إعـــــــلان

Collapse

.

,
See more
See less

زيت موتور الفلوينس و الميجان بلاي :)

Collapse
X
 
  • Filter
  • الوقت
  • Show
Clear All
new posts

  • زيت موتور الفلوينس و الميجان بلاي :)

    كل سنه و انتم طيبيبن يا جماعه

    ما كنتش حابب اتكلم فى موضوع زيت موتور الفلوينس كتير و لكن وصلت لمعلومه مفيده و حبيت اشرككم . كنت فى التوكيل بعد العيد لتربيط العفشه و ظبط زوايا فى مركز صيانة العبور و تحدثت مع مهندس محترم هناك و فتحت معاه بصفه وديه موضوع زيت الموتور فى الفلوينس و الحالات اللى ظهرت فى دفعه من دفعات 2014 و كانت المفاجأه كالاتى :

    المشكله ما كنتش مشكلة موتور نهائي و لا خلوص بساتيم زى ما احنا كنا متخيلين
    المشكله كانت فقط فى valve التبخير للزيت و لم يكن محكم البرمجه و الغلق و كان بيأدى الى تبخير كميات زيت كبيره مما يؤدى للنقص
    صارحته انه فيه ناس غيرت الموتور فعليا و قال لى حصل لانه احنا ما كناش عارفين المشكله من اساسه الموتور جديد عليهم و من تصنيع نيسان و لو كانوا يعرفوا ايه سبب المشكله ما كانش اتغير اى مواتير نهائي كان ال valve و برمجته بس اللى اتغيروا . ما عرفوش السبب الا لما اتفك موتور و اتبعت زى ما هو بحالته لفرنسا و تم اجراء التجارب عليه و ارسال التفاصيل لهم بس للاسف الناس اللى حصلت عندهم المشكله و لغاية التوكيل ما عرف السبب و علاجه كانت كمية البخر للزيت و خروجها كبيره و عملت تدمير جزئى للمحرك

    تم طبعا تلاشى الموضوع ده تماما فى كل الدفعات اللى بتنزل دلوقتى و رينو فرنسا خدت اجراءاتها فى الموضوع ده

    حبيت بس اكتب فى الموضوع ده علشان الناس تطمن من الملاك الحاليين او المقبلين على الشراء و انه حتى لو ظهرت المشكله فى اللى اشترى 2014 ما فيش تغيير موتور و ﻻ حاجه و بيتعالج الموضوع فى ساعه فقط بتغيير الvalve و برمجته مش اكتر

    --الميجان بلاى الفيس ليفت نزلت 2015 و فئه واحده فقط اللى موجوده و سعرها 165 الف و حجز و هيه جميع المواصفات الفنيه للفلوينس بس شكلا فى الفيس ليفت تحفه بصراحه

    تحياتى و كل سنه و انتم طيبين :)
    اللهم بارك لنا فيما رزقتنا

    [SIGPIC][/SIGPIC]

  • #2
    الله ينور

    يعني ممكن كده نبدأ نعتبر ان مشكلة الزيت تم حلها , لحين اشعار آخر
    ناس كتير مش في ثقافتها خالص مفهوم ان مافيش حد ممكن يكون حجة عليا الا اذا انا كنت مأيده على طول الخط و متبعه , و انا لا مؤيد حد على طول الخط ولا متبع حد

    [sor2]http://imageshack.us/a/img838/2058/8l0n.jpg[/sor2]

    Comment


    • #3
      تمام يا تامر بيه . الراجل كان صريح جدا و محترم بالامانه و لم يدعى العلم و قال صراحة انهم ما كانوش يعرفوا المشكله فين و اعترف انه الموتور جديد عليهم و انه اتبعت لفرنسا بالكامل و انهم استخدموا الحل دلوقتى فى اى حاله بتجيلهم و من غير مشاكل و فيه هنا اعضاء فعلا راحوا التوكيل و زودوا لهم اللى نقص و ظبطوا ال valve و برمجته و همه نفسهم كاتبين انهم من غير مشاكل دلوقتى بس ما يعرفوش طبعا ايه اللى تم . ال valve له كميه معينه بيخرجها من البخر قليله لا تزيد عن نص كيلو عند التغيير على 10000 كم و ده طبعا للحفاظ على ضغط الموتور . ال valve كان بيخرج كميه بخر كبيره لمشكله فى برمجته و هو اللى كان بيأدى لنقص الزيت بصوره غير طبيعيه و تم التحكم و انهاء المشكله . مش رينو و نيسان اللى ينتجوا موتور فيه مشكله فى خلوص البساتم :) .

