايه يا أخوناااا انا قولت انتو الوحيدين الي هتفيدوني ٢٢ مشاهده و مفيش حد عبرني

[ramymechanics]

أولا ألف مبروك عادى تمشى بمحضر الاستلام فترة محدش هيرخم عليك بس خلى معاك صورة احتياطى من ورق العربية شهادة البيانات و محضر الاستلام

ما دام هتستلم يبقى لازم تمضى الشيكات لو مش مستعجل ممكن تقولهم هستلم العربية بورقها بعد العيد ومتمضيش على حاجة الا اما تستلم ... انا عن نفسى استلمت الفلوانس و دفعت كاش والورق خدته بعدها بأسبوع بس سافرت مكنتش بمشى بيها

تتمم على كتب الضمان والاستبن وتتأكد ان كل حاجة شغالة فالعربية و احتياطى اول ما تمشى مشوار كدة تقيس الزيت مانوال و ديجيتال عشان يبقى reference ليك

بس مش هقدر افيدك فموضوع الاقساط دة للأمانة

[hamada4010]

أولا ألف مبروك عادى تمشى بمحضر الاستلام فترة محدش هيرخم عليك بس خلى معاك صورة احتياطى من ورق العربية شهادة البيانات و محضر الاستلام

ما دام هتستلم يبقى لازم تمضى الشيكات لو مش مستعجل ممكن تقولهم هستلم العربية بورقها بعد العيد ومتمضيش على حاجة الا اما تستلم ... انا عن نفسى استلمت الفلوانس و دفعت كاش والورق خدته بعدها بأسبوع بس سافرت مكنتش بمشى بيها

تتمم على كتب الضمان والاستبن وتتأكد ان كل حاجة شغالة فالعربية و احتياطى اول ما تمشى مشوار كدة تقيس الزيت مانوال و ديجيتال عشان يبقى reference ليك

بس مش هقدر افيدك فموضوع الاقساط دة للأمانة

شكرًا جداً ليك يا باشا مش عارف اقولك أية ربنا يكرمك بس الفتره دي ممكن تكون قد ايه و ممكن أسافر بالعربيه ولا لا

[ramymechanics]

بص انا مش متأكد ... بس مادام معاك اثبات ان العربية مش مسروقة المفروض محدش يرخم عليك الا لو هو رزل اوى يعنى
انا عربية مراتى مستلمها من 3 اسابيع ولسة من غير نمر والظابط مرة وقفنى وشاف الورق بتاع جواب المرور وشهادة البيانات وسألنى العربية دى نوعها ايه و بكام ومشيت عادى ههههههههههه
هم بيرخموا متهيألى مع العربيات المشكوك فيها بس عموما لو انت قلقان ممكن تأجر نمر تجارى من اى معرض اعتقد ب 150 جنيه او حاجة زى كدة

[hamada4010]

بص انا مش متأكد ... بس مادام معاك اثبات ان العربية مش مسروقة المفروض محدش يرخم عليك الا لو هو رزل اوى يعنى
انا عربية مراتى مستلمها من 3 اسابيع ولسة من غير نمر والظابط مرة وقفنى وشاف الورق بتاع جواب المرور وشهادة البيانات وسألنى العربية دى نوعها ايه و بكام ومشيت عادى ههههههههههه
هم بيرخموا متهيألى مع العربيات المشكوك فيها بس عموما لو انت قلقان ممكن تأجر نمر تجارى من اى معرض اعتقد ب 150 جنيه او حاجة زى كدة

تسلم يا باشا اذا كان كدا يبقى نتوكل علي الله و ربنا يكرمنا ان شاء الله ( حبيب قلبي)