مركز صيانة محترم لرينو

[tahoun33]

السلام عليكم جميعا وكل عام وأنتم بخير
انا عايز أعمل service كامل للعربية بتاعتي renault laguna 1
يعني أغير سيور وفي حبة شغل في العشفة وعايز أكشف على الفتيس الأوتو
أروح لمين ولو في مركز محترم ممكن أكشف عليها ويخلصولي القصة بس يبقوا محترمين وبيفهموا وبرضه يكون سعرهم في المعقول

[Ahmed A Rahman]

فرنش موتورز الرحاب حلوين بصراحة
بس محتاج تكون قاعد جنب العربية
كشفهم كويس بس الاسعار غليت في كل مراكز الصيانة بس اقل من التوكيل

[tahoun33]

الكشف سعره كام يا باشا بعد اذنك

[MohammedAladel]

فرنش موتورز مركز معتمد وتقريبا نفس أسعار التوكيل فى قطع الغيار المصنعيات أقل لكن برضه أغلى من الورش العادية

بشكل عام كلهم شماطين :)

[tahoun33]

والله يا ريس انا كل اللي عايزه ان الشغل يكون صح بس ميكونوش مفتريين في الأسعار
وعلى موضوع فرنش موتورز اروح أحسن رينو العبور فهي أقرب لي

انا بسأل عن مراكز صيانة شغالة في الرينو
انا سمعت عن مركز اسمه الشروق في جسر السويس
حد يغرف عنه حاجة ؟

[MohammedAladel]

أهم حاجة تكون واقف معاه وهو بيشتغل وتبص بدقة كدا كأنك فاهم كل حاجة بيعملها بس نصيحة برضه ما تسألش حد فيهم أو تعدل عليه .... كفاية الرقابة :d

[أسامه الحسيني]

متابع