      و استمتعوا بفلوينساتكم :)
      اللهم بارك لنا فيما رزقتنا

      [SIGPIC][/SIGPIC]

      Comment


      • #4
        Tayeb lo homa regala y5lona nghir zit ghir total
        9castrol aw liqui moly masalan)

        Comment


        • #5
          المشاركة الأصلية كتبت بواسطة abubakr1234 مشاهدة المشاركة
          tayeb lo homa regala y5lona nghir zit ghir total
          9castrol aw liqui moly masalan)
          اتكلمت معاهم فعلا فى الموضوع ده لانه واضح انه زيت توتال مش ماشى مع تكنولوجية الموتور و نسبة بخره عاليه مع المحرك و الدليل انه هو نفسه موتور النيسان قشقاى و ما فيش مشكلهلانهم مش بيستخدموا زيت توتال و همه عندهم دلوقتى تفهم للموضوع ده و بيوافقوا تشترى انت الزيت و يتغير عندهم
          اللهم بارك لنا فيما رزقتنا

          [SIGPIC][/SIGPIC]

          Comment


          • #6
            حاجة غريبة يعنى مشكلة نقص الزيت و العيب ده ظهر فقط فى مصر مع العلم ان الموتور ده بالذات فى موجود فى كل العالم

            Comment


            • #7
              المشاركة الأصلية كتبت بواسطة aymanshebl مشاهدة المشاركة
              حاجة غريبة يعنى مشكلة نقص الزيت و العيب ده ظهر فقط فى مصر مع العلم ان الموتور ده بالذات فى موجود فى كل العالم
              هيه فعلا غريبه . الموتور ده بالمسمار و المللى و فتيسه موجود فى 4 انواع عربيات من رينو و نيسان يعنى حتى مش فى شركه واحده منهم و برغم ده لم تظهر المشكله فى اى مكان و ﻻ حتى فى اى ريفيوهات على النت عن العربيه او منتديات اجنبيه خاصه بالعربيات . يعنى مش زى مشكلة الفتيس ال dsg اللى لو فتحت اى منتديات خاصه بالعربيات اجنبيه بتلاقيها موجوده
              اللهم بارك لنا فيما رزقتنا

              [SIGPIC][/SIGPIC]

              Comment


              • #8
                خبر جميل جدا
                وبكده الواحد يعرف ينصح الناس كويس
                بدل ماكان مش عارف يقولهم العربية حلوة ولا وحشة
                [OVERLINE][B]miceg =Khaled Fouly[/B][/OVERLINE]

                [mshosh4]http://imageshack.com/a/img812/1576/pujz.jpg[/mshosh4]

                Comment


                • #9
                  مبروك ان المشكلة اتحلت جذريا
                  هو ده المتوقع من توكيل رينو المحترم

                  Comment


                  • #10
                    المشاركة الأصلية كتبت بواسطة skoda1996 مشاهدة المشاركة
                    مبروك ان المشكلة اتحلت جذريا
                    هو ده المتوقع من توكيل رينو المحترم
                    همه فعلا محترمين جدا . انا لما جالى المهندس علشان يستلم العربيه و من قبل ما يسمع منى اى ملحوظه قالى تأكد حضرتك انه كل حقوقك محفوظه عندنا فى سبب و انا قلتله انا ما عنديش مشاكل . بس الصراحه الداخله بتاعته كانت مريحه نفسيا جدا :) و طلبت تربيط عفشه و احاسب عليها رفضوا و قال لى تحت امرك يا فندم العفشه اتربطت . برغم انه انا مش رايح فى ميعاد صيانه دوريه
                    اللهم بارك لنا فيما رزقتنا

                    [SIGPIC][/SIGPIC]

                    Comment


                    • #11
                      الله ينور يا ياسر بيه وشكرا علي مشاركتنا المعلومه القيمه دي
                      [SIGPIC][/SIGPIC]

