هل يوجد رينو داستر اوتوماتيك في مصر؟؟

[hero 99]

هل رينو داستر اوتوماتيك هتنزل مصر ؟؟
ولو مش هتنزل ينفع اجيب المانوال واغير الفتيس لاوتوماتيك وهيتكلف كام؟؟

[Mr.Lawyer]

بلاش موضوع تغيير الفتيس المانوال الى اتوماتيك ، لانها مكلفه جداً ومش هتتطلع صح زى بتعت المصنع ومينفعش تتعمل فى عربيه زيرو ، حرام الصراحه

الافضـــل لك لو نزل رينو داستر اتوماتيك هاتها ، اما لو منزلتش تبقى تشوفلك عربيه تانيه اتوماتيك على ابوها

ودى يرد عليك فيها خبراء قســـم رينــــو

تقبـــــل مرورى ،،

[kokowasfy]

لا مفيش فى مصر

[scientist9508]

بسم الله الرحمن الرحيم

الأخ الفاضل hero 99

يوجد إصداين من الناحيه الميكانيكيه للداستر

1 - إصدار دفع ثنائى

2 - إصدار دفع رباعى

تستطيع إستبدال الفيتيس فى إصدار الدفع الثنائى ولكنك ستتكلف بشكل مريع و فى النهايه ستحصل على النتائج الآتيه:
1 - لن يكون تركيب الفيتيس الأوتوماتيك بنفس كفاءه تركيب المصنع حتى وإن قام بتركيبه التوكيل نفسه (لا تظن أن التوكيل هو فرع مصنع رينو فى مصر)
2 - لن تكون رؤيتك لآداء السياره أفضل من رؤية و تصميم مهندسين رينو الذين صمموا هذه السياره بهذا الفيتيس المانيوال (عفوآ و مع إحترامى لحضرتك) لذلك لن يكون آداء السياره بالفيتيس الأوتومايتك هو نفسه آداء السياره بالفيتيس المانيوال

أما عن إصدار الدفع الرباعى فالأمر يتدرج من فاشل إلى مستحيل (مالم يفاجأنا مهندسين رينو بشىء مختلف فى الموديل القادم الذى لا أعلم له ميعاد ولكن الموديل الحالى . . . مستحيل)

أتمنى أن أكون قد جاوبت على أسئلتك

السلام عليكم و رحمة الله و بركاته

[hero 99]

بسم الله الرحمن الرحيم

الأخ الفاضل hero 99

يوجد إصداين من الناحيه الميكانيكيه للداستر

1 - إصدار دفع ثنائى

2 - إصدار دفع رباعى

تستطيع إستبدال الفيتيس فى إصدار الدفع الثنائى ولكنك ستتكلف بشكل مريع و فى النهايه ستحصل على النتائج الآتيه:
1 - لن يكون تركيب الفيتيس الأوتوماتيك بنفس كفاءه تركيب المصنع حتى وإن قام بتركيبه التوكيل نفسه (لا تظن أن التوكيل هو فرع مصنع رينو فى مصر)
2 - لن تكون رؤيتك لآداء السياره أفضل من رؤية و تصميم مهندسين رينو الذين صمموا هذه السياره بهذا الفيتيس المانيوال (عفوآ و مع إحترامى لحضرتك) لذلك لن يكون آداء السياره بالفيتيس الأوتومايتك هو نفسه آداء السياره بالفيتيس المانيوال


أما عن إصدار الدفع الرباعى فالأمر يتدرج من فاشل إلى مستحيل (مالم يفاجأنا مهندسين رينو بشىء مختلف فى الموديل القادم الذى لا أعلم له ميعاد ولكن الموديل الحالى . . . مستحيل)

أتمنى أن أكون قد جاوبت على أسئلتك

السلام عليكم و رحمة الله و بركاته

ﺷﻜﺮﺍ ﻟﺮﺩ ﺣﻀﺮﺗﻚ التوضيحي

[Land_Cruiser]

الاتوماتيك بتاعتها ٢٠٠٠ سي سي و دي مش موجهه للسوق بتاعنا وحتي لو نزلوها مش هتتباع لانها هتبقي غاليه و منافسينها كتير و الضريبه بتاعتها هتبقي عاليه و ده بالاضافه الي استهلاك البنزين العالي وكل ده هيخرجها من المنافسه و ده مش للداستر بس لكن كل العربيات بصفه عامه ال ١٦٠٠ سي سي هي الفئه المنتشره. ده بالنسبه للاتوماتيك الفابريكه اما بالنسبه للمانيوال فهي ١٠٥ حصان ووزن العربيه ١٢٨٠ كيلو و جر رباعي يعني لو بقت اتوماتيك مع التكييف يبقي مش هتتحرك من مكانها ولذلك ملهاش حل غير انها تكون مانيوال و الا يبقي موتورها تربو و في الحاله دي هتحتاج بنزين ٩٥ و سعرها هيزيد جامد و مش هتتباع. نيجي بقي لموضوع التحويل من مانيوال لاتوماتيك اول حاجه ده يخرج العربيه من الضمان و تاني حاجه مش اكيد ان الفتيس بتاع ال ٢٠٠٠ يركب علي ١٦٠٠ و قطع غيار ال ٢٠٠٠ مش متوفره هنا لان التوكيل ما بيستوردش النسخه دي اصلا و حتي بافتراض انك حولتها في الاغلب هتواجهك مشاكل جديده نتيجه لعدم توافق بعض الاجزاء و هتدفع فلوس كتير و لما تيجي تبيعها هتخسر فيها جامد

[S O P H O S]

بلاش خالص موضوع تغير الفتيس
ولو الماتور اتغير مع الاوتو
يبقي المانيوال برضوا افضل

[Super_Star_h]

مينفعش تلعب فيها
ومحدش هيقدر يضبطها على الاتوماتيك
الموضوع ده اكتر من مجرد حل وتركيب فتيس
هناك ثغرات اخرى