سيارتى الميجن 2008 حبيبتى

[Fancy_man22]

معايا ميجان 2008 و العربيه تعبتنى ف الاول شويه و كل الى ف البيت زهقوا منها بس انا علشان بحبها مش قادر ابعد عنها و بجد مريحانى ف السفر و الخروج و اسعه وعمليه جدا جوا البلد و موفرة ف البنزين ومسميها ( عزيزه ) المهم العربيه كنت ماشى بيها من كام يوم الصبح و واحد ابن حلال زنق عليا فعلشان ميلمسش العربيه ولا يخبطها جنحت ناحيه الرصيف جامد ف الفرده خبطت ف الرصيف و فرقعت فروحت جبت فردتين جداد وعلى الى حصلى ف البيت اول م روحت وعرفوا العربيه دى مصاريفها كتير اخلص منها وبعها وكلام من الى بيقطم دا مع العلم انى تقريبا عملت كل حاجه ممكن تتعمل ف العربيه و العربيه معايا زى الفل بس هو فى شويه نحس ملازمنى و طبعا مع الضغط الشديد قررت انى اعرض عربيتى على اصدقائى ف نيل موتورز هما اولا بيها
*مواصفات السيارة
-رينو ميجان اتوماتيك موديل 2008
-اللون :فيرانى ميتالك
-سعة المحرك :1600سى سى
-ناقل السرعة:ستبترونيك
-المسافة المقطوعة : 120000كيلو متر
-تكييف - باور - سى دى
4- زجاج كهرباء - مرايات ضم كهرباء
-عدد 2 كارت
-مالتى فانكشن قى التارة
-فوج لايت - ستوب لايت
-ستائر خلفية
2- كاوتش جديد - جنط سبو - بطارية جديدة
*تم عمل الاتى بالسيارة:-
- تغيير عفشه كامله امامى من 3 شهور فقط ( مساعد اسبانى - مقصات تركى - بطاحات و بلى بطاحات تركى ) وتم التركيب عند طارق ب المريوطيه ( الهرم سابقا)
- طقم طنابير خلفى اسبانى - بلى طنابير خلفى تركى - تيل فرامل خلفى المانى وتم التركيب عند طارق ب المريوطيه ( الهرم سابقا)
- كتاوت ديناموا بطاريه فاليو اسبانى وتم التركيب عند طارق ب المريوطيه ( الهرم سابقا)
- الكشف الكامل على كهرباء السيارة عند فرنش موتورز الشروق
- تغيير اويسيلات مكينه و فتيس عند فرنش موتورز الشروق بالضمان سنه
- تغيير سلونايد فتيس و تزويد زيت فتيس عند فرنش موتورز الشروق بالضمان سنه
- تغيير كويل فاليو الفرنسى
*****تقريبا انا عملت كل حاجه ف العربيه و ظبطها على الاخر وخلتها 100/100*****
*السيارة تحتاج الاتى :-
- تظبيط علبه الدريكسون عند طارق ب المريوطيه (الهرم سابقا)
*مستعد لكشف التوكيل فى اى وقت
سعر السيارة 77000 جنيه تشمل اى عطل يظهر ف الكشف
(يعنى لو ظهر اى حاجه مثلا تيل فرامل اجبلك واحد جديد و اركبهولك و متستلمش العربيه من غير م يركب ) ودى ثقه ف العربيه و حالتها
و يارب تكون من نصيب حد يحافظ عليها زى م انا كنت محافظ عليها و مراعيها
ودا رقمى للتواصل 01222923787 محمد فارس

[AAAH]

ربنا يوفقك فى بيعها ويبارك للمشترى ان شاء الله

[ahmedfouad]

مفيش صور

[تامر.محمد]

ربنا يوفقك في بيعها

بس ايه علاقة الحادثة بمصاريف العربية ؟ :)))

[أسامه الحسيني]

بالتوفيق وانصحك انك تراجع نفسك فى موضوع البيع

[Fancy_man22]

مفيش صور

استاذ احمد انا عارض العربيه على دوبيزيل

https://egypt.dubizzle.com/ar/cars/renault/listing/7-listings-f24d30bef32e5b9db9a3198e6e61d7ce/show/?back=

[S O P H O S]

ربنا يوفقك فبيعها