                      Comment


                      • #12
                        المشاركة الأصلية كتبت بواسطة ahmedelfeky مشاهدة المشاركة
                        الله ينور يا ياسر بيه وشكرا علي مشاركتنا المعلومه القيمه دي
                        و الله انا ما كنتش عايز اكتب تانى فى الموضوع ده لانه ما بقاش له طعم . بس لقيت من الامانه انه عرفت معلومه قلت انقلها خصوصا لقيت ناس كتير بتحب الفلوينس بس حيرانه فى الشرا و ناس ملاك شاغلهم الموضوع . كلنا دافعين فلوس و مش قليله و لا نتمنى انه يكون فيه حد متضايق او حيران و الحمد لله طبعا على كل شئ
                        اللهم بارك لنا فيما رزقتنا

                        [SIGPIC][/SIGPIC]

                        Comment


                        • #13
                          فعلا معلومات قيمه ........ وبيزيد الواحد ثقه في رينو وتوكيبل رينو
                          حتي مع حبي لبيجو 508 ........ الا ان توكيلها مايجيش اي حاجه فى امانة واحترام توكيل رينو

                          فى امان الله
                          [SIGPIC][/SIGPIC]قال الامام ابن القيم
                          والناس في دنيا الناس .... يحترزن لطبيب الابدان ولا يحترزن لطبيب الاديان، مع ان مدار حفظ الاكوان...... علي طبيب الاديان

                          Comment


                          • #14
                            المشاركة الأصلية كتبت بواسطة alshahba مشاهدة المشاركة
                            فعلا معلومات قيمه ........ وبيزيد الواحد ثقه في رينو وتوكيبل رينو
                            حتي مع حبي لبيجو 508 ........ الا ان توكيلها مايجيش اي حاجع فى امانة واحترام توكيل رينو

                            فى امان الله
                            اللى عجبنى فى المهندس بصراحه انه ما اتفزلكش او حاول يدارى عدم معرفة التوكيل بالمشكله زى ما بنشوف فى توكيلات تانيه و الراجل اعترف انه تكنولوجية الموتور و العربيه جديده عليهم . بقالهم سنين شغالين فى التكنولوجيا الفرنساوى و حفظينها .
                            اللهم بارك لنا فيما رزقتنا

                            [SIGPIC][/SIGPIC]

                            Comment


                            • #15
                              المشاركة الأصلية كتبت بواسطة yasser100 مشاهدة المشاركة
                              و الله انا ما كنتش عايز اكتب تانى فى الموضوع ده لانه ما بقاش له طعم . بس لقيت من الامانه انه عرفت معلومه قلت انقلها خصوصا لقيت ناس كتير بتحب الفلوينس بس حيرانه فى الشرا و ناس ملاك شاغلهم الموضوع . كلنا دافعين فلوس و مش قليله و لا نتمنى انه يكون فيه حد متضايق او حيران و الحمد لله طبعا على كل شئ
                              أولا : جزاك الله خيراً لطرح هذا الموضوع وإيضاح هذا الغموض حول موضوع نقص الزيت الذى إشتكى منه البعض - وإن كنت لم أتابع إلا مشكلة واحدة فقط بشكل تفصيلى وشامل وهى مشكلة الأخ mostafa magdy - والتى تم حلها بتغيير الموتور بالكامل .
                              مع العلم بأن هذا الموضوع لم يؤثر على شخصيا فى إتخاذ وتنفيذ قرار شراء الفلوانس لثقتى أن الموضوع مشكلة فردية خصوصا أن هذا المحرك هو المستخدم فى أكثر من موديل سواء كان لرينو او نيسان ولم تظهر المشكلة إلا فى حالات تعد على أصابع اليد .

                              ثانيا : أعتقد فعلاً أن هذا الخبر يهم الكثير من المقبلين على الشراء والذى أجل بعضهم تنفيذ الشراء لحين إستيضاح أبعاد المشكلة وأسبابها خوفاً على فلوسهم وهذا حقهم .
                              أما بالنسبة للملاك الحاليين الذين أصابهم القلق من هذا الموضوع فأعتقد ان هذا الخبر يضع نهاية لحالة "الوسوسة" أو بمعنى آخر "الهسهس" من متابعة وقياس مستوى الزيت بشكل يومى .

                              شكراً لك وجزاك الله كل الخير
                              وتقبل تحياتى ،،،
                              [hr]#ff0000[/hr]
                              [CENTER][SIGPIC][/SIGPIC][/CENTER]

                              Comment

                              Working...
                              X