الى السعوديه

[Fancy_man22]

بسم الله الرحمن الرحيم
الموضوع بكل بساطه انى نويت اسافر بالعربيه الى السعوديه ( ميجان 2008 اوتو )
محتاج نصايح من الاصدقاء ف المنتدى ايه الى اشيك عليه و اعمل ايه علشان العربيه تدينى افضل اداء طوال الرحله الىممكن تمتد ل 2يوم او اكتر
ارائكم تفدنى و تخلينى مرجعش شايل العربيه على كساحه :] لاقدر الله

[OmarAdel98]

غير الزيوت و السيور و اكشف على العربية كمبيوتر و خد معاك 20 لتر مية مقطرة و شيك على الريداتير و التوصيلات اللي بتوصلة وشيك على الكاوتش
و الاستبن طبعا و الفيوزات غيرها كلها و اللمض لو فية بايظ اعملة

[Mido Casper]

شيك علي الزيوت والفلاتر والكمبيوتر اهم حاجة عشان دي اكتر حاجة بتعطل ف الميجان

[Eng . megoo]

هوا الكلام ده ينفع اصلا يعني ممكن الواحد يطلع بالعربية السعوديه و يجي

[hilal]

لا انصحك بذلك
الميجان غير مخصصة لاجواء الخليج
ولن تجد لها اي قطع غيار هناك
وطبعا مش معقول هتاخد معاك جميع قطع الغيار المحتمل انك تحتاجها
بلاش المغامرة

[ahmedsrs]

فعلا الميجان غير معروفة فى الخليج ولا قطع غيار لها يعنى لا قدر الله لو سلك من سلوك البوجيهات ساح من الحروده شائع جدا لشدة الحرارة والعواصف الرملية مش هتلاقيه وهتبقى حوسة

[Fancy_man22]

شكرا جدا لاهتمامكم الشديد بالموضوع
بس انا غملت سيرش و دورت كويس عن موضوع قطع الغيار و خليت ناس اصحابى يدورو فى التوكيل (رينو ) عن قطع غيار و لقوا الحمد لله بس الاسعار وهميه و غاليه جدا بس قطعه الغيار نضيفه جدا و باين عليها الفلوس المدفوعه فيها انا لسه بفكر فى موضوع السفر دة و قلت اخد ارائكم قبل م اعمل اى حاجه علشان ارائكم تهمنى جدا
وشكرا ليكم لو فى اى حاجه ممكن اشيك عليها تانى ياريت تقلوهالى و الاحتمالات ايه الى يبوظ مع العلم انى ممكن ااخر السفر شويه و اسافر ف الشتاء

[dedo_ryo]

بص يا صديقي
اولا غير البوجيهات و اتاكد من الكويلات و هات معاك طقم كويلات احطياطي في الشنطه
اتاكد من ضغط طرمبه البنزين انه كويس و غير فلتر البنزين بالاصلي لو ميعاد تغيره قرب
شيك علي زيت الموتور و لوزوجته و اتاكد انه تمام و مناسب لاجواء الخليج و لو محتاج تغيير غيره
بص علي كشف الكمبيوتر و لو طلع اي اعطال اتاكد منها و حلها
و ربنا يوفقك و توصل بالسلامه

[Land_Cruiser]

لو عايز نصيحتي بلاش. المشوار طويل و يجوز تحصل حاجه في الطريق تحتاج لميكانيكي او رفع السياره علي ونش او تسخن قوي او تحتاج اكتر من فرده كاوتش. العربيه هتتبهدل منك و هتتعب من المشوار و هتستهلك بنزين و هتاخد معاك قطع غيار و احتمال تشتري بثمن او يمكن اكتر من ثمن تذكره الطائرة

[تامر.محمد]

دكتور تامر حجازي عملها قبلك فعلا

المهم تتأكد ان حالة عربيتك كويسة
لو مغير زيت الفتيس قبل كده بلاش سرعتك تعدي 130 لفترات طويلة
لو تقدر تعمل للعربية كشف عام اعمل
لو شاكك في حاجة فيها اعملها

انت عموما ادرى بحالة عربيتك

[mazdaprotege]

يا باشا جمد قلبك لو عربيتك نظيفه توكل على الله و ماتقلقش بس راجع عليها
انا بآسفر جده و ينبع فى السعوديه و باشوف الميجان و الفلوانس هنا عادى جدا و ليها توكيل و موزعين بس انتشار الفرنسى هنا مش كتير و بصفه عامه الاوربى قليل مقارنة باليابان و الأمريكى و الكورى

[minicooper20]

حسب حالت عربيتك
و حسب انتا رايح فين فى السعوديه
بس انا مبرجحش تمما انها تكون عربيتك هنا
الميجان فى السعوديه بتتباع مستعمله ب ٨ الف ريال فا لك ان تتخيل

[Mohamedjetta]

توكل علي الله لو العربيه نضيفه
انا سافرت من اسبوع من سلطنه عمان لمصر مسافه المشوار يجي 3400 كيلو وخلصت الموضوع ده في يومين ونص
وكل ده بالنترا 2010

[أسامه الحسيني]

بسم الله الرحمن الرحيم
الموضوع بكل بساطه انى نويت اسافر بالعربيه الى السعوديه ( ميجان 2008 اوتو )
محتاج نصايح من الاصدقاء ف المنتدى ايه الى اشيك عليه و اعمل ايه علشان العربيه تدينى افضل اداء طوال الرحله الىممكن تمتد ل 2يوم او اكتر
ارائكم تفدنى و تخلينى مرجعش شايل العربيه على كساحه :] لاقدر الله

خد معاك عده
مفك - بنسه - قصافه - -5 متر سلك - فيوز
ممكن لو ميعاد تغيير الزيت قرب غير زيت وفلاتر (هواء - بنزين - زيت ) شيك برده على التكييف
وان شاء الله تروح وتيجي بالسلامه

[S O P H O S]

مش مؤيد الفكرة بصراحة